Romans 2:5 - Hawa Naga Bible 2001

⁵ Yuq muinz mnoz kuex khux tvtsanc vtueq tharc humc muq, kvkhoc ningkhvnc nuex thuinkhvy phuk tuex yuq, tsuingrux khac phox shuex raungnuiyq kvkaq mnoz kuex pinhtumc mvrax yunghvlc lvp shuiux.

ASII LAKDAP Bible (BSI)

⁵ Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

Muklom

⁵ Etharin nim tinchet etho kaley moq tin tungkang o nim aa nim ni nim rangma tsamnang sha thajoq inn. Piq rapney tinkhat saal o Shkewa asing khaphung sha takhi na.

Romans 2:5 Referencias Cruzadas

2 KAÜWA WERAÜ 30:8

Tsuingshiq ikhoc thuinz nauk tvtsanc kaz, Yehowa kvjaz kuex tay wuez shuinz. Yehowa nuimshiq Tishox rueq pattup pat-sac laung nuex tvsawc nawc shec tueq Yerusalem wawc Shomc Yuimx kvyuq kaz vtueq vpiq muex nawk palx wuez shuinz, kvkhoc ruez ruiux yuq vpiq rueq nuimshiq muex mkaq muinz khaq tuex rvmuq.

2 KAÜWA WERAÜ 36:13

Zedekia kuex Tishox muingc maq piq muex tvtuemc vtueq tvkhvmc tueq Hokhvmx Nebukhadnezar kuex khawx lvlx tueq. Piq kuex thuinz kvlayc vtueq Yehowa Israel Tishox kox nuex kvyez tvkoc tvlvlc tueq.

YOBA 21:30

Tishox kuex thuinkhaq vtueq murx tvgurc shuex kvruex raungnuiyq, miqyaq waz kuex mkaq muinz rungwanx lvp yaq.

Tvtsvmc 110:5

Yehowa kuex m-yaukkeq kox nuex httax yaq; vpiq thuinkhvy dung tuex nuex hokhvmx bix kuex rop gay shuex.

Tvtsvmc 95:8

“Meriba nuex httax wvnc tueq nuimshiq jix vwaz tamx ikhoc nuimshiq khux nauk tvtsanz wuez kaz; kumtsvy tvnx wawc Masa nuex nuimshiq jix vwaz tamx httax wvnc tueq ikhoc nuimshiq thuinz nauk tvtsanz kaz.

DUNGWVNC 14:17

Ngaz rueq Ejip miqsaz khux pinhtumc tvtsanc kuy ningkhvnc nuex tsuingshiq rueq muinz Israel miqsaz yix kvyuq yurc shuex, ngaz rueq hokhvmx waz maq phaungc vtueq piq nolaungx bix, piq renc htenc nuiyc vruip jix htenc kuex taungx gay ningkhvnc nuex ngvy ngauz vngax dung wvnc tuex.

DUNGWVNC 32:34

Majuiuc kaz vtueq mnoz muex ngaz rueq jungx phaungx baung kvyuq tsuinghez kuex shvlx laq shuiuz. Ngvy raungkamx waz rueq mnoz muex lvmx shvlx kuq kv-phux, yuq muinz vruex hez htenc yaq gay tueq mvrax laung kuex ngaz rueq murx tvgurc kuy vkhing httuiuc wvnc tuex,” ngoz tueq jungx tueq.

DUNGWVNC 8:15

Hokhvmx waz rueq lukburx htenc thueyc kaz tueq kuex khiz vtueq, piq khux tvtsanz laq yek tueq, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

TAKSU LAK 1:18

Yuq muinz tsuingshiq kuex miqmac tvkoc bix tsvnc jix ikhoc tsuingshiq miqmac dvyx bix nuex thueyc wuez tuex.

TAKSU LAK 11:4

Vthueyc nuex mhtvlx tvmuiz shuiux raungnuiyq tsak vnyvmx rueq mnoz muex yvmx muinz rvkuq lot muq, yuq muinz vtsuing vrux rueq mrullungx kuex palc wvnc lot shuex.

TAKSU LAK 28:14

Yehowa kuex mkaq muinz phvnx shuiuz ngoz ruiux mnoz thuinhvlx tuex. Mkhoc shoc maq mkhux tvtsanz ruiux kuex vbac wvnc rvhumc tuiux.

TAKSU LAK 29:1

Lauk wvruip ruip tvtharc koq yuq, yvmx muinz bvlvmx lawx muq waz kuex, raungnuiyq shiz rul wvnc ruiux yuq kvtenc lot muq shex rvtuex.

THARC TVLUINGC 12:14

Naungshiq rueq shuimx lvmz vshix phvnx ruip saz kuex vhvlx, vbac yvmx yuq muinz vyumx maq vshuimx gay yauk shuimc kuex Tishox rueq phox shuex.

