Tvtsvmc 145:13 - Hawa Naga Bible 2001

¹³ Mnoz rueq guimz lawc lvmx kuex pattup phaungx ngaungx vtueq, mnoz kuex pattup phaungx duingduing hokhvmx waz rvtoq. Yehowa kuex vpiq bomkhvmc nuex tvmtuing httax ruiux, yauk shuimc kay waungc lotlaz nuex lungwawc jix waz rvtueq.

ASII LAKDAP Bible (BSI)

¹³ Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

Tvtsvmc 145:13 Referencias Cruzadas

Tvtsvmc 10:16

Yehowa kuex pattup pat-sac hokhvmx rvtueq. Vganc tishox htenc muex nawk palx jix htenc kuex vpiq ghaq vraungx wawc moz wvnc wuez tuex.

Tvtsvmc 146:10

Yehowa kuex pattup hokhvmx waz rvtueq. O Zion lex, m-Tishox rueq patshiz maq patshiz guimz wvnc tuex. Yehowa muex tvtsvmc shuinz!

ISAIA 9:7

Vpiq honoc luimc vkawc kuex tvhttoarc vtueq yungx luz wvnc tuex; Vpiq mungtan kuex mkaq muinz nomic rvtuex. Vpiq kuex Hokhvmx Dawid hoc nuex duiz vtueq guimz lawc shuex, vpiq luimc vkawc kuex tsuingrux nuiyc tvrac vlvmz nuex vruingx waungc vtueq majuiuc vmaq raz tueq tvsuip nuex httuiuc laz phaungx ngaungx wvnc tuex. Tvphaungc Tvsuip Yehowa rueq vruex lotlaz yaungc wvnc tvkoc vhtvp htaz wuez shex rvtueq.

AJONJÜ 5:19

Yuq muinz, O Yehowa lex, mnoz kuex pattup hokhvmx rvtoq, vkhing htumx wvnc nuex httuiuc laz guimz lawc shuiux.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 4:31

Piq nuix maq kvjaz jungc max lot nuex dvyx, raungmungx maq kvjak yaq kvjaz kuex, “Hokhvmx Nebukhadnezar lex, ngaz rueq jungx vphaungx kuex tay shuiuz! Mnoz hokhvmx luimc vkawc kuex majuiuc mnoz kox wawc lvmz gay tauk shex.

DANIEL 6:27

Vpiq rueq romc kuq vtueq palc daungc wvnc yaq; vpiq kuex raungmungx nuiyc ghaq htauk nuex vtawz juing nuiyc vwangc juing htenc kuex shuimx yaq. Vpiq rueq Daniel kuex hangsic htenc rueq thvy gay rvhumc juing wawc palc wvnc tueq.”

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

1 Timothy 1:17

Pattup pat-sac Hokhvmx yaungx yaq, batac momaq kaz muq, muik maq khiz lot miq, vshiz dvyx httax yaq Tishox kuex pattup pat-sac rullungx wvlex tvtsanc nganc nuiyc ngauz vngax mhttax wvnc kueq! Amen.

2 Peter 1:11

Kvkhoc phvnx ruiux yuq kuex naungshiq Taungjix nuiyc Palc daungc Taungjix Yesu Christu vpiq pattup Mungtan nuex nyuip lvp vkhangx nuimshiq muex hunghtaungx laz kuq kv-phuinx.

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.