Sant Ian 9:22 - Testamant Nevez 1897 (Jenkins)

²² He dad hag he vam a lavaraz kement‐se, abalamour m’ho doa aoun rag ar Judevien; rag ar Judevien ho doa dija decidet, mar teuje unan‐benag da anzav e oa Jesus ar C’hrist, e vije taolet er meaz euz ar sinagog.

Bibl Koad 21: Ar Bibl e Brezhoneg evit ar Vretoned

²² E dud a lavaras kement-se o vezañ m’o doa aon rak ar Yuzevien. Ar Yuzevien o doa dija lakaet penaos piv bennak a anavezje anezhañ evit ar C’hrist, a vije kaset kuit eus ar sinagogenn.

Sant Ian 9:22 Referencias Cruzadas

Sant Lucas 6:22

Eürus e veot pa ho devezo an dud kassoni ouzoc’h, pa veot chasseet, hag outrajet ganthe, ha pa lakint hoc’h hano da dremen evit eun hano fall, abalamour da Vab an den.

Sant Ian 1:19

He‐man eo an desteni a roaz Ian, pa gassaz ar Judevien euz a Jerusalem beleien ha servicherien an templ da c’houlen diganthan: Piou oud‐te?

Sant Ian 16:2

Ho teurel a raint er meaz euz ar sinagogou; ha dond a ra memeus an heur ma credo renta servich da Zoue piou‐benag ho lakai d’ar maro.

Sant Ian 19:38

Goude‐ze, Josef a Arimathe, pehini a oa eun diskibl da Jesus, mes en kuz, gant aoun rag ar Judevien, a bedaz Pilat d’hen lezel da lemmel ac’hane corf Jesus; ha Pilat a bermetaz dezhan. Dond a eure eta, hag e kemeraz corf Jesus.

Sant Ian 20:19

Var ar pardaez euz an deiz‐ze, a oa ar c’henta euz ar sizun, an norojou euz al leac’h ma oa assamblet enhan an diskibien, o veza serret, gant aoun rag ar Judevien, Jesus a zeuaz, hag en em brezantaz en ho c’hreiz, hag a lavaraz dezhe: Ar peoc’h ra vezo ganeoc’h!

Sant Ian 7:13

Koulskoude, den e‐bed na gomze freaz divar he ben, gant aoun rag ar Judevien.

Sant Ian 9:18

Mes ar Judevien na gredjont ket e oa bet dall an den‐ze, hag hen doa kavet ar gwelet, ken ho doe galvet he dad hag he vam.

Sant Ian 9:21

mes ne ouzomp ket penaos e vel breman, na piou hen deuz digoret he zaou‐lagad dezhan. En oad ema, goulennit diganthan, komz a rai evithan he‐unan.

Sant Ian 9:34

Respont a rejont dezhan: Te a zo ganet holl er pec’hed, hag e teuez d’hor c’helen! Hag e taoljent anezhan er meaz.

Sant Ian 9:35

Jesus a glevaz ho doa hen taolet er meaz, hag o veza en em gavet ganthan, e lavaraz dezhan: Ha credi a rez‐te en Mab Doue?

Actou an Ebestel 4:18

Hag o veza galvet anezhe, e tifenjont stard outhe komz, na kelen e doare e‐bed en hano Jesus.

Actou an Ebestel 5:13

Hag hini euz ar re‐all na grede en em lakaad assambles ganthe, mes ar bobl a veule kalz anezhe.

Actou an Ebestel 5:40

Hag e oent euz he ali, ha goude beza galvet an ebestel, ha beza lakeat ho skourjeza, e tifenjont outhe komz en hano Jesus; hag e loaskjont anezhe.

Apocalyps 21:8

Mes, evit ar re aounic, ar re difeiz, ar re abominabl, ar muntrerien, an dud lubric, an ampoezonerien, an idolatred, hag an holl c’haouiaded, ho lod a zo el lenn ardant a dan hag a soufr; he‐man eo an eil maro.