Tvtsvmc 13:2 - Hawa Naga Bible 2001

² Ngaz kuex mtanc nuex httuiuc laz kuilc daz rvhumc juing lac? Ngvy thuinz vmungx nuex vyonz vyec kuex mtanc nuex httuiuc laz raungnuiyq raungwvrx tvmvrc kuq phux? Ngvy ralx htenc rueq mtanc nuex httuiuc laz lac ngaz kuex taungx gay phvnx?

ASII LAKDAP Bible (BSI)

² Ümtincho na saüli wa ngi kaidi tiikang ara nin wan ratla? Ümtincho na saüli wa ranaiq rawa ajon ajütsi raq imongjii mitsi nin wan chang miraq? Ümtincho na saüli wa ijaqtinok raq ngi ka ji maq mini wan?

Tvtsvmc 13:2 Referencias Cruzadas

NEHEMIA 2:2

piq rueq, “Yvmx ngoz tueq lac mhtvlx bac kaz tvnx? Mnoz thuiuz sac muq ningkhvnc nuex, mthuinz hvlx muq shvmx,” ngoz tueq wiz phuex. Ngaz kuex huingc rvhek laz maq,

ESTHAR 7:6

Esther rueq, “Nuiyshiq ralx, nuiyshiq guirguenc jix waz kuex vruex layx bac waz Haman rvtueq!” ngoz tueq tvralc tueq. Kvkaq Haman kuex hokhvmx waz nuiyc hokhvmx nyuiuz mvnz nuex hiyaz kvkhuirc tueq.

YOBA 10:15

Ngaz mvrax yaq tauk rulc rv-ngvlc mnoz rueq ngaz tvkuilc daz phux, yuq muinz ngaz rueq vlvmx shuimx ruiux muinz ngaz rueq htvlx phawc lvp mauk. Ngaz kuex vkuilc vdaz nuiyc yvlc svy dvyx rvhumc vtaungx.

Tvtsvmc 10:18

Guirguenc rvhumc jix nuiyc nojix sahez rueq guyc sez thoz yaq kuex mnoz rueq tay kuq shuiux; mnoz rueq tsuingshiq kox maq phox kuq naungx shuiux nuex, mungkawx miqsaz htenc rueq kvhiz juing lvmx kuex tv-yaungc yek shuex rvmuq shex.

Tvtsvmc 116:3

Vthueyc jak rueq ngaz kuex khup wvnc vtueq; vthueyc rueq ngaz kuex tvroz tuimz yaq; kvkhoc rvtueq ngaz kuex hisungx vtueq rvwvlc thuinz phez yaq.

Tvtsvmc 31:18

Vrot vkaq jix htenc ngamc boq vtueq thuinz tvyungx httax ruiux, tsuingrux miqsaz lvmx kuex wvlc guez waqguez jungc svy jix lotlaz kuex tvsuingx gay shuiuz.

Tvtsvmc 38:17

Ngaz kuex rul wvnc khvmkhvmz shex nuiyc, rvlec wvnc tvlanc thuiuz vsac kuex rvhumc vtaungx.

Tvtsvmc 42:4

Lvy wvnc tueq wawc lvmz kuex rvwvl koq yuq ngvy thuinz vmungx nuex pinhtumc yonz vtaungx, Tishox yuimx nuex mungx miqsaz htenc rulc vdvmz waung wvnc tauk nuex, vkoz vkez rvtuimx yaq phungc rueq Tishox muex tvts vmc shix vtueq, kokez guyc sez ruiux, tsuingshiq kuex shvlx wvnc tueq.

Tvtsvmc 6:4

Yehowa lex, ngaz kuex palc kaz loq; mmenjenc thuinz maq ngaz kuex vthueyc wawc palc wvnc koq.

Tvtsvmc 7:2

rvmuq ngoz ruiux tsuingshiq rueq hangsic ikhoc ngaz kuex kauk vtueq pix wvnc phuex, ngaz kuex vpec jix vguez baung nuex ngaz kuex het wvnc vtueq tvhtaq tvruk puinz gay phuex.

Tvtsvmc 74:10

O Tishox lex, mralx htenc rueq mtanc nuex httuiuc laz lac mnoz muex nueykuic wuez shvnx? Mmuingc kuex tsuingshiq rueq pattup wvlc guez wuez haz tvyaungc yaq nguinx?

Tvtsvmc 74:18

Yuq muinz O Yehowa lex, mralx htenc rueq mnoz muex nueykuic yaq kvmuinz, tsuingshiq kuex tishox vguez mnoz muex wvlc guez tvyaungc yaq kvmuinz rvwvl shuiuz.

Tvtsvmc 8:2

kvruex shic kuex nosaz rulc nuiyc puix nuingc jix sahez rueq shix wuez yaq. Mnoz rueq mralx hez lotlaz yauk kvwawc kvwungx vtueq suinglix httax vtuiux; mnoz muex tuingshaung jix ukhaq yuq muinz mnoz rueq tvrul lak gay toq.

