Biblia Todo Logo
La Biblia Online
- Anuncios -




Tvtsvmc 10:4 - Hawa Naga Bible 2001

4 Layx bac jix waz rueq Yehowa lvmx kuex wvlc guez tvyaungc yaq; Tishox rueq roc muq ngoz tueq piq thuinz nuex ngamc ngax yaq.

Ver Capítulo Copiar

ASII LAKDAP Bible (BSI)

4 Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

Ver Capítulo Copiar




Tvtsvmc 10:4
30 Referencias Cruzadas  

Ghaq htauk wawc miqsaz htenc kuex mtanc lac layx bac vtueq, vkhing ruip rawx nuex tsuingshiq rueq tvmaung yaq lvmz mtanc lac honc bac yaq nguinx kuex Yehowa rueq khiz vtueq,


Kvruex hez kuex Tishox tvdux gay jix miqsaz htenc rvtueq, vpiq rueq tsuingshiq tvkoc yvmx muinz ruez kuq muq ngoz tueq kvmx jix hez rvtueq.


Naungnuk waz lvmz vbac shuip shuiux jungc jix waz kuex tvdux gay shaungx; ngamc ngax vtueq thuinz tvyungc jix waz muex ngaz rueq nanx kuq shaungx rvmuq.


Thuinz tvyomx thuinz httaz jix htenc kuex mnoz rueq palc wvnc toq, yuq muinz ngamc vngax thuinz httax yaq jix htenc kuex mnoz rueq tvnulx gay toq.


“Ngaz muex nawk palx tvkoc kaz luit” ngoz tueq mnoz rueq jungx toq nuex, “Yehowa lex, ngaz kaz vraungx,” ngoz tueq tvralc phaungx.


Mvrax kuex layx bac jix thuinz vmungx thuiuz hvlc nuex kvjak thuiyc yaq; piq rueq Tishox kuex tvdux gay ruiux vpiq muex tvtsanc nganc juing yvmx muinz vguez ngoz yaq.


Vngaz jix rueq, “Tishox vguez” ngoz tueq tsuingc thuinz maq ngoz wuez yaq. Tsuingshiq lotlaz honc vyaungc bac wvnc vtueq miqhiz vsac phvnx shuimx wuez yaq; vlvmx yauk shuimc kuex shuimc jix miq vshiz muinz vguez.


Tsuingshiq rueq, “Tishox rueq tuiuz shuex rvmuq; Johvlc Pinhtumc waz humc shuex rvmuq,” ngoz tueq jungx wuez yaq.


Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.


Layx bac miqsaz htenc kuex tsuingshiq tuluimc thuinz nuiyc ngamc ngax thuinz muex tvremc lawc rvhumc yaq, kvruex kuex mvrax rvtueq.


Tsuingshiq kuex mtanc lac hvlx yaq nguinx, tsuingshiq kuex pinhtumc hvlx vtix ngoz tueq tvmaung jix miq muinz httax yaq!


Kvruex htauk nuex jvnc vtueq ngaz rueq lvp luz ruiux yuq, ngaz rueq mnoz kuex roc mauk ngoz tueq jungx ikhiq. Yuq muinz ngaz htemrvmz ruiux kuex ngaz rueq vguiuq raz tueq, ngvy Tishox muex yvlc svy juing tvyaungc ishaungx.


Miqsaz rueq vbac khuec vkhac htenc kuex yvmx ngoz tueq lac yoalx rek rek shuimx wuez yaq nguinx? Yvmx khoc lac ngoz ruiux lec khuec vkhac kuex yauk lox maq murx tvgurc muq ningkhvnc nuex rvtueq.


Miqsaz laungc tsvnc yaq kuex tvnulx gay ruiux miqsaz ngamc boq yaq kuex tvbac gay rvhumc tuex raungnuiyq httuiuc wvnc yaq. Kvruex yimaq Yehowa dvyx somraungc kuy rvhumc tuex.


Tsuingshiq rueq htvlx phawc thuiyx yaq kuex tsuingshiq vjux dvyx tvsumx kuq yaq. Tsuingshiq kuex Sodom ghaq wuinz rueq shuimx tueq ikhoc mvrax kuex raungshuex raung shuimc wuez yaq. Tsuingshiq kuex vphoc rvhumc yaq, tsuingshiq rueq mvrax kuex miqmac pumz nuex tvhttuiuc wuez yaq.


