THARC TVLUINGC 1:13 - Hawa Naga Bible 2001

¹³ Ngaz kuex mungkawx nuex miq rueq shuimx lvmz yaq phvnx lotlaz kuex thuiy lawc vtueq tvluingc muex ngoz tueq thuinz maq htvp htaz tauk. Tishox rueq naungshiq htauk nuex thuinbac juing lvmz kuq shec phuex.

ASII LAKDAP Bible (BSI)

¹³ Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

THARC TVLUINGC 1:13 Referencias Cruzadas

RAPHA HIQWA LAK 3:19

Mnoz kuex ghaq wawc yaungx kaz vtueq, ghaq nuex yek kaz tuiux nuex httuiuc laz ghaq wawc vthuey vngoz dungc tvkoc raungluimc dung laz hunnyex shuimx kaz shuiux. Mnoz kuex ghaq wawc vtvhungx ningkhvnc nuex ghaq muex yaungx kaz yek tuiux,” ngoz tueq jungx kuq tueq.

YOBA 28:3

Tsuingshiq rueq thuiuz hvlc raungnyauk kuex thuiyx wuez yaq. Tsuingshiq rueq ghaq mungx thuiuz hvlc baung kuex thuiyx lawc vtueq, nyauk hvlc mungx wawc lung rauk htenc kuex htuz wuez yaq.

Tvtsvmc 111:2

Yehowa rueq shuimx yaq phvnx htenc kuex pinhtumc vwangc juing rvtueq! Kvruex yauk shuimc htenc kuex raungc raq jix rueq kvruex lvmz kuex tuiuz tay roc wuez yaq.

TAKSU LAK 18:1

Vganc miq rulc guilc ngaungc thenc muq jix kuex tsuingshiq shauk pumz laung dvyx thuinz lomx yaq; miq tek vtueq vlvmx ngoz tueq tuiuz yaq lvmx kuex tsuingshiq rungx raz naungx muq.

TAKSU LAK 18:15

Wvtharc jix htenc kuex vtuiuz roc thuinz mkaq muinz thuinz phez maq tvluingc tvkoc tvyoalc yaq.

TAKSU LAK 23:26

Isaz lex, vhvlx waq tay tvtsuingc shuiuz, ngvy rullungx kuex mnoz tvkoc vphvnc juing m-yaungx kueq.

TAKSU LAK 25:2

Tishox rueq shuimx wvnc tueq yauk shuimc kuex thuiuz sungx hvlc ningkhvnc nuex, vpiq tvtsanc nganc vshix; tsuinghez rueq jungphvnc kuy ningkhvnc nuex hokhvmx bix muex naungshiq rueq tvtsanc nganc vshix.

TAKSU LAK 4:7

Taksux tharc lvp shuiux kuex mnoz rueq shuimx lot shuiux yauk shuimc lotlaz htauk nuex jvnc vtueq vkhek yaungx yaq. Mnoz rueq yvmx dvyx thuiyx lvmz ruiux muinz kvmungx thuinz tharc kuex lvp taq shuiuz.

THARC TVLUINGC 1:17

Ngaz rueq phaqjic nuiyc miqyaq rv-ngvlc muq kvmuinz, taksux tharc nuiyc vruc vngaz rv-ngvlc muq lvmx kvmuinz tvrv-phvlc tuiuz tvkoc htvp htaz wvnc tauk. Yuq muinz kvruex muinz raungguil yurc shix ikhoc dvyx rvtueq kuex ngaz rueq khiz tauk.

THARC TVLUINGC 11:5

Phvnx ruip saz kuex Tishox rueq tvdung sung tueq, kvkhoc rvtueq mnoz rueq yalxjuik nyuiuz wuk mungx nuex httax yaq nox thuiuzthuic kuex yvmx khoc lac yaungx wvnc yaq nguinx tuiuz tay lot muq ikhoc, vpiq rueq ruez wvnc tueq yauk shuimc htenc kvmuinz tuiuz tay lot muq.

THARC TVLUINGC 12:12

Isaz lex, honc lvmc juing phvnx shiz httax yek yaq. Luik vlvyx dvp htenc wuiyq kuex vhtumx ngoz tueq vguez, vjvnc vnac tvluing ruiux muinz mnoz hunnyec juing dvyx rvtueq.

