Biblia Todo Logo
La Biblia Online
- Anuncios -




THARC TVLUINGC 2:1 - Hawa Naga Bible 2001

1 Ngaz kuex vkoz vkez httax vtueq kokez lvmx kuex yvmx lac rvtvnx thuiyc lawc tvkoc htvp htaz tauk. Yuq muinz vruex muinz khuec guez dvyx rvtueq lvmz ngaz rueq humc tauk.

Ver Capítulo Copiar

ASII LAKDAP Bible (BSI)

1 Maiqse rilung na polokhiq maq singa ka jamkhiiwa, kra ngi raq ritwan kang. Shatmaq kra pumsii polo rilung ka thiihü atuli.

Ver Capítulo Copiar




THARC TVLUINGC 2:1
27 Referencias Cruzadas  

Majuiuc dvyx svt kaz wuez vtueq tsuingshiq vdvmz dvmz kvjaz rvtay muq tvkoc tsuingshiq kvjaz kuex tvbvruik shauk gay ix,” ngoz tueq jungx tueq.


Hokhvmx rueq, “Israel hokhvmx waz kox nuex kaz vtueq luik phux vruex kuq laq shuiuz,” ngoz tueq. Kvkhoc rvtueq Naman rueq kuimphox sawx 30,000 rac kuimshawx sawx 6,000 nuiyc vhvlx vsvp khoz vkhvy svmc rokshiz kuex lvmz laq vtueq kaz tueq.


Piq rueq, “Ngaz kuex mkaq muinz sumrumx wvnc taungx rvmuq; ngaz kuex mkaq muinz kuilc daz rvhumc taungx rvmuq,” ngoz tueq piq pumz maq kv-ngoc yaq.


Vngaz jix rueq, “Tishox vguez,” ngoz tueq tsuingshiq pumz maq kv-ngoc yaq. Tsuingshiq lotlaz kuex bac wvnc vtuex, tsuingshiq rueq vhiz juing phvnx htenc kuex shuimx wuez tueq; vlvmx yauk shuimc jix ukhaq muinz vguez.


“Ngaz muex nawk palx tvkoc kaz luit” ngoz tueq mnoz rueq jungx toq nuex, “Yehowa lex, ngaz kaz vraungx,” ngoz tueq tvralc phaungx.


Vnuey rueq vyonz juing lvmx puingc gay yaq. Kokez juing lvmx htumx kaz ruiux yuq yonzyec juing lvmx rueq mkaq muinz phvnx hvt rvyaq.


Yalx rox rulx lex, nuimshiq yalxrox pat nuex vshuenc vruenc maq httax kuinz. Yalx rox jauz vkoz vkez maq httax kuiuz. Mnoz rueq shuimc roc shuiux phvnx yvmx yuq muinz shuimx shuiuz, mthuinz vmungx maq raungc raq shuiux kvkhoc khuemx kuiuz. Yuq muinz mnoz rueq shuimx kaz vshuiux phvnx ruip saz kuex Tishox rueq wisoz vtueq mnoz muex phox kuq kv-phux kuex rvwvl shuiuz.


Ngaz muex rax yaq phvnx lotlaz ngaz rueq lvp tauk. Vlenc vlauk juing muinz tvlvlc mauk. Ngaz rueq shuimx wvnc tauk phvnx ruip saz ningkhvnc nuex ngaz kvsomc parc wvnc tauk, kvruex lotlaz kuex ngvy yauk mauk rvtueq.


Ngaz rueq ngvy thuinz mungx maq, “Vngauk vngaz jix nuex yaungx wvnc tueq kvdvyx ngaz nuex muinz yaungx yaq. Kvkhoc rvtueq taksux httaz hvlc wawc yvmx lac lvp tvnx?” ngoz tueq jungx tauk. Ngaz kuex, “Khuec guez dvyx rvtauk, phvnx shiz muinz rvmuq jvnc,” ngoz tueq tvralc tauk.