Nuimshiq rueq vbac phvnx shishiz kuex mkaq muinz dvnc dawc vtueq, mvrax kuex thauk muit maq shuimx kaz vshuinx. Nuimshiq rueq mvrax vguez miq thvy gay tvkoc mkaq muinz lv-nyvnx muit. Nuimshiq httuiuc vtuinx baung htenc nuex tvbac tac gay dvyx kvjungx yaq,


Khux tvtsanz ruiux vyaq shuimx kaz vtueq miqmac lvmx nuex kay wvnc jix ngvy miqsaz kuex ngaz rueq malc wvnc tvkoc mkaq muinz tvyoalc hvt httax vtaungx.


Israel miqsaz lex, ngaz rueq jungx phaungx kvjaz kuex tay shuinz. Ngaz kuex nuimshiq tvkoc kumtsvy tvnx ikhoc muinz, nyauk hvlc miqhiz vsac mungx ikhoc muinz haz yaungx vtaungx? Nuimshiq rueq yvmx ngoz tueq lac miqmac kvmungx maq shuimx kaz vtueq ngaz kox nuex yek muit shex ngoz tueq ngoz vshuinx?


Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?


“Kvruex baunglaung ngaz rueq wvrkok kuex shuimx vtueq Yerusalem nuex thuiyx shaungx. ‘Yehowa rueq mkaq muinz vhvlx, vbac yvmx yuq muinz ruez muq,’ ngoz tueq tsuingshiq shauk pumz maq kv-ngoc ruiux, miqmac thuinz suing yaq jix htenc nuiyc miqmac pumz muex tvluimc yaq miq htenc muex ngaz rueq murx tvgurc shaungx.


Vpiq rueq nvr yaq htenc kuex phvnx vtueq, thuinz tv-nyenc jix mungx miqsaz htenc lex, Yehowa kox nuex yek wuez kuinz. Vlvmz yauk shuimc shuimx shuinz, Yehowa khaungkac nuex nuimshiq shauk gvnz kuex tvyomz shuinz. Yehowa thuinkhvy tvkhic vtueq murx tvgurc shuex raungnuiyq wawc nuimshiq dung wvnc lvp wuez tuinx shvmx.


Yvmx khoc lac ngoz ruiux lec miq thuinz vmungx maq vbac kvmungx htenc dung kaz vtueq, kvraq piq kuex honc vbac layx htenc tvshuimx yaq sahtok sapawx yaungx yaq, vguiuq vrot rvyaq, miq thvt yaq,


Kvkhoc mnoz rueq honc vbac kvmungx vshuiux kvwawc thuinz layc wvnc shuiuz, Taungjix kox wawc thoz shuiuz ngoz ruiux mnoz thuinz vmungx nuex vbac tvmaung vshuiux lvmz kuex mvrax dawc kuq kv-phux.


Tsuingshiq rueq Tishox kuex tuiuz yaq, yuq muinz vpiq tvtsanc nganc aungx yaq kuex tvtsanc muq; vpiq muex kejux vyungx ngoz tueq muinz vguez. Tsuingshiq thuinz maq tvmaung yaq lvmx kuex khuec guez shauk httuiz yaungc ningkhvnc nuex tsuingshiq vtuiuz vthenc thuinz vhvlx htenc kuex raungnyauk duk mvrc yaq.


Tsuingshiq rueq Tishox kuex wvlc guez waqguez tvyaungc gay ningkhvnc nuex Tishox rueq tsuingshiq kuex tvdux gay koq tueq, tsuingshiq rueq vlvmx tvmaung lot juing thuinz kuex vguez shex, shuimc mvy muq phvnx dvyx shex shuimx kaz wuez vshuex.


Kvtanc jauz nuimshiq kuex Christu rulc vluz nuex rv-phvlc vtueq httax wuez tuit. Nuimshiq kuex pungmungx miqsaz htenc rvtuit ningkhvnc nuex Tishox rueq vthvl wvnc miqsaz phungc nuex lomx vkhangx lvp wuez muit. Vpiq miqsaz htenc muex Tishox rueq taq tueq bomkhvmc htenc htauk nuex vjungx tvjvp shec tueq bomkhvrc rulc seng muq, vruex mungkawx vyuq tvluimc juing muinz, Tishox muinz lvp wvnc muit maq rv-phvlc nyanc httaz jix miqsaz htenc rvtuit.


nuimshiq kuex ngamc ngax thuinz httax vtueq nuimshiq Ejip mungx nuex dax muex yaungx tuit wawc palc wvnc jix waz Yehowa nuimshiq Tishox kuex lauk gay muit tvkoc honc lvmz hvt rvshuinz.


Síguenos en:

Anuncios


Anuncios


¡Síguenos en WhatsApp! Síguenos