1 ATEPTAP PEETUUSYEK 16:4 - BUKUIT NE TILIIL Sireet ne Dutero Kanon

⁴ Ki lewen alak eng' Lawiik kobois eng' taitap moingetap Kamuktaindet ne Toroor, koyai kabwaatet, komwachin kongoi, ak kolasu Kamuktaindet ne Toroor, Kamuktaindetap Israel;

Bukuit Ne Tilil

⁴ Ki lewen alak eng' Lawiik kobois eng' taitap moingetap Kamuktaindet ne Toroor, koyai kabwaatet, komwachin kongoi, ak kolasu Kamuktaindet ne Toroor, Kamuktaindetap Israel;

BUKUIT NE TILIL

⁴ Ak kilewen alak eng’ Lawik kobois eng’ taitab moingetab Jehovah, ak koyai kabwatet, ak komwachin kongoi Jehovah Kamuktaindetab Israel, ak kolosu inendet:

1 ATEPTAP PEETUUSYEK 16:4 Referencias Cruzadas

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

TAUNET 32:28

Kowolji koleenji, “Ma keguurenen Jakobo agoi, ago ka kiguurenen Israel, amu kaobelgei ak Kamuktaindet ak piik ak icheek, ak kaiterteer.”

TAUNET 33:20

Ki teech kaptisisyet eng' olooto, ak koguure kaptisisyonooto El-eloe-Israel.

1 LAITORINIK 8:15

Ak ki le, “Iberuurot Kamuktaindet ne Toroor, Kamuktaindetap Israel, ne ki ng'alaalji eng' kutinnyi Daudi abba, ak kagosulda eng' eunekyik kole,

1 ATEPTAP PEETUUSYEK 15:16

Ki mwachi Daudi che eecheen che po Lawiik kolewen tupchosyekwak tyeniik, ak tuguuk che kibutei, che chooto ko kibugandinik, ketubosyek sanisyek che po sugunonik che kibirei kebut kocheiyo miising', ak kotyenso eng' kagasetapkei.

1 ATEPTAP PEETUUSYEK 16:3

Yeityo kogoochi chii age tugul ne po Israel, ne muren ak kwony, magatyat, pendo kitigin ak magatyatap sabibuk che yamyotiin.

1 ATEPTAP PEETUUSYEK 16:5

Chooto ko ki chu: ki ne oo Asaph, korubei Zekariah, ak Jeiel, Semiramot, Jehiel, Matitia, Eliap, Benaiah, Obed-edom ak Jeiel. Kibutei icheek kibugandinik ak ketubosyek; kibirei Asaph sanisyek che po sugunonik kocheiyo miising';

1 ATEPTAP PEETUUSYEK 16:8

Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik tugul.

1 ATEPTAP PEETUUSYEK 24:3

Ak kipchei Daudi ak Zadok, eng' weeriigap Eleazar, ak Ahimelek, eng' weeriigap Ithamar, kopchei icheek ko uu koiitennywa eng' poisyennywa.

1 ATEPTAP PEETUUSYEK 25:1

Ki itabaan kogeny Daudi ak kiptainigap lugeet alak eng' weeriigap Asaph, che po Herman, ak che po Jeduthun, kotaabanji poisyet, si komaotenso eng' ketubosyek, kibugandinik ak sanisyek che po sugunonik che kibirei. Koitetap icheeget che kiyaei poisyet ko uu otisyennywa ko:

1 ATEPTAP PEETUUSYEK 6:31

Chu ko che ki inde Daudi kondochi poisyetap tyenwogik eng' kootap Kamuktaindet ne Toroor, ye kingo kagomuuny moinget.

2 ATEPTAP PEETUUSYEK 5:13

Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

EZRAH 3:10

Kingo lumda teegik lumeiywotap Hekaluutap Kamuktaindet ne Toroor, konam poisyennywa tisiik ak kolas Kamuktaindet ne Toroor kolaachi ngoroikwak che po tiseinateet ak kotinyei iryagook, kobooto Lawiik weeriigap Asaph che ki tinyei sanisyegap sugunonik che kibirei, ko uu ng'atuutyetap Daudi laitoryatap Israel.

NEEMIA 12:24

Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

TIENWOGIKAL 103:2

Ilasu Kamuktaindet ne Toroor, ee saboondanyu, ameutyee konunoikyik tugul.

TIENWOGIKAL 105:5

Obwaat poisyonikyik che kikwong'ee che ki koyai, kwang'utikyik, ak kirwoogutigap kutinnyi,

TIENWOGIKAL 106:48

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny. Ak ingomwa piik tugul kole, “Amen!” Olasu Kamuktaindet ne Toroor!

TIENWOGIKAL 37:1

Ameng' konyitin che yaei yaityo, amat koamin ng'etkong' agobo che yaei tengekto.

TIENWOGIKAL 70:1

Ee Kamuktaindet, sarwo; chokyi toreto, ee Kamuktaindet ne Toroor.

TIENWOGIKAL 72:18

Iberuurot Kamuktaindet ne po Toroornatet, Kamuktaindetap Israel, Ne ineegei ne yaei tuguuk che po kwong'eet: