Tvtsvmc 74:1 - Hawa Naga Bible 2001

¹ O Tishox lex, mnoz rueq yvmx ngoz tueq lac nuiyshiq kuex vkhoc tuip gay vphux? Mmiqsaz htenc muex pattup mthuinz haz khaq tuiux?

ASII LAKDAP Bible (BSI)

¹ Naishiq ka akha jam nguto tiishaübaiqlaü, O Shiikeawe lei? Ümniika ümsenginok rai pattup pat-sa khiqruqli shea mikhiq haü?

Tvtsvmc 74:1 Referencias Cruzadas

2 HOKHVMX 21:14

Kvjungx yaq miq htenc kuex ngaz rueq tuip gay shec ruiux, tsuingshiq ralx hez yauk nuex tvshuk lekuq gay shaungx, ralx hez rueq tsuingshiq mungtan kuex khvt taungx wvnc vtueq puinhtuik puinhtat hup vsvmx htenc kuex nyvlc gay shuex.

Tvtsvmc 10:1

O Yehowa lex, yvmx ngoz tueq lac mnoz kuex yalc hvlc nuex httax vtuiux? nuiyshiq kuilc daz rvhumc vtix nuex yvmx ngoz tueq lac kv-httuiyq wvnc vtuiux?

Tvtsvmc 100:3

Yehowa kuex Tishox rvtueq ngoz tueq kvjungc wuez kuinz. Vpiq kuex naungshiq tvdungc sungc jix rvtueq, naungshiq muinz vpiq nuex seng yaq hez rvtiq; naungshiq kuex vpiq miqsaz htenc rvtiq, vpiq khelbuenx kung htenc rvtiq.

Tvtsvmc 18:8

Vpiq khuiz puc htenc maq wvr khuiuq htenc dung wvnc vtueq, vnuix maq khamc gay lot yaq wvrluic nuiyc wvr junx thuey htenc dung wvnc tueq.

Tvtsvmc 42:11

Ngaz kuex yvmx rvtueq lac thuinbac vtaungx nyix? Ngaz kuex yvmx rvtueq lac kuilc daz rvhumc vtaungx nyix? Ngaz kuex Tishox muex tvluimc vtueq httax vtaungx, ngvy palc jix nuiyc ngvy Tishox muex laukshiz hulawx tvtsvmc yek shaungx.

Tvtsvmc 42:9

“Mnoz rueq yvmx ngoz tueq lac ngaz kuex lauk gay vphux? Ngvy ralx htenc rueq guirguenz yaq nuex ngaz jamjaux kuex yvmx ngoz tueq rvhumc wvnc yek juing lac?” ngoz tueq ngvy kvwungx juing Tishox muex jungx vshaungx.

Tvtsvmc 44:9

Yuq muinz majuiuc kuex mnoz rueq nuiyshiq kuex tvdux gay ruiux tvsumx rumx gay phux; mnoz kuex nuiyshiq nolaungx daungx rulc vdvmz ralx khvt nuex kaz muq.

Tvtsvmc 50:1

Tvphaungc Tvsuip Yehowa Tishox rueq jungx tueq; shaldungc maq shalx nyuip nuex httuiuc laz wawc mungkawx lotlaz kuex vpiq rueq gvl tueq.

Tvtsvmc 60:1

O Tishox lex, mnoz rueq nuiyshiq kuex tvdux gay ruiux nuiyshiq kuex tvsumx rumx gay phux; mnoz kuex nuiyshiq muex khaq toq, yuq muinz majuiuc nuiyshiq kox nuex yek waung yek loq.

Tvtsvmc 60:10

Mnoz rueq nuiyshiq kuex vsuing haz tvdux gay vphux? Nuiyshiq ralx daungx rulc roc nuex mnoz dung kaz naungx muq haz?

Tvtsvmc 77:7

“Taungjix rueq naungshiq kuex mkaq muinz tvdux gay phuex shex haz? Vpiq rueq naungshiq kuex mkaq muinz raungc raq muq shex haz?

Tvtsvmc 77:8

Vpiq rueq naungshiq kuex lungwawc muq shex haz? Vpiq bomkhvmc muinz bac kaz shex haz?

Tvtsvmc 78:1

Ngvy miqsaz htenc lex, ngaz rueq tvluing kuq vphaungx vruex tay wuez shuinz, ngaz rueq jungx vphaungx kvjaz kuex tay tvtsuingc wuez shuinz.

