Sant Ian 8:6 - Testamant Nevez 1897 (Jenkins)

⁶ Kement‐se a lavarent evit hen amprouv, evit gallout hen tamal. Mes Jesus, o veza en em bleget, a scrive gant he viz var an douar.

Bibl Koad 21: Ar Bibl e Brezhoneg evit ar Vretoned

⁶ Lavarout a raent kement-se evit e amprouiñ hag evit gallout e damall. Met Jezuz, o daoublegañ, a skrivas gant e viz war an douar, evel ma ne gleve ket.

Sant Ian 8:6 Referencias Cruzadas

Mazhev 10:16

Setu, e kassan ac’hanoc’h evel denved e‐kreiz ar bleizi; bezit eta prudant evel an aered, ha dizroug evel koulmed.

Mazhev 15:23

Mes hen na respontaz ger e‐bed dezhi. Hag he ziskibien a dostaaz, hag a bedaz anezhan, en eur lavaret: Kas anezhi kuit, rag crial a ra var hon learc’h.

Mazhev 16:1

Neuze e teuaz Farizianed ha Saduseed d’he gavout, hag evit he denti e c’houlenjont diganthan diskouez dezhe eur miracl‐benag euz an env.

Mazhev 19:3

Dond a reaz ive Farizianed d’he gavout evit hen tenti, hag e leverjont dezhan: Ha permetet eo da eun den kas kuit he vreg n’euz fors evit pe seurt digarez?

Mazhev 22:18

Mes Jesus, oc’h anaoud ho fallagriez, a lavaraz: Hipocrited ma’z oc’h! perag e tentit‐hu ac’hanoun?

Mazhev 22:35

Hag unan anezhe, eun doctor euz al lezen, a c’houlennaz diganthan evit hen amprouv:

Mazhev 26:63

Mes Jesus a davaz. Neuze ar beleg‐braz, o komz, a lavaraz dezhan: Me a gonjur ac’hanoud, dre an Doue beo, da lavaret deomp ha te eo ar C’hrist, Mab Doue?

Sant Marc 10:2

Neuze ar Farizianed a dostaaz outhan hag a c’houlennaz diganthan, evit hen amprouv: Ha permetet eo da eun den kas kuit he vreg?

Sant Marc 12:15

Mes hen, oc’h anaoud ho hipocrizi, a lavaraz dezhe: Perag e tentit‐hu ac’hanoun? Digassit d’in eun diner, evit ma her gwelin.

Sant Marc 3:2

Hag int a zelle piz outhan da velet hag hen a iac’haje anezhan da zeiz ar sabbat, evit gallout hen tamal.

Sant Marc 8:11

Hag e teuaz eno Farizianed, pere a gommansaz disput ganthan, en eur c’houlen diganthan, evit he denti, eur miracl‐benag euz an env.

Sant Lucas 10:25

Neuze eun doctor euz al lezen a zavaz hag a lavaraz da Jesus, evit hen amprouv: Mestr, petra a rankan‐me da ober evit herita euz ar vuez eternel?

Sant Lucas 11:16

Mes darn all, evit hen amprouv, a c’houlenne diganthan eur miracl euz an env.

Sant Ian 8:2

Ha da c’houlou‐deiz e teuaz adare en templ, hag ar bobl holl a zeuaz d’hen kavout; hag, o veza azezet, e kelenne anezhe.

1 Korintiz 10:9

Ha diwallomp da denti ar C’hrist, evel ma reaz lod anezhe; hag e oent distrujet gant ar serpanted.