1 JOHANA 3:1 - BUKUIT NE TILIIL Sireet ne Dutero Kanon

¹ Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

Bukuit Ne Tilil

¹ Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

BUKUIT NE TILIL

¹ Ogeero, chamnyet ne u nee ne kichamenech Kwanda, kot keguurenech lagokab Jehovah! Ago ki choto achek. Amu nito anyun, ko maingenech ng’ony, amu kima nai inendet.

1 JOHANA 3:1 Referencias Cruzadas

2 SAMUEL 7:19

Ko uu yo kiy niito ne ming'in eng' taing'ung' ee Kiptaiyat Kamuktaindet ne Toroor, ko kaing'alaal kogeny agobo kootap otwogindeng'ung' eng' peetuusyek che chaang' che pwoonei. Uu ni piteetap kimugulmet, ee Kiptaiyat Kamuktaindet ne Toroor!

TIENWOGIKAL 31:19

Ee, oo ne tya myeeindong'ung', ne ki igonorchi icheek che iywein! Ne ki iyachi icheek che imang'un eng' taitap weeriigap piik!

JEREMIA 3:19

Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

LUKA 20:36

amu ma komuuchi kobek agoi: amu kergeitu ak malaikaisyek; ak icheeget ko weeriigap Kamuktaindet, amu weeriitap ng'eetyeet.

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

JOHANA 11:52

ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

JOHANA 15:21

Ago yaiywok tuguuchu tugul agobo kainennyu, amu ma nai ineendet ne ki iyookwo.

JOHANA 16:3

Ak yaei tuguuchu, amu ma nai Kwanda, anan anee.

JOHANA 17:25

“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

ROMANIK 8:19

Amu igeni miising' ak koganyei yaeet komugul ng'ang'et ne po weeriigap Kamuktaindet.

ROMANIK 8:21

si kobiit kityaach yaeet komugul agine eng' otwoknateetap ng'emisyet agoi katyaget ne po toroornatetap lagogap Kamuktaindet.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

2 KORINTOEK 6:18

Ak aegu Kwanda eng' okweek, Ak oegu weeriik ak tiibiik eng' anee, Mwaei Kiptaiyat Ne po Kamuktaet.

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

GALATYEK 3:29

Ak ngot oo po Kristo, ko oo kesweegap Abraham anyun che namei tuguuk ko uu eng' arorutyet.

NG'ATUTIK 14:1

“Oo lagogap Kamuktaindet ne Toroor Kamuktaindeng'wong': amowat poorwekwok anan amotuumet agobo chii ne kame.

KOLOSAIK 3:3

Amu ki obegu, ak ki kiuny saboonwekwok kobooto Kristo eng' Kamuktaindet.

1 JOHANA 3:10

Ng'ang'aksei lagogap Kamuktaindet eng' niito, ak lagogap chesawil: chii age tugul ne ma yaei imanda koma po Kamuktaindet, anan ineendet ne ma chamei ne tupcho.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

1 JOHANA 4:17

Kigeyai chamyet koek ne ititaat eng' acheek, si kobiit kesich nyiganateet eng' peetuutap kirwooget; amu ko uu ole uu ineendet, keu nooto acheek eng' ng'wonyuni.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.