Tvtsvmc 9:6

Naungshiq ralx htenc kuex pattup htumx wvnc vtuex; mnoz rueq tsuingshiq ghaq-yungx htenc kuex tvbac gay toq nuiyc, tsuingshiq kuex tvsawc ric lauk gay rvhumc vtuex.

TAKSU LAK 15:13

Miq htenc kokez yaq nuex, tsuingshiq kuex nuiyyuing nuiyyumc rvyaq, yuq muinz tsuingshiq yonzyex rvhumc tuex nuex, tsuingshiq htvlx phawc ruinx wuez yaq.

THARC TVLUINGC 5:17

Naungshiq kuex raungnyauk mungx nuex httax vtix ningkhvnc nuex vyonz vyec, rvwvlc tvmaung, vkhaq vraq nuiyc vthuiuz vsac maq httax vtix.

JEREMIA 15:18

Ngaz kuex yvmx ngoz tueq lac kuilc daz rvhumc vtaungx? Ngvy mac htenc kuex yvmx ngoz tueq lac vphemc mvy muq? Tsuingshiq rueq yvmx ngoz tueq lac tvhvlc muq? Raungx lawc yac nuex ruic kaz yaq yuix saz ruilx ikhoc ngvy thuinz tvbac tvkoc haz mnoz rueq kvmungx vshuiux?” ngoz tueq jungx tauk.

JEREMIA 45:3

mnoz muex, ‘Ngaz vsumx kuq vphaungx! Yehowa rueq ngvy jamjaux htauk nuex yonzyec juing muinz tvrvp kuq phuex. Ngaz kuex kvbot nyvnx hunnyex vtaungx, nyec tvkuiyq juing ngaz rueq humc mauk!’ ngoz tueq jungx vshuiux.

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

AJONJÜ 1:5

Piq muex ralx hez rueq taungx gay tueq; tsuinghez rueq piq kuex tsuinghez luimc vkawc maq puingc gay tueq. Yehowa rueq piq nuex paung yaq mvrax htenc lotlaz tvkoc nuex vkuilc vdaz tvrvhumc tueq; piq sahez kuex lvp vtueq shvlc lvy rvhumc wuez tueq.

AJONJÜ 1:9

Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

AJONJÜ 5:20

Mnoz rueq yvmx ngoz tueq lac nuiyshiq kuex kvtanc khvnc httvmx laz gay shec tonx? Mnoz rueq nuiyshiq kuex rvwvl yek phux haz?

Matthew 26:38

vpiq rueq tsuinghez muex ngoc, “Ngvy thuinz vmungx kuex thueyc khvmkhvmz yonzyec rvhumc vtaungx. Ngaz rulc roc nuex honc lvmz hvt maq vyuq bvmc laz shuinz,” ngoz tueq.

Luke 22:53

Ngaz kuex wvraungx nuiyq tek Shomc Yuimx nuex httax taungx baunglaung yvmx ngoz tueq lac nuimshiq rueq lvp kaz muit, yuq muinz majuiuc baunglaung kuex nuimshiq vkhing rvtueq, raungnyauk luimc vkawc rueq guimz yaq vkhing muinz rvtueq,” ngoz tueq.

John 16:6

Vruex phvnx htenc kuex ngaz rueq jungx kuq phaungx tueq nuimshiq thuinz vmungx nuex vyonz vyec mvrc vtuinx.

Romans 9:2

Ngvy thuinz vmungx kuex ngvy miqsaz htenc nuiyc ngvy phvnx ngvy maq htenc tvkoc thuinbac yonzyex vtueq, mkaq muinz pinhtumc kuilc daz rvhumc vtaungx. Tsuingshiq tvkoc nuex ngaz kuex Tishox rueq tuemc kuq ruiux muinz, Christu rulc rv-phvlc wvnc nuex httuiuc laz ngaz rueq khvmc vshaungx.

Philippians 2:27

Piq kuex vsuing thueyc khvmz thuiuz tueq. Yuq muinz Tishox rueq piq muex menjenc kuq tueq, piq muex menjenc kuy dvyx muinz rvmuq, ngaz muinz vyonz vyec juing phvnshiz maq phvnshiz tvrvhumc muq tvkoc menjenc kuq phuex.

1 SAMUEL 18:29

Kvkhoc rvtueq piq kuex Dawid muex pinhtumc hiyaz vtueq, piq tvraungx wawwawx piq ralx muex tvyaungc wvnc tueq.

1 SAMUEL 24:19

Miq rueq miqmac ralx waz kuex lauk mjuc lvp ruiux muinz, tvthuiuz sac muq maq dvyx httvr tvkaz gay mvy yaq haz? Majuiuc raungnuiyq mnoz rueq ngaz muex vkhoc ruez kuq phux ningkhvnc nuex Yehowa rueq mnoz muex ruimx mruimx kuq kv-phux!