Tvtsvmc 6:4 - Hawa Naga Bible 2001

⁴ Yehowa lex, ngaz kuex palc kaz loq; mmenjenc thuinz maq ngaz kuex vthueyc wawc palc wvnc koq.

ASII LAKDAP Bible (BSI)

⁴ Kira laüta ngi ara chhiilaq, Tatiwe lei; üm mangchan wokhong maq ngi ka atsai chang wa tiichhii kuqlaq.

Tvtsvmc 6:4 Referencias Cruzadas

Tvtsvmc 116:4

Kvkaq ngaz rueq, “Yehowa lex, ngaz rueq mnoz kox wawc thoz vphaungx ngaz kuex palc wvnc koq,” ngoz tueq Yehowa kuex gvl tauk.

Tvtsvmc 116:8

Yehowa rueq ngaz kuex vthueyc wawc muinz, ngvy muik phic svrc yaq wawc muinz, ngaz kuix jel yaq wawc muinz palc wvnc phuex.

Tvtsvmc 120:2

Yehowa lex, vrot kaq jix nuiyc vlauc vlawc jix htenc yauk wawc ngaz kuex palc wvnc koq.

Tvtsvmc 121:7

Yehowa rueq kvhiz juing phvnx lotlaz wawc mnoz kuex tv-guing tvwungx kuq kv-phux; mnoz kuex kuiyqshuik tvkhup wungx kv-phux.

Tvtsvmc 13:2

Ngaz kuex mtanc nuex httuiuc laz kuilc daz rvhumc juing lac? Ngvy thuinz vmungx nuex vyonz vyec kuex mtanc nuex httuiuc laz raungnuiyq raungwvrx tvmvrc kuq phux? Ngvy ralx htenc rueq mtanc nuex httuiuc laz lac ngaz kuex taungx gay phvnx?

Tvtsvmc 17:13

O Yehowa lex, kaz loq! Ngaz ralx htenc kuex khvt vtueq taungx gay shuiuz! Layx bac jix htenc kox wawc m-yaung kvmaq ngaz kuex pec wvnc koq;

Tvtsvmc 22:20

Ngaz kuex yaung wawc palc wvnc koq; guyhex hez kox wawc ngvy rullungx kuex palc wvnc koq.

Tvtsvmc 25:7

Ngaz yalxrox pat nuex yaq wvnc tauk htenc nuiyc mvrax htenc kuex dawc kuq koq. Yehowa lex, mnoz phaungx ngaungx hvlc lungwawc thuinz nuiyc vhvlx thuinz maq ngaz kuex rvwvl koq!

Tvtsvmc 69:13

Yuq muinz ngvy tvkoc kuex Yehowa lex, ngaz rueq mnoz kox wawc vjux thoz phaungx; Tishox lex, mnoz rueq thvl wvnc shuiux vkhing nuex tvralc koq. Mlungwawc thuinz yunghvlc palc wvnc muex ngoz tueq, mnoz rueq taq toq bomkhvmc rulc rv-ngvlc ngaz muex tvralc koq.

Tvtsvmc 74:10

O Tishox lex, mralx htenc rueq mtanc nuex httuiuc laz lac mnoz muex nueykuic wuez shvnx? Mmuingc kuex tsuingshiq rueq pattup wvlc guez wuez haz tvyaungc yaq nguinx?

Tvtsvmc 79:5

Yehowa lex, mnoz kuex nuiyshiq muex pattup thuinz tvkhaq vtueq haz httax tuiux? mthuinz khvy kuex wvr ikhoc luic ruq dvyx haz luic tuiux?

Tvtsvmc 80:14

Tvphaungc Tvsuip Tishox lex, nuiyshiq kox nuex laukshiz kaz yek loq! Raungmungx maq nuiyshiq kuex bumx lawc vtueq; mmiqsaz htenc kuex palc wvnc tvkoc kaz loq!

Tvtsvmc 86:13

Mnoz phaungx ngaungx yaq lungwawc thuinz kuex ngvy tvkoc mtanc lac yungx luz yaq nguinx! Mnoz rueq ngaz kuex luip ruiuz khux wawc palc wvnc phux rvtueq.

Tvtsvmc 90:13

Mthuinz khvy kuex mtanc nuex httuiuc laz lac khaq tuiux? O Yehowa lex, mnvrc waz hez muex menjenc kuq shuiuz!

ISAIA 38:17

Ngvy thuiuz vsac kuex hvlx kaz taungx. Mnoz rueq ngvy rullungx kuex kvhiz juing lotlaz wawc palc wvnc phux; Mnoz rueq ngvy mvrax htenc lotlaz dawc kuq phux.

DANIEL 9:18

O Tishox lex, nuiyshiq muex tay kuq koq, nuiyshiq kuex lawc vtueq, nuiyshiq rvhumc vtix kuilc daz nuiyc mmuingc ruingc yaq ghaqyungx kuilc daz jamjaux yaq kuex khiz kuq koq. Nuiyshiq rueq vlvmz shuimx kaz vshix ningkhvnc nuex rvmuq, mnoz kuex menjenc kuy jix waz rvtoq ningkhvnc nuex nuiyshiq rueq vjux thoz vphix.

MALAKI 3:7

Nuimshiq kuex kungkhux wawc nuimshiq jix vwaz tamx ikhoc ngvy tvrac htenc kuex gay iruiux phvnx muit rvtuit. Ngvy kox nuex yek waung luit, ngaz muinz nuimshiq kox nuex yek raungx. Yuq muinz nuimshiq rueq, ‘Mnoz kox nuex yek waungc lot tvkoc yvmx khoc ruec juing lac?’ ngoz tueq wiz vshuinx.

Ephesians 1:6

Vpiq rueq lungwawc hvlc vsaz maq raz tueq vhtawz vrawz thoz muq maq naungshiq muex kuq phuex ngauz vngax httax yaq vpiq kejux ningkhvnc nuex Tishox muex tvtsvmc wuez ix!