TAKSU LAK 2:9 - Hawa Naga Bible 2001

⁹ Mnoz rueq ngvy kvjaz tay ruiux yuq, vlvmx, tvrac vlvmz nuiyc vhvlx vrungx vraz lvmz kuex mnoz rueq tuiuz wvnc shuiux. Mnoz rueq yvmx shuimc juing lac kvmuinz tuiuz shuiux.

ASII LAKDAP Bible (BSI)

⁹ Ümniiraq ümtsantsii ngi ma kuq haüla, jamlai wa riikhaqli, jamlai wa tingting, kiimaq jamlai wa maitlaq bomtsi kra misap haü. Kiimaq ümniiraq jamlai kiimung chang wa, kra riikhaqli misap haü.

TAKSU LAK 2:9 Referencias Cruzadas

Tvtsvmc 119:105

Mkvjaz kuex ngaz muex lvmx shvlx yaq wvrkok nuiyc ngvy khuemc juing lvmx kuex tvwuic kuq yaq.

Tvtsvmc 119:99

Ngaz kuex mnoz rueq jungx toq kvjaz htenc thuinz maq rvwvlc ningkhvnc nuex, ngaz muex tvluingc kuy jix tvluingc waz bix lotlaz htauk nuex jvnc vtueq ngaz rueq tuiuz vshaungx.

Tvtsvmc 25:12

Yehowa muex tay phvnc jix htenc kuex tsuingshiq rueq phvnc juing lvmx htenc vpiq kox wawc tvluing wvnc shuex.

Tvtsvmc 32:8

Yehowa rueq, “Mnoz rueq phvnc juing lvmx ngaz rueq tvluing kuq phaungx, ngaz rueq mnoz muex tharc jungx kuq ruiux shvlix lawx kuq phaungx.

TAKSU LAK 28:5

Honc vbac jix htenc rueq tvrac vlvmz kuex tuiuz muq, yuq muinz Yehowa muex nawk palx jix rueq kvruex vhvlx waq tuiuz tay yaq.

TAKSU LAK 4:12

Taksux tharc vhttax maq mnoz khuemx kaz ruiux yuq, mkhuemc juing lvmx kuex sawc riric hvlc rvtuex, mnoz yuz ruiux doc muinz kvhtuip rul wvnc tuiux rvmuq.

TAKSU LAK 4:18

Tsuingrux jix khuemc juing lvmx kuex shalx dung wvnc yaq ikhoc yaungx yaq, kvruex kuex raungnuiyq raungwuix wvnc yaq nuex httuiuc laz, pinhtumc wuix wvnc yaq.

TAKSU LAK 8:20

Ngaz kuex tsuingrux lvmx nuex khuemx vtueq; tvrac vlvmz phox yaq lvmx nuex phvnx vshaungx.

ISAIA 35:8

Kvyuq lvmx laungx vshiz httax tuex, kv-ngoc “Vsawc Lvmx Laungx,” ngoz tueq muingc shuex. Mvrax kop jix kuex kvruex lvmx maq mkaq muinz khuemx lvp tuex rvmuq; lvmx kvruex phvnc jix wawc vngaz jix rueq doc muinz lvmx kuex tvyaq shuex rvmuq.

ISAIA 48:17

Mnoz palc wvnc tueq Yehowa Israel muex vsawc Tishox rueq vkhoc jungx tueq: “Ngaz kuex mnoz muex vhvlx tvkoc tvluing kuy roc jix waz nuiyc mnoz kay juing lvmx kuex tvkhic shvlc jix waz Yehowa m-Tishox rvtauk,

JEREMIA 6:16

Yehowa rueq vpiq miqsaz muex jungx tueq, “Lvmx dungc lvmx heq htenc nuex jvp vtueq lawc shuinz. Mvnnuex wawc lvmx kez kuex wisoz thuiyx shuinz. Kvruex lvmx kvyuq khuemx ruiux yuq, nuimshiq nomic httax lvp tuinx,” ngoz tueq. Yuq muinz tsuingshiq rueq, “Kvruex lvmx kuex nuiyshiq rueq phvnx miq!” ngoz tueq jungx wuez tueq.

John 14:6

Yesu rueq piq muex, “Lvmx kuex ngaz rvtauk, tsuingrux nuiyc rullungx muinz ngaz rvtauk. Ngaz maq rvmuq ngoz ruiux kuex ukhaq muinz Iwaz kox nuex httuiuc lot muq.