TAKSU LAK 4:7 - Hawa Naga Bible 2001

⁷ Taksux tharc lvp shuiux kuex mnoz rueq shuimx lot shuiux yauk shuimc lotlaz htauk nuex jvnc vtueq vkhek yaungx yaq. Mnoz rueq yvmx dvyx thuiyx lvmz ruiux muinz kvmungx thuinz tharc kuex lvp taq shuiuz.

ASII LAKDAP Bible (BSI)

⁷ Nyan phaqchi lap wan ka akhek pinthum; kriikha na taksu tsii tsin laq. Akhon wan tsii ka lap laq.

TAKSU LAK 4:7 Referencias Cruzadas

2 KAÜWA WERAÜ 1:10

kvkhoc rvtueq ngaz rueq tsuingshiq kuex guimz lawc juing khuec nuex taksux tharc nuiyc phaqjic kuex kuq koq. Kvkhoc kuq muq ngoz ruiux kuex ngaz rueq vtanc khvnc paung yaq mmiqsaz htenc kuex yvmx khoc lac guimz lawc lot shaungx?” ngoz tueq tvtay jungx tueq.

Tvtsvmc 119:104

Ngaz rueq mtvrac htenc wawc taksux tharc lvp wvnc ning-khvnc nuex vbac phvnx lotlaz kuex ngaz rueq shuiuc pac vshaungx.

TAKSU LAK 16:16

Kuimshawx nuiyc kuimphox lvp shix htauk nuex taksux tharc nuiyc phaqjic lvp shix kuex vhvlx pinhtumc rvtueq.

TAKSU LAK 2:4

Kuimphox nuiyc vhttuiyq vruez tsak vnyvmx kuex laungc maq thuiyx vshuiux ikhoc kvruex thuiyx shuiuz;

TAKSU LAK 21:6

Tsuingmuq ruxmuq maq vlvp tsak vnyvmx htenc kuex mtanc rvmuq nuex moz wvnc tuex, yuq muinz kvruex max moz wvnc nuex tsak vnyvmx kvraq mnoz kuex vthueyc khurx nuex shvlx laq kv-phux.

TAKSU LAK 23:23

Vtsuing vrux, taksux tharc, tvluingc laungc nuiyc vtuiuz vtay htenc kuex vhtawz vrawz kuq vtueq rez aungx yaq, yuq muinz kvruex kuex vhtawz tsanc hvlc ningkhvnc nuex phaq tvwawc rvtueq.

TAKSU LAK 4:5

Taksux tharc nuiyc kvmungx thuinz tharc kuex thuiyx shuiuz! Ngaz rueq jungphvnx vphaungx kuex nauk lauk kaz, nauk tv-phvyx kaz.

TAKSU LAK 8:23

Mungkawx max tvdung sung, khutuingx raungmuingx nuex, vphaungc shauk shauk ngaz kuex tvdung sung taq phuex.

THARC TVLUINGC 4:8

Vruex yuq piq dvyx httax yaq miq washiz vhttax. Piq nuex vsaz miqwaz vguez, vphuz vnox muinz vguez, yuq muinz piq rueq mkaq muinz yauk shuimx ruq dvyx, piq tsak vnyvmx kvmac mkaq muinz vthuinz suing muq. Piq kuex yauk shuimc nuex dvyx hunglaungx ruiux piq shauk gvnz tvkoc vpiauc liauc juing tvdux gay tueq kuex ukhaq tvkoc lac rvtvnx? Kvruex muinz khuec guez nuiyc rullungx tvraungx tvkoc thuinz kuilc daz juing dvyx rvtueq.

THARC TVLUINGC 7:12

kvruex kuex kuimphox rueq ikhoc mnoz muex kvwungx juing lvmx kuq kv-phux. Taksux tharc rueq mnoz muex tvkhup wungx yaq, vruex kuex phaqjic httax yaq vjux rvtueq.

Luke 10:42

yuq muinz mnoz muex rax yaq phvnx shiz httax yaq. Mary rueq vhvlx phvnx thvl taq tueq. Kvruex kuex piq kox wawc uraq muinz nyvlc wvnc lot muq,” ngoz tueq tvralc tueq.

Luke 12:20

Yuq muinz Tishox rueq piq muex, ‘Miqyaq waz lex! Majuiuc raungyac dvyx mthuiuzthuic kuex lvmz gay shuex, kvkhoc rvtueq mnoz rueq tvyoalc taq toq tsak vnyvmx htenc kuex ukhaq tvkoc lac yaungx tvnx?”’ ngoz tueq jungx tueq.

Philippians 3:8

Kvruex dvyx muinz rvmuq, ngvy Taungjix Christu Yesu tuiuz wvnc tharc kuex, phvnx ruip saz htauk nuex muinz pinhtumc tsanc hvlc vlap ningkhvnc nuex, kvruex lvp wvnc tvkoc phvnx ruip saz kuex tvsawc ric vsumx nuex dvyx ngaz rueq hangc taq vshaungx. Ngaz rueq vpiq tvkoc nuex phvnx ruip saz kuex tuip gay shec tauk; Christu ngoz yaq vlap kuex lvp wvnc tvkoc nuiyc vpiq rulc vshiz dvyx yaungc wvnc tvkoc lotlaz kuex suingkez namx yauk ikhoc dvyx ngoz tueq tvmaung vshaungx.