1 JOHANA 1:3 - BUKUIT NE TILIIL Sireet ne Dutero Kanon

³ nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

Bukuit Ne Tilil

³ nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

BUKUIT NE TILIL

³ noto kigegeer ak kegas ko noto ne keamwok ak okwek, si kobiit osich ak okwek yamdaet kobotech: ee, mitei yamdaennyo koboto Kwanda, ak koboto Werinnyi Jesu Kristo:

1 JOHANA 1:3 Referencias Cruzadas

Kitabuutap JOB 13:1

Ki kogeer konyekyuk chuuto tugul, ki kogas itinnyu ak koguiyo.

TIENWOGIKAL 2:7

Abartoi ng'atuutyetap Kamuktaindet. Ki leenjo Kamuktaindet ne Toroor, “Ii weeriinnyu; kaasichin rani.

TIENWOGIKAL 22:22

Amwachini kaineng'ung' tupchosyekyuk; alasun eng' kwenutap tuiyet:

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

KAITOSYEK 10:32

Ngot keebe tugul, ko kiy age tugul ne myee ne yaiywech Kamuktaindet ne Toroor, keyaun chooto agacheek.”

JOHANA 17:11

Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

JOHANA 17:25

“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 19:35

Ak kibaoryan ineendet ne ki keer, ak ko po iman paornatennyi: ak ingen ineendet kole mwaei iman, si kobiit oyan ak okweek.

POISYONIGAP CHE KIYOKTOI 13:32

Ak ki ibwook logoiywek che myach che po arorutyet, ne ki kigoochi kwanisyekyok,

POISYONIGAP CHE KIYOKTOI 13:41

‘Ogeero, okweek saasiik, okwong'ye ak olusye; Amu ayae poisyet eng' peetuusyekwok, poisyet ne ma koi oyan matiny, agot ngo mwaiwok chii.’ ”

POISYONIGAP CHE KIYOKTOI 2:42

Ki igiiljingei icheek tugul kaneetisyetap che kiyooktoi ak yamdaet, eng' putuletap magatyat ak saautik.

POISYONIGAP CHE KIYOKTOI 20:27

Amu ma ariiny amwaiwok maguutik tugul che po Kamuktaindet.

POISYONIGAP CHE KIYOKTOI 4:20

Amu ma kimuuchi kesisye kobatee kemwa tuguuk che ki kegeer ak che kigegas.”

ROMANIK 15:27

Ee, kigocham icheek miising' ng'olyoondoniito; ak icheek ko pesenikwak. Amu ngo ki keyai Pororyosyek koek yamdoik che po tuguuk che po saboon, ko kanyool ak icheek koyaakta eng' poisyet ne poisyechin eng' tuguuk che po poorto.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

1 KORINTOEK 15:1

Aboorwok anyun, che kitupche, nguno, logoiywek che myach che ki aamwok, chooto ki otaach, chooto ak icheek che otonone,

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

EPESOEK 3:6

keele, Pororyosyek ko yamdoigap nametap tuguuk, ak yamdoigap kebeberwegap poorto, ak yamdoigap arorutyet eng' Kristo Jeso eng' logoiywek che myach,

PILIPIK 1:7

ko uu ye myee eng' anee abwaat ko uu niito agobo okweek tugul, amu omi muguleldanyu, amu eng' monjorornatennyu, ak eng' riipseet ak kagimitetap logoiywek che myach, okweek tugul ko oo yamdoik kobooto eng' myeeindo.

PILIPIK 2:1

Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

PILIPIK 3:10

si kobiit anai ineendet ak kamuktaet ne po ng'eetyeennyi, ak yamdaet ne po nyalilwogikyik, kirogendoena meennyi;

KOLOSAIK 1:13

ne kisarwech kemang'une kimnateetap mesundeito, ak kouutech keebe laitornatetap Weeriit ne po chamyennyi;

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

1 TIMOTEO 6:2

Ak icheek che tinyei kiptainik che iyanotin, ko mat kosas icheek, amu tupchosyek; ago kaigai koot icheek, amu icheeget che nyooru toreteet ko che iyani ak ko chamanik. Ineet ng'aleechu ak iteechi.

HEBRANIK 2:12

kole, Amwachini kaineng'ung' tupchosyekyuk, Atyeni kalasuneng'ung' eng' kwenutap tuiyet.

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

2 PETERO 1:16

Ma kisup atindonik che ki kichobei eng' ng'omnateet ye ki ngemwaiwok kimnateet ak nyonunetap Kiptaiyandennyo Jeso Kristo, ago ki kibaorinigap etunatennyi ne ki kigeer,

1 JOHANA 1:1

Nooto ne ki mi kobooch taunet, nooto ne ki kegas, nooto ne ki kegeer eng' konyekyok, nooto ne kigesue, ak konam eunekyok, agobo Ng'olyootap saboondo,

1 JOHANA 1:5

Ak ni ng'olyoot ne ki kigas eng' ineendet ak keamwok, keele lapkeiyet Kamuktaindet, ama mi mesundeito eng' ineendet agot kitigin.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.