TAKSU LAK 1:4 - Hawa Naga Bible 2001

⁴ Kvruex kuex vkhic vtuiuz vguez jix kuex vhengx miq muex tvyaungc kuq ruiux, miqwaz yalxrox bix muex vthenc vtuiuz httax wvnc tvkoc tvluing kuq yaq.

ASII LAKDAP Bible (BSI)

⁴ Jamtsinhon makti kra jaqsham atsinwiqti ma tiijati, Jerobi ma howe minwe rilung lam shrinketi.

TAKSU LAK 1:4 Referencias Cruzadas

Tvtsvmc 116:6

Yehowa rueq menjenc vsac miq htenc kuex tvguing tvwungx vtueq; ngaz vhiz vsungx rvhumc taungx nuex vpiq rueq ngaz palc wvnc phuex.

Tvtsvmc 119:130

Mnoz tvluing bomc kuex tvkhic jungphvnc kuy lvmx htenc rueq raungwuic kuex kuq vtueq, yvmx muinz tuiuz muq jix muex taksux tharc tvlvp kuq yaq.

Tvtsvmc 119:9

Yalx rox waz kuex piq rullungx wvlex nuex vsawc m-yaungx kueq, yvmx khoc maq phvnc lot juing lac? Kvruex kuex mnoz nvrc bomc htenc tay phvnx tvhungx lot yaq.

Tvtsvmc 19:7

Yehowa tvrac kuex hungx htaungx mvrc yaq; kvruex hungc vlaungc vnyalx kuq yaq. Yehowa rueq nvrc bomc htenc vkvmx juing ningkhvnc nuex, kvruex tvrac lvp muq jix htenc muex taksux tharc kuq yaq.

Tvtsvmc 34:11

Ngaz rulc rulcshiz bix lex, kaz luit ngvy kvjaz kuex tay wuez shuinz, Yehowa muex tvtsanc nganc tvkoc ngaz rueq nuimshiq muex tvluing kuq phaungx.

TAKSU LAK 3:21

Isaz lex, mnoz taksux tharc nuiyc thuinz kvmungx tharc kuex httax kuiuz. Kvruex htenc kuex mnoz wawc mkaq muinz nauk httvr gay kaz.

TAKSU LAK 8:12

Ngaz kuex Taksux tharc rvtauk, thuinz vmungx tharc ngaz nuex httax yaq; phaqjic nuiyc vlvmz khac phoc muinz ngaz rueq lvp tauk.

TAKSU LAK 8:17

Ngaz muex lungwawc jix kuex ngaz rueq lungwawx vshaungx; ngvy thuiyc jix ukhaq rueq muinz ngaz kuex humc lot yaq.

TAKSU LAK 8:32

“Majuiuc kuex, yalxrox bix lex, ngvy kvjaz kuex tay shuinz. Ngaz rueq jungx phaungx rulc rv-ngvlc shuimx kaz ruiux yuq, nuimshiq thuinhvlx wuez tuinx.

TAKSU LAK 8:5

Nuimshiq thuinz max htvnz shauk doc haz? Thuinz htvnz wvnc tvkoc tvluing shuinz. Nuimshiq kuex miqyaq haz? Tvmaung thenc laz tvluing shuinz.

THARC TVLUINGC 11:9

Yalx rox rulx lex, nuimshiq yalxrox pat nuex vshuenc vruenc maq httax kuinz. Yalx rox jauz vkoz vkez maq httax kuiuz. Mnoz rueq shuimc roc shuiux phvnx yvmx yuq muinz shuimx shuiuz, mthuinz vmungx maq raungc raq shuiux kvkhoc khuemx kuiuz. Yuq muinz mnoz rueq shuimx kaz vshuiux phvnx ruip saz kuex Tishox rueq wisoz vtueq mnoz muex phox kuq kv-phux kuex rvwvl shuiuz.

ISAIA 35:8

Kvyuq lvmx laungx vshiz httax tuex, kv-ngoc “Vsawc Lvmx Laungx,” ngoz tueq muingc shuex. Mvrax kop jix kuex kvruex lvmx maq mkaq muinz khuemx lvp tuex rvmuq; lvmx kvruex phvnc jix wawc vngaz jix rueq doc muinz lvmx kuex tvyaq shuex rvmuq.

TRI CHONGKE 4:6

Nuimshiq rueq tvrac kvruex rvkhauk laz tvmtuing maq phvnx ruiux yuq, vganc phvnx miqsaz htenc khaungkac nuex nuimshiq taksux tharc nuiyc vtuiuz vtay kuex kvkhic wvnc tuex. Tsuingshiq rueq tvrac htenc kuex tay wvnc ruiux yuq, ‘Vruex phvnx miqsaz vruex kuex taksux tharc nuiyc vtuiuz vtay httaz hvlc miqphvnx vyungx khoc vnauz!’ ngoz tueq thaungbaungx wuez shuex.

2 Timothy 2:22

Yalx rox yac htokpawx thuinz kuex koayc shuiuz, Taungjix muex vsawc thuinz vmungx maq romc kuy thoz jix htenc rulc vdvmz nuex tsuingrux lvmz, kvmluimx lvmz, lungwawc thuinz nuiyc nomic lvmx kuex thuiyx shuiuz.

Titus 2:6

Kvrulc rv-ngvlc yalxrox bix muinz kenx ririx maq mhttax kueq tvhonc tvtharc kuq shuiuz.