Tvtsvmc 2:4 - Hawa Naga Bible 2001

⁴ Raungmungx nuex httax yaq hoc daungraungc htauk wawc Taungjix kuex vhtaq maq vnueyx tsuingshiq rueq tvnkhvnz yaq lvmz kuex shummarc yaq.

ASII LAKDAP Bible (BSI)

⁴ Ramungtan na ahokham ngachang maq Tatiwe ka anaili riitlo kiimaq tsangshiq raq taimak chang shiiphongtlaq kra tiishipot li liitlo.

Tvtsvmc 2:4 Referencias Cruzadas

2 HOKHVMX 19:21

Yehowa rueq, “Sennacherib lex, Yerusalem ghaqyungx rueq mnoz kuex lawc vtueq nueyx wuez yaq.

Tvtsvmc 11:4

Yehowa kuex vpiq vsawc shomc yuimx nuex httax yaq; Raungmungx nuex vpiq hoc daungraungc httax yaq. Baung ruip saz nuex httax yaq miqsaz htenc kuex vpiq rueq lawc vtueq tsuingshiq rueq shuimx kaz yaq htenc kuex tuiuz yaq.

Tvtsvmc 115:3

Naungshiq Tishox kuex raungmungx nuex httax yaq; vpiq thuinroc yvmx yuq muinz vpiq rueq shuimx kaz yaq.

Tvtsvmc 123:1

Yehowa lex, mnoz guimz vshuiux raungmungx nuex ngaz rueq lawc vshaungx.

Tvtsvmc 37:13

Yuq muinz layx bac jix miqsaz htenc kuex mtanc httax muq nuex tvbac gay rvhumc tuex kuex Yehowa rueq tuiuz vtueq vpiq kuex tsuingshiq muex nueyx yaq.

Tvtsvmc 53:5

Yuq muinz Tishox rueq vpiq miqsaz htenc muex ralx yaungc jix hez ruk vrawz htenc kuex nyanc shanc nyanc shix tvyaungc gay shuex ningkhvnc nuex, tsuingshiq kuex laukshiz muinz rvhumc muq phvnx hisungx juing kuex tvrvhumc shuex. Tishox rueq tsuingshiq kuex tvdux gay ruiux, Israel miqsaz rueq tsuingshiq kuex vsuingc suing taungx gay shuex.

Tvtsvmc 59:8

Yuq muinz Yehowa lex, mnoz rueq tsuingshiq muex nueyx vtuiux; tvrac phvnx muq miqsaz lotlaz muex nueykuic vshuiux.

Tvtsvmc 59:9

Ngaz kuex mnoz hungc vlaungc muex kvmx vtaungx; O Tishox lex, mnoz kuex ngvy kvwungx juing rvtoq.

TAKSU LAK 1:26

Kvkhoc rvtueq mnoz kuilc daz rvhumc tuiux nuex, ngaz vnuey rvtaungx. Mnoz vkawc yawc juing phvnx rulc rvhumc tuiux nuex ngaz rueq shummarc rv-phaungx,

ISAIA 40:22

Kvruex kuex ghaq maq raungx htvp, khvrwuirx wuingc htauk nuex, hoc daungraungc nuex ngaungc jix waz rueq tvyaungc tueq; kvruex khung wawc miqsaz htenc kuex sisawx ikhoc dvyx ngoz tueq tvmaung yaq. Vpiq rueq raungx kuex khvrwuirx ikhoc muinz, miq httaz juing tap ikhoc muinz tvparc gay tueq.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 66:1

Yehowa rueq, “Raungmungx kuex ngvy hoc daungraungc, ghaq kuex ngvy yaz tvdaungc juing rvtueq. Kvkhoc rvtueq nuimshiq rueq ngvy httaz tvkoc mkhoc phvnx yuimx, mkhoc phvnx baung nuex lac nuimshiq rueq guirx shuinx?