Tvtsvmc 22:1 - Hawa Naga Bible 2001

¹ Ngvy Tishox lex, ngvy Tishox lex, yvmx ngoz tueq lac mnoz rueq ngaz kuex tuip gay vphux? Romc kuy tvkoc thuinz tvthuiuz vtueq ngaz guyc vtaungx, yuq muinz majuiuc nuex httuiuc laz kvruex httuiuc kaz muq.

ASII LAKDAP Bible (BSI)

¹ Shiikeawe lei, i Shiikeawe lei, ümniiraq ngi ka jam nguto baiqthü laü? Ngi khrumlaq nguta pitlang pitthea hoqsiq kang, shatmaq ümchaü min saü mak shaqli.

Tvtsvmc 22:1 Referencias Cruzadas

YOBA 3:24

Phuiuz svy tvraung, ngaz vkhoarc vnyerc ruez vtaungx, ngaz rueq vkhoc vyonz yec kuex mkaq muinz tvthauk lot mauk.

Tvtsvmc 10:1

O Yehowa lex, yvmx ngoz tueq lac mnoz kuex yalc hvlc nuex httax vtuiux? nuiyshiq kuilc daz rvhumc vtix nuex yvmx ngoz tueq lac kv-httuiyq wvnc vtuiux?

Tvtsvmc 16:1

O Tishox lex, ngaz kuex mnoz kox nuex kvwungx vtaungx; kvwungx httaz tvkoc ngaz mnoz muex tvluimc vphaungx.

Tvtsvmc 22:11

Ngaz rulc yalc hvlc nuex nauk httax kaz! Vkuilc daz juing kuex nyek wvnc yaq shex, romc kuy jix washiz muinz vguez.

Tvtsvmc 22:16

Layx bac miq phungc shiz rueq ngaz tuimx wvnc vphuex; guyhex kungshiz rueq ngaz tuimx wvnc yaq ikhoc tsuing-shiq rueq ngaz khvt yaq; tsuingshiq rueq ngvy yauk ngvy yaz htenc kuex puinz kauk gay vphuex.

Tvtsvmc 26:9

Mvrax vhttax jix rulc roc nuex ngaz kuex nauk tvbac gay vkueq; miq thvy jix hez rvhumc tuex murx kvwawc ngaz kuex thvl gay shec koq,

Tvtsvmc 37:28

yvmx khoc lac ngoz ruiux lec Yehowa rueq vlvmx kuex roc vtueq, vpiq muex tvmtuing httaz jix miqsaz htenc kuex tuip gay muq ningkhvnc nuex rvtueq. Vpiq rueq tsuingshiq kuex pattup tvkhup wungx kuq yaq, yuq muinz layx bac jix suiuz vsaz htenc kuex vyurc gay rvhumc tuex.

Tvtsvmc 38:8

Bunluik kvluik rvyuiuq yulx wvnc vtaungx; ngvy thuinz vmungx kuilc daz rvhumc vtueq, huinsez thuiuz sac vtaungx.

Tvtsvmc 71:11

“Tishox rueq piq kuex tuip gay tueq shex; naungshiq rueq piq yix nuex yurc vtueq piq kuex lvp ix, piq kuex tvguing jix miq ukhaq muinz vguez,” ngoz tueq tsuingshiq rvjungc wuez yaq.

ISAIA 46:13

Ngaz rueq nuimshiq dungc wvnc raungnuiyq kuex tv-nyek kuq phaungx, kvruex kuex luz muq shex. Ngaz rueq palc daungc wvnc lvmx kuex tvyix taq gay shaungx rvmuq. Ngaz rueq Yerusalem kuex palc wvnc ruiux Israel muex tvtsanc nganc kuex tvhttuiuc kuq shaungx.”

ISAIA 59:11

Naungshiq kuex kvkhuirc hiyaz vtueq thuinz nuex kuilc daz vtix. Naungshiq kuex vyaq guirguenz yaq wawc Tishox rueq palc wvnc tvkoc rvwvl vshix, yuq muinz pinhtumc yal wvnc vtueq khuec guez dvyx rvtueq.

LEWI 2:6

Kvruex wansawx kvmaq shomc kuq ruiux yuq, wansawx kuex tv-phuinz phux vtueq kvruex htauk kvyuq vpuiz tix maq shvy rax.

Matthew 27:46

Raungyac shalhtaz thuimx tanc khvnc nuex Yesu kuex, “Eli, Eli, lema sabakthani?” ngoz tueq yunghvlc maq guyc tueq, kvruex kvjaz vlvmz kuex, “Ngvy Tishox waz lex, Ngvy Tishox waz lex, yvmx ngoz tueq lac mnoz rueq ngaz gay shec vphux?” ngoc rvtueq.

Mark 15:34

Raungyac shalhtaz thuimx nuex Yesu rueq, “Eloi Eloi lema sabakthani?” ngoz tueq guyc tueq. Kvruex vlvmz kuex, “Ngvy Tishox lex, ngvy Tishox lex, yvmx ngoz tueq lac ngaz kuex gay shec vphux?” ngoc rvtueq.

Luke 22:44

Yesu kuex vsuing vkuilc vdaz rvhumc ningkhvnc nuex pinhtumc vjux thoz tueq. Vpiq raungluimc htenc muinz tvguiy ikhoc ghaq nuex svrc tueq.

Luke 24:44

Kvkaq Yesu rueq tsuingshiq muex, “Moshe Tvrac nuex muinz, shvmmax bix luik htenc nuex muinz, Tvtsvmc luik nuex muinz ngvy lvmz nuex seng vtueq wuiyq shec tueq lotlaz hungx wvnc tuex, ngoz tueq nuimshiq rulc vdvmz httax tauk nuex ngaz rueq nuimshiq muex jungx phaungx,” ngoz tueq jungx tueq.

Hebrews 13:5

Nuimshiq kuex kuimphox luekshawx muex nauk rvnphvnx kaz. Lvp luz shuinx tanc khvnc maq thuinhvlx wuez kuinz. Yvmx khoc lac ngoz ruiux lec Tishox rueq, “Ngaz rueq mnoz kuex mkaq muinz gay shec mauk, ngaz rueq mnoz kuex mkaq muinz httvr gay mauk,” ngoz tueq jungx tueq.

Hebrews 5:7

Yesu kuex ghaq htauk nuex miqsaz shauk gvnz muex yaungx kaz vtueq httax tueq baunglaung, vpiq kuex vthueyc wawc palc daungc wvnc lot jix waz Tishox kox wawc muikphic svrc yaq lvmx maq guyc sez vtueq vjux thoz tueq, Tishox rueq muinz vpiq vjux thoz bomc kuex tay kuq tueq. Yvmx khoc lac ngoz ruiux lec vpiq thuinz tv-nyenz ruiux, Tishox thuinroc lvmx phvnc ningkhvnc nuex rvtueq.

1 SAMUEL 12:22

Yehowa rueq kenrix bomkhvmc taq tueq rulc rv-ngvlc nuimshiq kuex vpiq miqsaz shauk muex tvyaungc muex vpiq rueq htvp htaz wvnc tueq ningkhvnc nuex vpiq rueq nuimshiq kuex httvr muq.