TAKSU LAK 16:4 - Hawa Naga Bible 2001

⁴ Yehowa rueq vtvdung sung phvnx lotlaz nuex vpiq kvmungx httax yaq; layx bac jix htenc vtvsuip yaungx wvnc yaq kuex vbac wvnc lvmx rvtueq.

ASII LAKDAP Bible (BSI)

⁴ Tatiwe raq, phanrap phansang wantaq ka, alam asi siisaq. Ashut maiqse kiimin, ashthenbaiq miitu phanto.

TAKSU LAK 16:4 Referencias Cruzadas

RAPHA HIQWA LAK 1:31

Tishox vpiq rueq tvdung sung tueq phvnx htenc kuex lawc vtueq, pinhtumc raungc raq tueq. Raungyac kuex lvy wvnc vtueq raungnvp shex httuiuc tueq, kvruex kuex raungnuiyq tvruk rvtueq.

YOBA 15:23

kvmaq lawx tawx htenc kuex piq ngvmx phuiuz tvkoc bvmc yaq. Tsuingshiq max kox nuex raung-nyauk wvnc yaq kuex tsuingshiq rueq tuiuz yaq;

YOBA 21:30

Tishox kuex thuinkhaq vtueq murx tvgurc shuex kvruex raungnuiyq, miqyaq waz kuex mkaq muinz rungwanx lvp yaq.

DUNGWVNC 9:16

Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

TAKSU LAK 16:5

Tuluimc thuinz httax yaq miq ruip rawx kuex Yehowa rueq shuiuc yaq; tsuingshiq muex murx tvgurc yaq kvwawc mkaq muinz vpiq rueq tvdung wvnc shuex rvmuq.

THARC TVLUINGC 3:11

Vpiq rueq phvnx ruip saz tvkoc vlvmx vkhing kuex htvp htaz shec tueq. Vpiq rueq naungshiq muex max kox wawc tuiuz roc thuinz kuex kuq phuex, yuq muinz vpiq rueq shuimx yaq yauk shuimc kuex thuinhvlx laz vtuiuz vtay tharc naungshiq muex mkaq muinz kuq muq.

ISAIA 43:21

Tsuingshiq kuex ngvy tvkoc ngaz rueq vhttauk taq miqsaz htenc rvtueq, tsuingshiq rueq ngaz muex tvtsvmc kvmc kvjaz htenc maq shix wuez tuex!” ngoz tueq jungx tueq.

ISAIA 43:7

Tsuingshiq kuex ngvy miqsaz shauk rvtueq, ngvy ngauz vngax tvkoc ngaz rueq tsuingshiq kuex tvdung sung tauk,” ngoz tueq jungx tueq.

Romans 11:36

Yvmx khoc lac ngoz ruiux lec phvnx ruip saz kuex vpiq rueq tvdung sung tueq, httax yaq phvnx htenc kuex vpiq tvkoc rv-phvlc nyanc wvnc tueq ningkhvnc nuex vpiq kox nuex pattup ngauz vngax mhttax kueq! Amen.

Romans 9:22

Tishox rueq muinz kvkhoc shuimx yaq. Vpiq rueq thuinkhvy tvkhic tvkoc nuiyc vpiq luimc vkawc kuex tvkhic kuy tvkoc thuinz httax yaq. Yuq muinz vpiq thuinkhvy ningkhvnc nuex bac wvnc rvhumc aungx yaq htenc kuex thuinz tvluz vtueq nanx kuq yaq.

1 Peter 2:8

Kvmaq Rumvrc luik vganc nuex, “Vruex lung kuex miq htenc tvhtuip tvrul shuex, tsuingshiq kuex tvrul tvbunx gay juing lung muinz rvtueq,” ngoz tueq. Tsuingshiq kuex bomjungc kvmac kvmluimx muq ningkhvnc nuex kvhtuip rul wuez yaq; kvruex kuex tsuingshiq tvkoc Tishox thuinroc tvhungx rvtueq.

2 Peter 2:3

Vruex vrot vkaq tvluingc waz bix rueq tsuingshiq kvkax wax thuinz maq vtvhungx mvnphvnc htenc kuex jungphvnx vtueq vlap vphawx thuiyx wuez shuex. Mvnnuex maq phuex tsuingshiq muex phoc kuy jix waz rueq tvyoalc shec tueq nuiyc tsuingshiq tvbac gay jix waz kuex kvtsoalx rvlauk kaz tueq rvmuq.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

Revelation 4:11

“Nuiyshiq Taungjix Tishox lex! Mnoz rueq vphaungc vyaungc maq phuex tvdung sung vtueq, kvruex kuex mthuinz roc httax vtueq rullungx tvraungx httax wuez yaq, kvkhoc rvtueq mnoz kuex ngauz vngax, tvtsanc nganc nuiyc luimc vkawc kuex lvp aungx yaq,” ngoz tueq jungx wuez yaq.