Tishox kox wawc maq lvy vtueq uraq lac phuiuz vsvy kokez juing kuex lvp lot yaq nguinx?


Vkoz vkez lvmx nuex mkaq muinz tvmaung jix waz kuex miqyaq vngaz waz rvtueq. Wvtharc waz kuex vthueyc vmvy lvmx tvmaung rvwvl yaq.


Kvkhoc rvtueq naungshiq kuex naungshiq shauk pumz nuex kokez aungx yaq ngoz tueq ngaz rueq kvmx vtaungx, yvmx khoc lac ngoz ruiux lec piq kuex vruex rullungx vyuq phuiuz svy khvmx nuingc raz tueq piq shauk pumz maq kokez piauc tuex. Vruex mungkawx vyuq Tishox rueq naungshiq muex kuq phuex rullungx tvraungx tix baunglaung yauk shuimc kay waungc naungshiq rueq shuimc juing aungx yaq ikhoc vthvp pinhtumc vruex yauk shuimc naungshiq rueq shuimx vshix.


“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.


Vganc jix htenc kuex tvbac gay tvkoc vyumx maq dvnc jix lotlaz lex, miqmac rueq vyumx maq dvnc vshuinx kvyuq dvyx bac wvnc tuinx. Yehowa vpiq pumz maq vkhoc tvyaungx shuex rvtueq; mnoz kuex kuilc daz thuinbac rvhumc tuex.


Yehowa rueq ngaz muex vtuiuz tay juing kuq phuex ningkhvnc nuex, ngaq rueq khawx lvlx mauk vpiq kuex koayc gay ruiux kaz wvnc mauk.


Kvruex yimaq ngvy shauk pumz muex vkhoc ngoz shaungx, kamc vhttax waz lex! Vwawc paunghvlc tvkoc mnoz rueq vroc hup vsvmx vhvlx lotlaz kuex yoalc taq toq shex rvtueq, rullungx tvraungx lvmx nuex vhvlx httax kuiuz, phauk saq shuiuz, nuingx shuiuz nuiyc piauc liauc kuiuz, ngoz shaungx,’ ngoz tueq piq shauk pumz muex kv-ngoc tuex.


“Mvnnuex luiz waungx washiz httax tueq, piq kuex vhtawz tsanc hvlc khoz vkhvy svmx ruiux wvraungx nuiyq tek piauc liauc httax tueq.


Piq kuex wulumx mungx nuex kuilc daz rvhumc vtueq, raungx kox nuex kac lawc koq tueq Abraham yaz pemc nuex woalc yaz Lazaru kuex khiz tueq.


Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.


“Majuiuc raungnuiyq rvmuq ngoz ruiux invp raungnuiyq lex, nuiyshiq ghaqyungx vshiz shiz nuex kaz vtueq kvyuq wawcshiz tanc httax ruiux pvkac pvylvyc vtueq kuimphox paunghvlc lvp laz juing ruez vshix,” ngoz tueq nuimshiq wvyvmc rueq jungx vshuinx, yuq muinz ngaz rueq jungx vshaungx kuex tay wuez shuinz.


Luiz waungx bix lex, majuiuc ngaz rueq jungx vshaungx kuex tay wuez shuinz! Nuimshiq kuex httuiuc wvnc yaq wawc vkuilc vdaz juing htenc ningkhvnc nuex khoarsez wuez kuinz!


Vruex ghaq htauk vyuq nuimshiq rullungx tvraungx lvmx kuex gvnngvmx thuinz tvlenc lauk juing hup vsvmx vhvlx phvnx htenc maq piauc liauc lvmx dvyx mvrc yaq. Nuimshiq kuex vthvy gay rvhumc raungnuiyq laung nuex nuimshiq shauk vgvnz kuex tvyungc ghaq vshuinx.


Síguenos en:

Anuncios


Anuncios


¡Síguenos en WhatsApp! Síguenos