ISAIA 48:4

Mnoz kuex yanx ikhoc tsanz dez raz tueq nvyrvyx ikhoc tsanz ruiux, khux tvtsanz vshuiux kuex ngaz rueq tuiuz yaq.

JEREMIA 40:3

majuiuc kuex vpiq rueq jungx yaq rulc rv-ngvlc shuimc tueq shex. Mmiq htenc rueq Yehowa muex mvrax yaq vtueq khawx lvlx ruiux, vpiq kvjaz phvnx muq ningkhvnc nuex vruex lvmz lotlaz yaungx wvnc tueq.

EJEKIEL 11:19

Ngaz rueq tsuingshiq muex thuinz vmungx vnyalx nuiyc thuinz vnyalx kuex kuq shaungx. Ngaz rueq tsuingshiq tsanc hvlc lung thuinz vmungx kuex lvmz gay ruiux, tay phvnx yaq thuinz vmungx kuex htawc kuq shaungx.

EJEKIEL 3:7

Yuq muinz Israel miqsaz vshiz raung rueq muinz mkvjaz kuex tay shuex rvmuq; tsuingshiq rueq ngvy kvjaz doc muinz tay wuez muq. Tsuingshiq lotlaz khux tvtsanz wuez vtueq tvlvlc wuez yaq.

DANIEL 5:20

Yuq muinz piq kuex ngamc vngax, khux tvtsanc vtueq nauc laq guirguenc ningkhvnc nuex piq hokhvmx daungraungc wawc tvdvy gay ruiux piq muex tvtsanc nganc muinz vguez shex.

Hosea 13:12

“Israel vyaq mvrax kuex tvtsuingc tvy rvtueq, tvtsuingc vruez taq kuex vhvlx waq httuiyq httvmx taq tueq.

AMO LUIK DVP (AMOS) 3:10

Yehowa rueq, “Vruex miq htenc kuex tsuingshiq httax juing htenc kuex nyvlc ruiux yauk laungc yalawx phvnx dvyx mvrc yaq. Tsuingshiq kuex mkhoc tsuingruik httaz juing wueq tuiuz wuez muq.

Romans 1:18

Tsuingrux lvmx kuex miq rueq tuiuz muq tvkoc tuingshaung jix, honc vbac phvnx tvshuimc yaq tvrac phvnx muq tsuingshiq mvrax nuiyc honc vbac htenc htauk nuex raungwawc Tishox thuinkhvy httuiuc yaq lvmx kvkhic tueq.

Romans 11:25

Phunox bix lex, nuimshiq kuex miqmac rueq tuiuz thenc vshix ngoz tueq tvmaung wvnc muit tvkoc Tishox rueq thuiuz sungx hvlc vhttuiyq vruez tsuingrux lvmx vshiz nuimshiq muex tvtuiuz kuy roc vphaungx. Kvruex Israel miqsaz htenc mkaq muinz thuinz tsanz vtueq dvyx httax tuex rvmuq, yuq muinz kvruex kuex palc daungc wvnc rvhumc vtueq Tishox kox nuex httuiuc waung tuex Pungnuk miqsaz muingc wvlc hungx wvnc tuex nuex httuiuc laz dvyx rvtueq.

Romans 9:22

Tishox rueq muinz kvkhoc shuimx yaq. Vpiq rueq thuinkhvy tvkhic tvkoc nuiyc vpiq luimc vkawc kuex tvkhic kuy tvkoc thuinz httax yaq. Yuq muinz vpiq thuinkhvy ningkhvnc nuex bac wvnc rvhumc aungx yaq htenc kuex thuinz tvluz vtueq nanx kuq yaq.

2 Corinthians 5:10

Yvmx khoc lac ngoz ruiux lec naungshiq lotlaz kuex phoc rvhumc tvkoc Christu hoc daungraungc khaungkac nuex httuiuc juing ningkhvnc nuex rvtueq. Kvkaq naungshiq vshiz maq vshiz kuex gvnngvmx yuimx nuex httax tix baunglaung vshuimx kaz wvnc vhvlx vbac lotlaz tvkoc lvp aungx yaq yauk mauk kuex lvp wvnc wuez shix.

TRI CHONGKE 2:30

“Yuq muinz Hokhvmx Sihon rueq naungshiq muex piq mungtan maq yanc wvnc tvkoc kuq muq. Yehowa nuimshiq Tishox rueq kvruex waz khux poz kuex tvtsanc kuy ningkhvnc nuex naungshiq rueq piq kuex khvt taungx gay ruiux piq mungtan kuex nyvlc lvp wvnc vtueq majuiuc raungnuiyq nuex httuiuc laz httax ngaungc vtix.

TRI CHONGKE 32:34

“Tsuingshiq muex ralx yaungc jix hez rueq mkhoc lac shuimx wvnc tvnx htenc kuex Yehowa rueq rvwvl yaq; tsuingshiq muex murx tvgurc tvkoc vpiq rueq vkhing vhvlx bvmc yaq.