Tvtsvmc 79:13

Kvkaq nuiyshiq mmiqsaz ngoz yaq mkhelbuenx phungc wawc khelbuenx htenc rueq mnoz muex pattup kejux vyungx ngoz shix, httuiuc wvnc yaq vkhing lotlaz nuex kejux vyungx ngoz tueq tvtsvmc wuez phix.

Tvtsvmc 79:5

Yehowa lex, mnoz kuex nuiyshiq muex pattup thuinz tvkhaq vtueq haz httax tuiux? mthuinz khvy kuex wvr ikhoc luic ruq dvyx haz luic tuiux?

Tvtsvmc 80:5

Mnoz rueq nuiyshiq yonzyec kuex phuiuz vsvy ikhoc kuq saq vtueq, muikphic kuex kok yunghvlc maq tvnuingc vphux.

Tvtsvmc 85:6

Nuiyshiq muex hungc vlaungc laukshiz htawc kuq yek koq, Kvkhoc ngoz ruiux mmiqsaz htenc rueq mnoz muex tvtsvmc kuq wuez phix.

Tvtsvmc 95:7

Vpiq kuex naungshiq Tishox rvtueq; naungshiq kuex vpiq rueq tvkhup wungx yaq miqsaz rvtiq, vpiq rueq remx vtueq dung ghaq yaq khelbuenx kung rvtiq. Vpiq rueq majuiuc raungnuiyq yvmx lac jungx yaq nguinx tay shuinz:

DUNGWVNC 32:11

Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux?

ISAIA 64:8

Yuq muinz mnoz kuex Yehowa nuiyshiq waz rvtoq. Nuiyshiq kuex gvmlawx ghaq ikhoc, mnoz kuex tuip lauz jix waz ikhoc rvtoq. Mnoz kuex nuiyshiq tvdungc sungc jix,

JEREMIA 23:1

Vpiq miqsaz htenc kuex tvbac gay vtueq tvpanc yanc gay jix guimz lawc jix hez htauk nuex Yehowa rueq phox shuex kuex mtanc khvnc kvhiz juing wuez rvtvnx!

JEREMIA 31:37

Raungnuiyq shishiz nuex raungx kuex htaz lot vtueq mungkawx vjungx vbaung kuex thuiyx konx lawc lot ruiux yuq jix, Israel miqsaz tsuingshiq lotlaz rueq shuimx wvnc tueq yauk shuimc ningkhvnc nuex vpiq rueq tvdux gay shuex. Yehowa vpiq rueq jungx tueq.

AJONJÜ 5:22

Rvmuq ngoz ruiux, nuiyshiq kuex pattup pat-sac tuip gay shex lac? Mthuinz khvy kuex tvshiz gay jauz vguez shex haz?

EJEKIEL 34:31

“Ngvy khelbuenx hez lex, ngaz rueq dungx ghaq vphaungx khelbuenx kung nuimshiq kuex ngvy miqsaz htenc rvtuit, ngaz kuex nuimshiq Tishox rvtauk,” ngoz tueq Johvlc Yehowa rueq jungx tueq.

EJEKIEL 34:8

Ngaz kuex vsuing tvraungx Tishox rvtauk, kvkhoc rvtueq nuimshiq rueq ngvy kvjaz tay vshuinx. Vruex baung vyuq khelbuenx remc jix vguez ningkhvnc nuex ngvy khelbuenx htenc kuex svl vwvl ngvmx saz htenc rueq kauk phauk gay tueq. Ngvy khelbuenx remc jix hez rueq khelbuenx htenc kuex thuiyc tvkoc hunglaungx wuez muq. Tsuingshiq kuex miqmac pumz dvyx kvwungx wuez ruiux khelbuenx htenc kuex remx lawc muq.

Luke 12:32

“Khelbuenx phungc vruinx saz lex, nauk hiz kaz, yvmx khoc lac ngoz ruiux lec nuimshiq Waz rueq nuimshiq muex Mungtan kuy tvkoc thuinroc lvmx httax yaq.

TRI CHONGKE 29:20

Yehowa rueq kvkhoc shuimc kay jix waz mvrax kuex dawc kuq shuex rvmuq. Kvkhoc ruec tvraung, Yehowa vpiq luic thuiyc yaq thuinkhvy kuex piq htauk nuex luic vtueq, Yehowa rueq piq kuex dup suip tvbac gay nuex httuiuc laz vruex luik dvp vyuq wuiyq shec tueq kuilc daz jamjaux lotlaz kuex piq htauk nuex ruiuc kuq shuex.