TAKSU LAK 1:31 - Hawa Naga Bible 2001

³¹ Kvkhoc rvtueq mnoz rueq shuimx wvnc toq rulc rv-ngvlc mnoz rueq lvp wvnc shuiux ningkhvnc nuex, mnoz rueq shuimx shuiux kvraq mnoz muex tvthuiuz sac kv-phux.

ASII LAKDAP Bible (BSI)

³¹ Kra ningkhan ümniiraq jamlai phan lapchang wa, kra phan kli milap wan haü, Ümniiraq jamlai jaq wa sham laü, kra tsingo ka phaqsiq laütli she mibii haü.

TAKSU LAK 1:31 Referencias Cruzadas

YOBA 4:8

Ngarvyx kuex htuz vtueq vlix ikhoc layx vbac wuinc jix miqsaz htenc kuex ngaz rueq khiz tauk; majuiuc kuex layx vbac nuiyc ngarvyx kuex tsuingshiq rueq yut wvnc tueq.

Tvtsvmc 81:13

Ngvy miqsaz htenc rueq ngvy kvjaz tay tvkoc ngaz rueq mtanc lac roc vshaungx; ngvy kvjaz kuex phvnc tvkoc ngaz rueq mtanc lac rvnx vtaungx nguinx!

TAKSU LAK 12:14

Mnoz somraungc yauk noalc kuex mbomc mnyamc nuiyc mnoz rueq shuimx kaz vshuiux yauk shuimc htenc nuex vjungx rvtueq, mnoz rueq lvp aungx yaq kuex mnoz rueq lvp shuiux.

TAKSU LAK 13:2

Miq hvlx jix htenc kuex tsuingshiq bomc vnyamc ningkhvnc nuex yauk noalc lvp wvnc wuez yaq, yuq muinz vrot vkaq jix rueq yauk laungc yalawx yauk shuimc roc kuex rvmc svy ikhoc sac yaq.

TAKSU LAK 14:14

Vbac miqsaz tsuingshiq rueq lvp aungx yaq rulc rv-ngvlc lvp wvnc wuez shuex. Miq hvlx jix htenc kuex tsuingshiq honc vyaungc vhvlx kvruex tv-phvnc yauk mauk kuex lvp wvnc wuez shuex.

TAKSU LAK 22:8

Tvrac muq vlix wuinc jix waz rueq vkuilc vdaz juing phvnx vthuey vngoz kuex yut tvjomx wvnc shuex, kvkaq piq rueq miq guirguenz yaq kuex thauk tuex.

TAKSU LAK 5:22

Layx bac jix waz mvrax kuex bix vtsvnc rvtueq, piq kuex piq mvrax jak nuex kvlvp rvhumc tueq.

TAKSU LAK 5:23

Piq kuex vthuinz khvrc lot muq ningkhvnc nuex vthueyc rvhumc yaq. Piq yoay ngaz yaq lvmx rueq piq kuex luip ruiuz khux nuex taq gay kaz tuex.

TAKSU LAK 8:36

Ngaz kuex thuiyx vtueq humc muq waz kuex vthuiuz vsac rvhumc vtueq; Ngvy shuiuc pac jix ukhaq yuq muinz vthueyc vmvy kuex lungwawx yaq,” ngoz tueq jungx yaq.

ISAIA 66:4

Kvkhoc rvtueq ngaz rueq tsuingshiq hisungx yaq thuimkux kuex tsuingshiq htauk nuex tvhttuiuc kuq tauk, yvmx khoc lac ngoz ruiux lec ngaz rueq gvl koq tueq uraq muinz tvralc muq, rvmuq ngoz ruiux ngaz rueq jungx koq tueq tay muq. Tsuingshiq rueq ngvy kvjaz tay muq maq vbac vtac shuimc tvkoc thvl wvnc tueq.”

JEREMIA 14:16

Tsuinghez rueq jungx yaq kvjaz kuex tay vtueq phvnc jix miqsaz kuex kvkhoc thvy gay rvhumc tuex. Tsuinghez maungx htenc kuex Yerusalem ghaq lvmx laungx htenc nuex tuip gay rvhumc vtueq, tsuinghez luip jix miq vshiz muinz httax tuex rvmuq. Vruex lvmz tsuingc taungnyuiuz tamx tsuingc sahez miqwaz yalxjuik sahez nuex yaungx wvnc tuex. Tsuingshiq honc vbac mauk kuex ngaz rueq tsuingshiq muex kuq shaungx,” ngoz tueq jungx tueq.

JEREMIA 2:19

Mngarvyx rueq mnoz muex murx tvgurc kv-phux, mnoz ngvy kox wawc kvroz wvnc toq kvraq mnoz muex murx tvgurc kv-phux. Ngaz Yehowa m-Tishox tuip gay ningkhvnc nuex, ngaz muex hiyaz thuinz vguez kuex mtanc lac bac yaq nguinx mnoz rueq tuiuz wvnc shuiux. Vruex kuex ngaz, Tvphaungc Tvsuip Yehowa rueq jungx vshaungx.”

JEREMIA 21:14

Yuq muinz mnoz rueq shuimx wvnc toq rulc rv-ngvlc ngaz rueq mnoz muex murx tvgurc phaungx. Mhoc kuex wvr maq jauk gay shaungx, kvmaq wvr kvraq tvroz tuimz kuex khamc gay shuex. Ngaz, Yehowa rueq jungx vshaungx.”

JEREMIA 6:19

Ghaq lex, tay shuiuz! Kvruex miq hez kuex ngvy kvjaz phvnx muq, ngaz rueq tvluing kuq koq tsuingshiq rueq tvdux gay tueq, kvkhoc rvtueq ngaz rueq tsuingshiq rvhumc aungx yaq thuimkux kuex tsuingshiq htauk nuex tvhttuiuc shaungx.

EJEKIEL 22:31

Kvkhoc rvtueq ngaz rueq ngvy thuinkhvy kuex tsuingshiq htauk nuex ruiuc gay ruiux, tsuingshiq rueq shuimx wvnc tueq honc vyaungc rulc rv-ngvlc tsuingshiq kuex wvr rueq ikhoc tvbac gay shaungx.” Johvlc Yehowa rueq ngoz tueq.