WEAWEA 14:33 - Hawa Naga Bible 2001

³³ Nuimshiq kvmluimx thuinz vguez ningkhvnc nuex yaruix tvnx vyuq nuimshiq wawc yix tvsuip waz thueyc kaz tuex nuex httuiuc laz, nuimshiq suiuz vsaz hez kuex wawc rok bvlic nuex httuiuc laz yaruix tvnx vyuq dvyx kvroz httax ngaungc wuez tuinx.

ASII LAKDAP Bible (BSI)

³³ Namsetiim ka ara bintang jüngi mung arjaq rawii roqblai mimang mii wan. Tsangshiq ka namshiq raq Ngi shishe baiq lan kriikha na micham chao wan. Kra chamchao ka namshiq phong wa atiisup tsaitiwe kra mitsai shaq wiiwii michamchao wan.

WEAWEA 14:33 Referencias Cruzadas

Tvtsvmc 107:4

Miq wvyvmc kuex lvmx vguez kumtsvy tvnx nuex dvyx kvroz httax wuez tueq, tsuing-shiq httaz juing ghaqyungx nuex kay juing lvmx muinz humc muq.

Tvtsvmc 107:40

tsuingshiq htauk nuex tuinghtuing yaq jix htenc kuex vpiq rueq tsirix yaq lvmx kuex tvkhic ruiux, tsuingshiq kuex lvmx vguez kuiyq shuik kuiyq khvmx kumtsvy tvnx nuex tvkhuemc shamc tueq.

Tvtsvmc 78:33

Kvkhoc rvtueq tsuingshiq raung-nuiyq kuex thuiuzthuic shup hax ikhoc tsuingshiq rullungx htenc kuex vhuingc rvhek jamjaux htenc maq tvhtumx gay tueq.

DUNGWVNC 20:5

Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

EJEKIEL 23:35

Majuiuc vruex kuex Johvlc Yehowa rueq jungx yaq: “Mnoz rueq ngaz kuex lauk gay phux, ngaz muex yix tvnungx shung kuq gay ruiux, mnoz htokpawx thuinz nuiyc mehpex yauk shuimc ningkhvnc nuex mnoz kuilc daz rvhumc tuiux.”

Hosea 9:1

Israel miqsaz lex, nawk palx htungx vguez miqsaz htenc rueq ikhoc tvhungx vshuinx phuiuz vsvy moalx htenc kuex httvr wuez shuinz. Nuimshiq kuex nuimshiq Tishox kox wawc kvroz kaz vtueq vpiq muex tvmtuing vguez. Nuimshiq rueq nuimshiq shauk pumz kuex wvmungx tuimx vyuq mephex nyuiuz hez ikhoc Bala tishox muex shaung kuq ruiux, tuiz vtsvmz raungc raq vshuinx kuex piq ningkhvnc nuex lvp vshuinx ngoz tueq tvmaung vshuinx!

WEAWEA 32:13

Yehowa kuex Israel miqsaz muex thuinkhaq vtueq, vpiq thuinroc lvmx khawc lvlc jix miq htenc thueyc kaz wuez tueq nuex httuiuc laz, tsuingshiq kuex yaruix tvnx nuex wawc rok bvlic tup tvroz khuemx vtueq tvhttax tueq.

WEAWEA 33:38

Yehowa rueq nvr tueq rulc rv-ngvlc shomc waz Arun kuex Hor Kanx nuex duiz woz tueq. Israel miqsaz kuex Ejip mungx maq kay wvnc yix, wawc rok bvlic httuiuc tueq raungwawc, lex bv-ngac yapix vphaungc raungnuiyq piq rullungx wawc 123 nuex thueyc kaz tueq.

WEAWEA 5:31

Vtaungx waz kuex mvrax yaq muq miq yaungc rax, yuq muinz vtaungx nyuiuz kuex mvrax yaq gay tueq ngoz ruiux yuq, yaq gay tueq mvrax kvruex tv-phvnc murx rvhumc tuex.

Acts 7:36

Piq kuex Ejip mungx nuiyc Yuix Shawx Jumx maq muinz, wawc rok bvlic tup kumtsvy tvnx nuex muinz, vwangc juing romzyac htenc tvkhic wvnc vtueq, Israel miqsaz htenc kuex Ejip mungx wawc shvlc tvdungc wvnc jix waz rvtueq.

TRI CHONGKE 1:3

Ejip mungx maq dung kaz wvnc tueq yix maq wawc rok bvlic vngoz raungwawc, lex rokshiz rac lexshiz yapix vphaungc raungnuiyq Yehowa rueq piq muex nvr tueq htenc kuex Moshe rueq Israel miqsaz muex tvlvy jungx kuq tueq.

TRI CHONGKE 2:14

Kadesh Barnea maq Zered ruilx yanz wvnc tiq nuex httuiuc laz wawc 38 htvmx tueq. Yehowa rueq jungx phuex rulc rv-ngvlc kvruex miqphvnx kvwawc shvrvyx bix htenc kuex vthueyc kay wuez shex.

TRI CHONGKE 2:7

“Yehowa nuimshiq Tishox rueq nuimshiq rueq shuimx kaz wvnc tuit htenc nuex ruimrix kuq wvnc tueq lvmz kuex rvwvl tvmaung wuez shuinz. Vtanc khvnc yungx yaq kumtsvy tvnx nuex kvroz khuemx wvnc tuit nuex nuimshiq muex tvkhup wungx kuq kv-phuinx, vpiq kuex wawc rok bvlic tup nuimshiq rulc vdvmz httaz ningkhvnc nuex nuimshiq muex rax yaq phvnx htenc kuex lvp wvnc tuit.

TRI CHONGKE 29:5

Yehowa rueq nuimshiq kuex kumtsvy tvnx lvmx maq raungwawc rok bvlic tup shvlx wvnc tueq nuex, nuimshiq khoz vkhvy nuiyc yapaungc htenc kuex mkaq muinz jez muq, sung muq.

TRI CHONGKE 8:2

Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.

TRI CHONGKE 8:4

Wawc rok bvlic tup nuimshiq khoz vkhvy htenc muinz kvjuirc muq, nuimshiq yaz muinz phuingx muq.

JOSHUA 14:10

Yuq muinz majuiuc lawc shuiuz, Israel miqsaz htenc kumtsvy tvnx nuex kvroz khuemx tueq baunglaung Yehowa rueq Moshe muex kvkhoc jungx tueq raungnuiyq maq raz tueq, majuiuc nuex httuiuc laz Yehowa bomkhvmc rulc rv-ngvlc wawc 45 tup tvraungx tvhttax phuex, ngaz kuex lawc koq! Majuiuc ngvy rullungx wawc 85 shex.