THARC TVLUINGC 2:23

Mnoz rueq shuimx wvnc toq phvnx ruip saz kuex tvraungx httax tuiux wawwawx mnoz muex rvwvlc tvmaung nuiyc thuinz vmungx tvkuilc daz yaq kvmaq lvy vtueq yvmx vjux muinz kuq muq. Raungwvrx nuex doc muinz mthuinz nyec tvkuiyq lot muq. Kvruex lotlaz kuex khuec guez dvyx rvtueq.

THARC TVLUINGC 2:26

Tishox rueq taksux tharc, phaqjic nuiyc vkoz vkez juing kuex vpiq muex raungc raq jix muex kuq yaq, yuq muinz vpiq rueq mvrax vhttax jix muex yauk shuimc tvhunc nyec tvshuimc ruiux, tsuingshiq rueq thuiyx lvmz yaq hup vsvmx htenc kuex vpiq muex raungc raq jix bix muex kuq tueq. Kvruex lotlaz kuex khuec guez dvyx rvtueq. Kvruex kuex raungguil yurc yaq ikhoc dvyx rvtueq.

THARC TVLUINGC 3:10

Tishox rueq naungshiq htauk nuex tvdaungc kuq phuex gurc htenc liq yaq kuex ngaz rueq tuiuz tauk.

THARC TVLUINGC 3:11

Vpiq rueq phvnx ruip saz tvkoc vlvmx vkhing kuex htvp htaz shec tueq. Vpiq rueq naungshiq muex max kox wawc tuiuz roc thuinz kuex kuq phuex, yuq muinz vpiq rueq shuimx yaq yauk shuimc kuex thuinhvlx laz vtuiuz vtay tharc naungshiq muex mkaq muinz kuq muq.

THARC TVLUINGC 4:4

Miqsaz kuex lotlaungc wvnc tvkoc yauk shuimc pinhtumc hunglaungc shuimc juing kvmuinz ngaz rueq tvluing wvnc tauk: kvruex kuex yvmx khoc lac ngoz ruiux lec tsuingshiq yuimx phic wuinz rulc rvlongx roc ningkhvnc nuex rvtueq lvmz ngaz rueq khiz vshaungx. Yuq muinz kvruex kuex khuec guez. Kvruex kuex raungguil yurc shix ikhoc dvyx rvtueq.

THARC TVLUINGC 4:8

Vruex yuq piq dvyx httax yaq miq washiz vhttax. Piq nuex vsaz miqwaz vguez, vphuz vnox muinz vguez, yuq muinz piq rueq mkaq muinz yauk shuimx ruq dvyx, piq tsak vnyvmx kvmac mkaq muinz vthuinz suing muq. Piq kuex yauk shuimc nuex dvyx hunglaungx ruiux piq shauk gvnz tvkoc vpiauc liauc juing tvdux gay tueq kuex ukhaq tvkoc lac rvtvnx? Kvruex muinz khuec guez nuiyc rullungx tvraungx tvkoc thuinz kuilc daz juing dvyx rvtueq.

THARC TVLUINGC 7:25

Yuq muinz ngvy shauk pumz kuex phaqjic nuiyc tvluingc lvmz nuex thuinz waung yaq; taksux tharc thuiyc nuex muinz, ngvy bomc wiz htenc tvralc lvmz nuex layx bac nuiyc kvnvnc svnc rueq mtanc lac miqyaq yauk shuimc htenc kuex tvluingc tvkoc muinz ngaz rueq htvp htaz wvnc tauk.

THARC TVLUINGC 8:9

Vruex mungkawx nuex yaungx wvnc lvmz ngaz rueq rvwvl koq yuq, miqsaz wvyvmc kuex luimc vkawc httax ruiux, wvyvmc kuex tsuingshiq khung nuex vkuilc vdaz rvhumc yaq mungkawx rvtueq kuex ngaz rueq khiz tauk.

1 Timothy 4:15

Mnoz yungx luz wvnc tuiux kuex miq lotlaz rueq mkhiz tuiuz wvnc wuez shueq, htauk kox nuex tvkhic wvnc tueq gurc pic yauk shuimc htenc kuex thuinz vlomx maq shuimx shuiuz.