TAKSU LAK 8:36 - Hawa Naga Bible 2001

³⁶ Ngaz kuex thuiyx vtueq humc muq waz kuex vthuiuz vsac rvhumc vtueq; Ngvy shuiuc pac jix ukhaq yuq muinz vthueyc vmvy kuex lungwawx yaq,” ngoz tueq jungx yaq.

ASII LAKDAP Bible (BSI)

³⁶ Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

TAKSU LAK 8:36 Referencias Cruzadas

YOBA 35:6

Mnoz rueq mvrax yaq ruiux yuq, Tishox muex tvthuiuz sac shuex rvmuq. Vkhing ruip rawx mnoz rueq vyaq yauk shuimx ruiux yuq, kvruex kuex vpiq muex yvmx vjux lac tvhttax yaq nguinx?

TAKSU LAK 1:31

Kvkhoc rvtueq mnoz rueq shuimx wvnc toq rulc rv-ngvlc mnoz rueq lvp wvnc shuiux ningkhvnc nuex, mnoz rueq shuimx shuiux kvraq mnoz muex tvthuiuz sac kv-phux.

TAKSU LAK 1:32

Rvhumc rvhelc vguez jix miqsaz htenc rueq taksux tharc kuex tvdux gay ningkhvnc nuex vthueyc rvhumc wuez yaq. Miqyaq jix htenc kuex yvmx muinz tvmaung raung muq httaz ningkhvnc nuex tvbac gay rvhumc vtuex.

TAKSU LAK 12:1

Miqmac yaq tix nuex tvhonc tvtharc kuy roc jix ukhaq yuq muinz phaqjic roc yaq. Tvhonc tvtharc kuy lvmx shuiuc jix waz kuex miqyaq rvtueq.

TAKSU LAK 15:32

Tvluingc lvmz kuex mnoz rueq tvdux gay ruiux yuq, mshauk pumz tvthuiuz sac rvtueq. Tvhonc tvtharc kvjaz mnoz rueq lvp wvnc ruiux kuex tharc httaz hvlc miq muex mnoz yaungx wvnc tuiux.

TAKSU LAK 20:2

Vhuk vhex rvyaq hangsic ikhoc vthuinz khaq yaq hokhvmx waz muex kvhiz kuinz; piq muex thuinz tvkhvy miqmac shauk gvnz thvy gay rvtueq.

TAKSU LAK 21:6

Tsuingmuq ruxmuq maq vlvp tsak vnyvmx htenc kuex mtanc rvmuq nuex moz wvnc tuex, yuq muinz kvruex max moz wvnc nuex tsak vnyvmx kvraq mnoz kuex vthueyc khurx nuex shvlx laq kv-phux.

ISAIA 3:9

Tsuingshiq rueq htvlx phawc thuiyx yaq kuex tsuingshiq vjux dvyx tvsumx kuq yaq. Tsuingshiq kuex Sodom ghaq wuinz rueq shuimx tueq ikhoc mvrax kuex raungshuex raung shuimc wuez yaq. Tsuingshiq kuex vphoc rvhumc yaq, tsuingshiq rueq mvrax kuex miqmac pumz nuex tvhttuiuc wuez yaq.

JEREMIA 27:13

Mnoz nuiyc mmiqsaz htenc kuex ralx rvlungc, khvmx vrvmc nuiyc vmac vtsac nuex yvmx ngoz tueq thueyc dvnc lac? Kvruex kuex Babelon hokhvmx kvjaz tay phvnx muq jix unuk phvnx dvyx ngoz ruiux muinz Yehowa rueq jungx tueq rulc rv-ngvlc yaungx wvnc tuex.

EJEKIEL 18:31

Nuimshiq rueq tvyaq shuimx wvnc tuit vbac yauk shuimc htenc lotlaz kuex gay shec ruiux, nuimshiq shauk pumz thuinz nuiyc mungx vnyalx maq lvp wvnc shuinz. Israel miqsaz htenc lex, nuimshiq yvmx ngoz tueq thueyc kay roc lac?

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

Acts 13:46

Polu nuiyc Barnaba rueq khvmc thuinz maq jungx tueq kuex, “Nuiyshiq rueq Tishox bomjungc kuex nuimshiq muex kungkhux tvluing kuq vphix, yuq muinz nuimshiq rueq kvruex tvrac kuex tuip gay ruiux, miqmac shauk vgvnz kv-ngoc pattup rullungx rulc hungx htaungx muq jix ngoz tueq kv-ngoc vtuinx ningkhvnc nuex nuiyshiq kuex nuimshiq kox wawc dung wvnc vtueq, Pungnuk miqsaz kox nuex kaz wvnc vtix.

Acts 16:28

Yuq muinz Polu rueq, “Mshauk m-gvnz kuex mhosic nauk kvthvy kaz, nuiyhez lotlaz vruex yuq vhttax jvnc,” ngoz tueq kvjaz yunghvlc maq ramc jungx tueq.

1 Corinthians 16:22

Miq vshiz shiz rueq Taungjix muex lungwawc muq ngoz ruiux kuex, piq nuex mvnhttonc mrvhumc kueq! Marana-tha nuex Taungjix mhttuiuc kaz kueq!

Hebrews 10:29

Kvkhoc ngoz ruiux kuex, Tishox Saz muex yomnamc gay jix waz, miqmac shauk gvnz kuex mvrax wawc tvsawc gay yaq Tishox bomkhvrc nuex seng yaq tvguiy kuex wvlc guez htawz guez tvyaungc jix waz, kejux kuy jix Siyac muex shummarc jix waz kuex yvmx khoc wuez yaungx tvnx? Piq rvhumc juing murx kuex mtanc khvnc wuez songx tuex raz tvnx? Tvmaung lawc wuez shuinz!

Hebrews 2:3

vtanc khvnc yungx luz yaq palc daungc wvnc lvmx kejux kuex naungshiq rueq wvlc guez tvyaungc ruiux yuq, naungshiq yvmx khoc maq lac mvrax khac phox shuex kvwawc dung wvnc lot tix? Kvruex palc daungc wvnc lvmx kuex vphaungc nuex Taungjix rueq jungphvnx kuq wvnc ruiux, vtay wvnc jix htenc rueq kvruex kvjaz kuex tsuingrux rvtueq lvmz hakhix tvkhic kuq wvnc phuex.