Romans 11:1 - Hawa Naga Bible 2001

¹ Kvkhoc rvtueq ngaz rueq wiz nyix, Tishox rueq vpiq miqsaz htenc kuex tvdux gay tueq shuex haz? Ekvkhoc kuex rvmuq! Ngaz muinz Israel miqsaz, Abraham suiuz vsaz Benjamin waruiuz wawc rvtauk.

ASII LAKDAP Bible (BSI)

¹ Riita, ümchaü min, ngi raq bomtsi ka akha wai pha shaq. Riita, ija, Shiikeawe raq asengi Israilnok ka, tiishaü baiq tlii she dea sha tiishaü baiq ta? Tiishaübaiq tlii langlang kla tiishaü baiq mak dea! Kriika, ümkhiiriita jiimin tiishaü baiq mak. Ara akha jamkhano chongtiikai ngukla, ngi ahata Israilnok phan. Abraham saüse lai. I weraü mang ka Benjamin weraü.

Muklom

¹ Nga pit phang, Shkewa umiq tang sha shing chak eq ta i? Baluk o tho ang moq! Nga tho Israel miq, Abraham phi aa lí etho Benjamin phan wang.

Romans 11:1 Referencias Cruzadas

2 HOKHVMX 23:27

Yehowa rueq, “Israel kuex ngaz rueq rvgay tauk ikhoc Yuda miqsaz htenc muinz ngvy khaungkac wawc yurc gay shaungx, ngaz rueq vthvl taq Yerusalem ghaqyungx vmuinz, ngaz muex mnawk palx phueq ngoz tueq ngaz rueq vjungx Shomc Yuimx baung vmuinz ngaz rueq tvdux gay shec shaungx,” ngoz tueq jungx tueq.

Tvtsvmc 77:7

“Taungjix rueq naungshiq kuex mkaq muinz tvdux gay phuex shex haz? Vpiq rueq naungshiq kuex mkaq muinz raungc raq muq shex haz?

Tvtsvmc 94:14

Yehowa rueq vpiq miqsaz htenc kuex tuip gay shuex rvmuq; vpiq nuex seng yaq miq htenc kuex gay shuex rvmuq.

Hosea 9:17

Tsuingshiq rueq vpiq kvjaz tay muq ningkhvnc nuex, ngaz rueq nawk vshaungx Tishox rueq vpiq miqsaz htenc kuex tvdux gay shuex. Tsuingshiq kuex miqphvnx htenc htumc nuex kvroz khuemc jix hez muex yaungx tuex.

Luke 20:16

“Piq kaz vtueq sunc shuimc jix htenc kuex thvt gay ruiux, svpiq sunc kuex miq vbez muex tvshap kuq gay shuex,” ngoz tueq. Kvruex kvjaz tay jix miq htenc rueq, “Kvkhoc kuex yaungx muq mrvkueq!” ngoz tueq.

Acts 22:3

Polu rueq jungx tueq kuex: “Ngaz kuex Kilikia mungx Tarsu ghaq maq vjawx Yuda miqsaz rvtauk. Yuq muinz Yerusalem wawc Gamaliel jongx saz washiz yaungx vtueq peluz wvnc tauk, naungshiq jix vwaz tamx Tvrac tsanc hvlc kuex tvsuip tv-phaungc tvluing wvnc vtueq, majuiuc raungnuiyq vyuq httax yaq nuimshiq ikhoc Tishox yauk shuimc nuex thuinz tvyungc wvnc tauk.

Acts 26:4

“Ngaz kuex nosaz rullungx maq phaungc vtueq kungkhux kuex miqmac ghaq nuex muinz, kvruex yimaq Yerusalem ghaq nuex muinz, ngaz rueq yvmx khoc lac shuimx kaz httax ngaungc wvnc tauk nguinx lvmz kuex Yuda miqsaz htenc rueq tuiuz yaq.

Romans 11:11

Ngaz rueq wiz yek ix, Yuda miqsaz htenc tsuingshiq kuex kvhtuip rul bac wvnc tueq shex haz? Kvkhoc kuex rvmuq! Yvmx khoc lac ngoz ruiux lec tsuingshiq mvrax httaz ningkhvnc nuex Pungnuk miqsaz htenc kuex palc daungc wvnc rvhumc tueq, kvruex kuex Yuda miqsaz htenc khelric bac thuinz httax wvnc tvkoc rvtueq.

Romans 3:4

Kvkhoc kuex rvmuq! Miqsaz lotlaz vrot vkaq muex yaungx ruiux muinz Tishox kuex tsuingrux hvlc waz rvtueq. Rumvrc luik nuex, “Mnoz rueq jungphvnx ruiux yuq mnoz kuex vlvmx waz rvtoq lvmz kvkhic wvnc tuex; khac phoc rvhumc ruiux muinz mnoz rueq dvyx taungx shuiux,” ngoz tueq wuiyq shec tueq.

2 Corinthians 11:22

Tsuingshiq kuex Hebre miqsaz haz? Ngaz muinz rvtauk. Tsuingshiq kuex Israel miqsaz haz? Ngaz muinz rvtauk. Tsuingshiq kuex Abraham suiuz vsaz haz? Ngaz muinz rvtauk.

Philippians 3:5

Ngaz kuex rullungx raungx tvjvp shauk nuex dvyx vhttoar gvnc vhtungx lvmz tauk. Israel phvnx Benjamin waruiuz wawc, Hebre miqsaz tvguiy shauk rvtauk. Yuda Tvrac phvnx vtueq lawc ix ngoz ruiux kuex ngaz Pharise rvtauk,

1 SAMUEL 12:22

Yehowa rueq kenrix bomkhvmc taq tueq rulc rv-ngvlc nuimshiq kuex vpiq miqsaz shauk muex tvyaungc muex vpiq rueq htvp htaz wvnc tueq ningkhvnc nuex vpiq rueq nuimshiq kuex httvr muq.