THARC TVLUINGC 1:8 - Hawa Naga Bible 2001

⁸ Phvnx ruip saz kuex vhunc vnyec nuex shvlx laq yaq, vhunc vnyec ngoz yaq kvjaz kuex yunghvlc rvtueq. Naungshiq muik maq thuinhvlx laz mkaq muinz khiz tsuiyc miq; naungshiq nac maq vtay lot juing tanc khvnc mkaq muinz tay lvp miq.

ASII LAKDAP Bible (BSI)

⁸ Phanrap phanrii ka lii raüla, maiqse tiihunnii chang siisaq li. Nümaq achong lot chang riimak. Makpo riika chhiruq chhiruq roli, hongtoshe nguta ngumak. Nilok riika tairuq tairuq roli, hongtoshe nguta ngumak phan.

THARC TVLUINGC 1:8 Referencias Cruzadas

Tvtsvmc 63:5

Ngvy siyac kuex vsumx phuiuz svy phauk saq lvp shix ikhoc thuinz hvlc hvlc httax yaq, ngaz rueq mnoz muex vkoz vkez shic vngoyc maq tvtsvmc shix taungx.

TAKSU LAK 27:20

Miqsaz rueq rvnphvnx yaq kuex wulumx mungx ikhoc rvtueq, kvyuq vhttaz juing baung mkaq muinz paunghvlc httax yaq.

THARC TVLUINGC 1:7

Yuix ruilx lotlaz kuex svmuktvrax nuex kaz yaq, yuq muinz svmuktvrax kuex vmvrc ngoz tueq vguez. Yuix htenc kuex yuix ruilx dungc jungx nuex yek yek vtueq, lauk shiz kaz yek yaq.

THARC TVLUINGC 2:11

Kvruex yimaq ngaz rueq shuimx wvnc tauk lotlaz nuiyc kvruex yauk shuimc kuex ngaz rueq mtanc khvnc gvrc tsvrc lac shuimx wvnc tauk kvmuinz ngaz rueq rvwvl vshaungx, kvruex muinz khuec guez dvyx lvmz ngaz rueq khiz tuiuz wvnc tauk. Kvruex lotlaz kuex raungguil yurc shix ikhoc yvmx vjux muinz vguez.

THARC TVLUINGC 2:26

Tishox rueq taksux tharc, phaqjic nuiyc vkoz vkez juing kuex vpiq muex raungc raq jix muex kuq yaq, yuq muinz vpiq rueq mvrax vhttax jix muex yauk shuimc tvhunc nyec tvshuimc ruiux, tsuingshiq rueq thuiyx lvmz yaq hup vsvmx htenc kuex vpiq muex raungc raq jix bix muex kuq tueq. Kvruex lotlaz kuex khuec guez dvyx rvtueq. Kvruex kuex raungguil yurc yaq ikhoc dvyx rvtueq.

THARC TVLUINGC 4:8

Vruex yuq piq dvyx httax yaq miq washiz vhttax. Piq nuex vsaz miqwaz vguez, vphuz vnox muinz vguez, yuq muinz piq rueq mkaq muinz yauk shuimx ruq dvyx, piq tsak vnyvmx kvmac mkaq muinz vthuinz suing muq. Piq kuex yauk shuimc nuex dvyx hunglaungx ruiux piq shauk gvnz tvkoc vpiauc liauc juing tvdux gay tueq kuex ukhaq tvkoc lac rvtvnx? Kvruex muinz khuec guez nuiyc rullungx tvraungx tvkoc thuinz kuilc daz juing dvyx rvtueq.

THARC TVLUINGC 6:7

Miq htenc rueq phuiuz laung svy laung yauk shuimx wuez yaq, yuq muinz mkaq muinz vhungx ngoz tueq vguez.

HAGAI 1:9

“Nuimshiq rueq paunghvlc yut lvp shuinx ngoz tueq kvmx wuez tuit, yuq muinz raungluingx dvyx yez lvp tuit. Nuimshiq rueq yut tuit kuex yuimx nuex lvmz wvnc ruiux yuq, ngaz rueq tvpvnc yvp gay shaungx. Ngaz rueq yvmx ngoz tueq lac kvkhoc ruez vshaungx? Ngvy Shomc Yuimx httak bac wvnc ruiux muinz nuimshiq kuex miqmac yuimx yauk shuimc dvyx shuimc ningkhvnc nuex rvtueq.

Matthew 11:28

“Gurc liq hvlc gurx vtueq hunnyex jix htenc lex, ngvy kox nuex waung luit, ngaz rueq nyec tvkuiyq kuq phaungx.

Matthew 5:6

Tishox thuinroc rulc rv-ngvlc phvnc tvkoc raungc raq jix kuex thuinhvlx yaq; yvmx khoc lac ngoz ruiux lec tsuingshiq rueq raungc raq shuex rulc rv-ngvlc hunghtaungx laz lvp wvnc shuex!