TAKSU LAK 27:24 - Hawa Naga Bible 2001

²⁴ yvmx khoc lac ngoz ruiux lec tsak vnyvmx kuex pattup httax lot muq. Miq phvnx htenc doc muinz pattup phaungx ngaungx lot yaq rvmuq.

ASII LAKDAP Bible (BSI)

²⁴ Tsiiqtum ka pattup simak; kiimaq hokham khuphok kiimin pattup tsingmak.

TAKSU LAK 27:24 Referencias Cruzadas

2 SAMUEL 7:16

Msuiuz msaz hez kuex mkaq muinz httax wvnc vtueq, mmungtan kuex ngaz rueq tvsuip nuex httuiuc laz pattup tv-phaungx ngaungx shaungx. Mnoz hokhvmx daungraungc kuex mkaq muinz htumx kaz tuex rvmuq,’ ” ngoz tueq jungx tueq.

YOBA 19:9

Vpiq rueq ngvy tsak vnyvmx htenc lotlaz lvmz gay ruiux ngvy muingc dung yaq kuex tvbac gay tueq.

Tvtsvmc 89:36

Dawid suiuz vsaz htenc kuex tvhttoarc vtueq httax tuex, shalx phez yaq wawwawx ngaz rueq piq mungtan kuex bvmc lawc shaungx.

Tvtsvmc 89:39

Mnvrc waz rulc vtaq mbomkhvrc kuex mnoz rueq tvbac gay toq nuiyc piq khushec ghaq nuex mnoz rueq tvdvy gay toq.

TAKSU LAK 23:4

Luiz waungx yaungx laz mshauk pumz kuex vjvnc vnac hunnyex laz nauk ruez kaz, kvyuq tharc httaz kuiuz.

TAKSU LAK 23:5

Mkuimphox kuex vraungx dung vtueq baz wvnc vtuex lawx ikhoc muik rvmuiuc nuex dvyx moz wvnc lot tuex.

THARC TVLUINGC 5:13

Vruex mungkawx vyuq kvhiz juing yaungx yaq phvnx shiz ngaz rueq khiz tauk: miq htenc rueq baunglaung shiz tvkoc nuex tsuingshiq kuimphox kuex yoalx taq wuez tueq, kvruex tsuingshiq muex rax ruiux yuq,

ISAIA 9:7

Vpiq honoc luimc vkawc kuex tvhttoarc vtueq yungx luz wvnc tuex; Vpiq mungtan kuex mkaq muinz nomic rvtuex. Vpiq kuex Hokhvmx Dawid hoc nuex duiz vtueq guimz lawc shuex, vpiq luimc vkawc kuex tsuingrux nuiyc tvrac vlvmz nuex vruingx waungc vtueq majuiuc vmaq raz tueq tvsuip nuex httuiuc laz phaungx ngaungx wvnc tuex. Tvphaungc Tvsuip Yehowa rueq vruex lotlaz yaungc wvnc tvkoc vhtvp htaz wuez shex rvtueq.

JEREMIA 13:18

Yehowa rueq ngaz muex jungx phuex, “Hokhvmx waz nuiyc vnyuiuz tsuingnueyc khushec svp hvlc htenc kuex tsuingnueyc khux wawc tvy kaz shex ningkhvnc nuex tsuingshiq hoc daungraungc maq svt tvkoc jungx shuiuz.

AJONJÜ 5:16

Nuiyshiq kvsomc parc juing yvmx muinz vguez shex. Nuiyshiq rueq mvrax yaq ning- khvnc nuex, majuiuc vkhoc rvhumc vtix.

EJEKIEL 21:26

Ngaz, Johvlc Yehowa rueq jungx vshaungx. Nuimshiq khushec nuiyc khux phuk htenc kuex put taq shuinz. Yvmx muinz kungkhux wawc rulc rv-ngvlc muq shex. Htemc saz jix htenc muex luimc vkawc tvduiz kuq ruiux! Vyungx vlaungx bix kuex tvsvt gay shuiuz!

JEPHANIA 1:18

Yehowa rueq vpiq thuinkhvy tvkhic shuex raungnuiyq nuex, tsuingshiq kuimphox sawx nuiyc kuimshawx htenc lotlaz rueq doc muinz tsuingshiq kuex palc wvnc lot muq. Vpiq thuinkhvy wvr maq ghaq wvtaungx tvbac gay shuex. Ghaq htauk nuex httax yaq miq pumz tek tvkoc huingc rvhek maq vtvsuip raungnuiyq tvyaungc kuq gay shuex.

James 1:10

luiz waungx Christan phunox waz kuex Tishox rueq piq kuex tvruinc gay rvhumc ruiux yuq muinz vkoz vkez dvyx mhttax kueq. Yvmx khoc lac ngoz ruiux lec luiz waungx jix htenc kuex yaruix wawc pulx puic ikhoc yuiuq wvnc tuex rvtueq.

1 SAMUEL 13:14

Yuq muinz majuiuc mnoz rueq guimz lvp shuiux rvmuq. Mnoz rueq vpiq bomc phvnx muq ningkhvnc nuex Yehowa vpiq rueq thuinroc miq kuex thuiyx vtueq, vpiq miqsaz htenc kuex tvguimz tvlawc shuex,” ngoz tueq jungx tvralc kuq tueq.