1 JOHANA 1:9 - BUKUIT NE TILIIL Sireet ne Dutero Kanon

⁹ Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

Bukuit Ne Tilil

⁹ Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

BUKUIT NE TILIL

⁹ Ngot keng’anye tengekwogikyok, koyanat ak ko bo imanda konyoiywech kaat tengekwogikyok, ak kotililech eng’ kiy tugul ne ma bo imanda.

1 JOHANA 1:9 Referencias Cruzadas

1 LAITORINIK 8:30

Kas soometap otwogindeng'ung', ak piiguk Israel, ye saaei kotokyingei yuto. Kas anyun eng' kipsengwet oldang'ung' ole imenye; ak ye igas, inyochigaat.

1 LAITORINIK 8:47

ago ngot kobwaatkei eng' emet ne ki kimut koek luulenik, ak kosik, koriirchin eng' emetap piik che ki imut icheek koluul, kole, ‘Kigeyai tengekto, ki keyai kiit ne imaasat, ki keyai kiit ne ya kot’;

NEEMIA 1:6

ingoep iit itiiguk ak koyatagis konyeguk, si kobiit igas saaetap otwogindeng'ung' ne asaain eng' saini, peet ak kemoi, agobo piigap Israel otwogiguk, ye ang'aanye tengekwogigap piigap Israel, che kigeyaun. Ee, ki ayai tengekto kobooto kootap kwandanyu.

TIENWOGIKAL 19:12

Ng'oo ne imuuchi koguiyo lelutikyik? Itiliila eng' tuguuk che ung'ootiin.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 45:21

Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 33:8

Ak aun icheek eng' tengektonywa tugul, che ki koyaiywo; ak anyochi kaat amu tengekwogikwak tugul, che ki koyaiywo, ak che ki kongeleljinena.

RIREKAB JEREMIA 3:23

Leelachen rireenosyekyik karonet age tugul; oo imandang'ung'.

EZEKIEL 36:25

Ak abisenok peek che tiliileen, si otiliiliitu: ak aundawok simdang'wong' tugul, ak kanamonikwok tugul.

EZEKIEL 37:23

Ama kong'wanitegei kanamonikwak kogeny, anan eng' tuguukwak che samis, anan agot agenge eng' pistaosyekwak: ago asaru icheek eng' oldinwekwak tugul che menyei: ole kiyae tengekto, ak atiliil icheek: egu anyun piikyuk, ak aegu Kamuktaindennywa.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 3:6

ak ki kibatisan icheek eng' aineet ne po Jordan, kong'aanyei tengekwogikwak.

MARIKO 1:5

Ak ki pwanji `piik ineendet kobunu emet komugul ne po Judea ak meng'iigap Jerusalem tugul; ak ki ibatisan icheek eng' aineetap Jordan, kong'aanyei tengekwogikwak.

LUKA 22:57

Ago ki tiiyo, kole, “Kobogoryondoni, mangen ineendet.”

JOHANA 17:25

“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.

POISYONIGAP CHE KIYOKTOI 19:18

Ki pwa ak icheek che chaang' che ki iyan, kong'aanyei ak koboortoi poisyonikwak.

ROMANIK 3:26

amu kabartaetap imandanyi eng' peetuusyechuuto, si kobiit koek ineendet ne po imanda, ak koek ne iityin imanda ineendet ne tinyei kayaneet eng' Jeso.

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

1 KORINTOEK 6:11

Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

EPESOEK 5:26

si kobiit kotabaan, ko kagotiliil eng' kaunetap peek eng' ng'olyoot,

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

1 TIMOTEO 1:15

Po iman ng'olyoondoni, ak nyolu koyanak inne, ne mwaei kole ki nyo Kristo Jeso ng'wony kosar kiptengeginik; aa ne po tai eng' chooto;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 10:23

ongenam miising' ng'ang'eetap kamang'unennyo si mawalak; amu iman ineendet ne ki iaroru:

HEBRANIK 11:11

Ki sich agot Sara agine kimnateet eng' kayaneet komanach ko kagosiirto kenyiisyekyik, amu kiit kole po iman ineendet ne ki iarorchi ineendet:

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.