2 Thessalonians 1:5

Tishox rueq khac phox yaq kvruex kuex tvrac vlvmz httax yaq lvmx kvkhic yaq, kvkhoc rvtueq nuimshiq kuex vpiq Mungtan nuex hunghtaungx yaq hez muex yaungx wuez tuinx, kvruex laung nuex juex nuimshiq vkuilc vdaz rvhumc wuez vtuinx.

Hebrews 3:13

Nuimshiq phungc wawc washiz muinz mvrax rueq laulawc rvhumc vtueq khux tsanz jix miq muex nauk yaungx kaz, Rumvrc luik nuex jungx shec tueq, “Majuiuc raungnuiyq,” ngoz tueq naungshiq laung nuex jungx yaq wawwawx wvraungx nuiyq tek vdvmz dvmz rvromc rvshix wuez kuinz.

Hebrews 3:15

Rumvrc luik nuex, “Majuiuc raungnuiyq nuimshiq rueq Tishox tvruingc tay ruiux yuq, Tishox muex nuimshiq jix vwaz tamx rueq khawx lvlx wvnc tueq nuex ikhoc, khux nauk tvtsanz wuez kaz,” ngoz tueq jungx tueq.

Hebrews 4:7

Kvkhoc lvp wvnc tueq lvmz kuex, “Majuiuc raungnuiyq” ngoz yaq raungnuiyq vganc vshiz Tishox rueq htvp htaz shec tueq ngoz yaq lvmz vshiz maq hakhix tvkhic yaq. Vpiq kuex Rumvrc luik nuex jungx shec tueq rulc rv-ngvlc raungwawc paunghvlc htvmx wvnc yix Dawid maq raz tueq, “Nuimshiq rueq majuiuc raungnuiyq Tishox tvruingc tay ruiux yuq, nuimshiq khux nauk tvtsanc kaq,” ngoz tueq jungx tueq.

James 5:3

Nuimshiq kuimshawx nuiyc kuimphox htenc nuex phez kop wvnc vtuex, kvruex phez kvraq nuimshiq yaq rax wvnc tuit kox nuex hakhix yaungx kuq ruiux, nuimshiq gvnngvmx kuex wvr rueq ikhoc phauk gay shuex. Nuimshiq rueq vtvsuip raungnuiyq htenc nuex jix tsak vnyvmx hup vsvmx yoalc taq vshuinx ix.

JOSHUA 11:20

Israel miqsaz muex khvt khvmc laz juing Yehowa rueq tsuingshiq muex tvhtvp htaz tueq. Kvkaq tsuingshiq kuex tvmaq jup tvbac gay tvkoc htvp htaz rvhumc vtueq, menjenc kuy thuinz vguez maq tsuingshiq lotlaz thvy gay rvhumc tueq. Vruex kuex Yehowa rueq Moshe muex nvr tueq rulc rv-ngvlc yaungx tueq.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

2 Peter 3:7

Yuq muinz Tishox rueq majuiuc httax yaq raungx nuiyc ghaq vruex kuex wvr maq tvbac juiuz gay nuex httuiuc laz kvruex vnvrc bomc kuex httax hvt dvyx httax yaq. Tsuingshiq kuex tvrac tvtsanc muq miqsaz htenc rulc vdvmz phox vtueq tvbac gay raungnuiyq nuex httuiuc laz taq hvt dvyx taq yaq.

Jude 1:6

Miqmac rueq vlvp taq vrangx vpangx nuex thuinz suing muq rvtueq, miqmac ghaq vraungx gay shec kay wvnc jix raungkamx bix lvmx kvmuinz rvwvl wuez shuinz. Tishox vpiq rueq phox kuq shuex Raungnuiyq vyungx nuex tsuingshiq muex phox kuq ruiux murx tvgurc tvkoc raungnyauk mungx nuex pattup yanx ruiuz maq khvrc taq gay tueq.

Revelation 2:21

Ngaz rueq piq kuex mvrax htenc wawc thuinz layc lvp wvnc muex vkhing kuq tauk, yuq muinz piq htokpawx yaq lvmx wawc thuinz kvlayc muq rvkaz.

Revelation 6:17

Tsuingnueyc thuinkhvy kvdaungc juing raungnuiyq httuiuc wvnc yaq shex, kvruex thuinkhvy dung yaq kvyuq ukhaq lac jvp khvmc lot tvnx?” ngoz tueq ngoz wuez yaq.

1 SAMUEL 6:6

Ejip hokhvmx waz nuiyc Ejip miqsaz htenc ikhoc nuimshiq rueq yvmx ngoz tueq lac khux tvtsanz wuez laq shuinx? Ejip mungx wawc Israel miqsaz htenc kuex tsuingshiq rueq tvkaz gay tueq nuex httuiuc laz Tishox rueq tsuingshiq muex yvmx khoc lac murx tvgurc wvnc tvnx kuex nuimshiq rueq nauk lauk wuez kaz.