Revelation 2:7 - Hawa Naga Bible 2001

⁷ “Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix waz muex Tishox sunc nuex httax yaq rullungx pulx jungx vthuey kuex svy lvp vkhangx ngaz rueq kuq shaungx.

ASII LAKDAP Bible (BSI)

⁷ “Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.

Muklom

⁷ “Tsija aa mondoli tang ma chamta bat aa, utang ma naq atha piq aa utat cham eq aa! “Utang eq ujin eq aa, nga piq ma Shkewa pal wang rollung bangti phak ma kot náng.”

Revelation 2:7 Referencias Cruzadas

RAPHA HIQWA LAK 2:9

Vpiq rueq sunc kvyuq vsvp waq vjungx phvnx ruip saz kuex tvkemz vtueq, phuiuz vsvy muex vhvlx phvnx vthuey phvnx ruip saz kuex tvkemz tueq. Sunc vmungx baung nuex thuiuzthuic tvraungx kuq yaq jungx httax yaq, vhvlx nuiyc vbac kuex tv-phvlc tuiuz thenc juing jungx muinz httax yaq.

TAKSU LAK 11:30

Tsuingrux lvmx rueq rullungx thuiuzthuic kuex kuq yaq, yuq muinz yauk laungc yalawx yauk shuimc rueq kvruex lvmz gay yaq.

TAKSU LAK 13:12

Thuinz tvluimc juing lvmx htumx kaz ruiux yuq, thuinz vmungx htumx yaq, yuq muinz thuinz tvluimc shuex rulc rv-ngvlc yaungx wvnc ruiux yuq mnoz muex vkoz vkez thuinz tvmvrc kuq yaq.

TAKSU LAK 15:4

Menjenc kvjaz kuex rullungx rvtueq, yuq muinz bomc laungtsaung kvjaz rueq siyac kuex tvyomx gay yaq.

TAKSU LAK 3:18

Tharc vhttax jix htenc kuex thuinhvlx yaq; taksux tharc rueq tsuingshiq muex rullungx kuex kuq shuex.

EJEKIEL 28:13

Mnoz kuex Tishox sunc ngoz yaq Eden nuex httax vtuiux, lungsex phvnx ruip ngoz yaq: lungshawx htenc, diamonda lungsex htenc; topaza, berila, karnelian nuiyc jasper; sapphire, emeralda nuiyc garnet lungsex htenc rvtueq. Piq rueq kuimshawx maq tvmarc rarc taq shec tueq. Mnoz rueq kuimshawx tvmarc juing lvp toq, kvruex htenc kuex mnoz tvdung sung tueq raungnuiyq nuex dvyx mtvkoc tvhungx taq tueq.

EJEKIEL 31:8

Tishox sunc nuex kemz yaq ruippulx doc muinz kvruex rulc rv-ngvlc lot muq. Namenc pulx nuex kvkhoc vnoz vkanx kuex mkaq muinz httax muq, Kvkhoc noz vkanx htenc tv-ngvlc juing pulx kuex kemz muq. Tishox sunc nuex kemz yaq pulx doc muinz kvkhoc svp rvp tuex rvmuq.

Matthew 11:15

Nac vhttax waz rueq mtay wvnc shueq!

Matthew 13:43

Kvkaq Tishox miqsaz htenc kuex tsuingshiq Waz Mungtan nuex shalx ikhoc phelez httax tuex. Nac vhttax waz rueq mtay wvnc shueq!

Matthew 13:9

Kvmaq Yesu rueq, “Nac vhttax waz rueq mtay wvnc shueq!” ngoz tueq tvsuip jungx tueq.

Mark 4:9

Kvmaq Yesu rueq, “Tay shuinz, nac vhttax waz rueq mtay wvnc shueq,” ngoz tueq tvsuip tueq.

Mark 7:15

Miqsaz kantsec kox maq piq vmungx kox nuex nyuip wvnc vtueq miq kuex sawc muq muex tvyaungc lot muq, vmungx kox maq dung yaq kvraq dvyx miq kuex sawc muq tvyaungc yaq,” ngoz tueq.

Mark 7:16

Nac vhttax waz rueq mtay wvnc shueq.

Luke 23:43

Kvkaq Yesu rueq, “Ngaz rueq mnoz muex vsuing jungx kuq ix, majuiuc raungnuiyq dvyx mnoz kuex ngaz rulc vdvmz nuex Paradisu nuex httax tuiux, ngaz rueq bomkhvmc kuq vphaungx,” ngoz kuq tueq.

Luke 8:8

Wvyvmc kuex ghaq hvlx phux nuex dvy ningkhvnc nuex kemz wvnc vtueq mvnz shashiz thuey ngoz wvnc tueq,” ngoz tueq jungx tueq. Yesu rueq, “Vtay lvy juing nac vhttax waz rueq mtay wvnc shueq!” ngoz tueq ramc jungx tueq.

John 16:33

Nuimhez kuex ngaz rulc vshiz dvyx yaungc ningkhvnc nuex nomic lvp wvnc shuinx, yuq muinz nuimhez kuex mungkawx nuex htemrvmz kuilc daz rvhumc tuinx. Yuq muinz thuinz nauk tvruinc kaz! Ngaz rueq mungkawx kuex taungx gay tauk shex!” ngoz tueq.

1 Corinthians 2:10

Yuq muinz Tishox vpiq rueq vhttuiyq vpuiuc vruez kuex Siyac maq naungshiq muex tvkhic kuq yaq. Siyac rueq httax yaq lotlaz dvyx muinz rvmuq, Tishox rueq vhttuiyq vruez thuiuz sungx hvlc kvmungx thuinz htenc muinz thuiyx lot yaq.

1 John 2:13

Iwaz tamx lex, vphaungc vyaungc maq phuex vhttax waz kuex nuimshiq rueq tuiuz yaq khuec nuex ngaz rueq nuimshiq kox nuex luik wuiyq tvwvnc vphaungx. Yalxrox bix lex, Htaungc waz kuex nuimshiq rueq taungx gay tuit khuec nuex ngaz rueq luik wuiyq tvwvnc vphaungx.

Revelation 13:9

Nac vhttax waz rueq mtay wvnc shueq!

Revelation 14:13

Kvruex yimaq raungmungx maq, “Wuiyq taq shuiuz: majuiuc vmaq Taungjix yauk shuimx vtueq thueyc wvnc jix htenc kuex thuinhvlx yaq!” ngoz tueq thuic tvruingc vshiz ngaz rueq tay tauk. Siyac rueq muinz, “Rvtueq doc ngoz tueq! Tsuingshiq kuex kuilc daz hunnyex vtueq shuimx kaz yaq wawc nyec tvkuiyq vkhangx lvp wvnc wuez shuex, yvmx khoc lac ngoz ruiux lec tsuingshiq rueq shuimx wvnc tueq vjux kuex tsuingshiq rulc vdvmz phvnx naungx yaq ningkhvnc nuex rvtueq,” ngoz tueq jungx kuq tueq.

Revelation 15:2

Kvruex yimaq wvr maq vtvshot jamnac jumx ikhoc phvnshiz kuex ngaz rueq khiz tauk. Svl vwvl kuiux nuiyc piq yac yuimx muinz, lombot muingc kuex guimz jix waz muinz, taungx gay jix hez muinz ngaz rueq khiz tauk. Tsuinghez kuex Tishox rueq vkuq torox htenc shuimx vtueq jamnac jumx ikhoc hep nuex jvp wuez yaq.

Revelation 2:11

“Siyac rueq phungc htenc nuex yvmx khoc lac jungx wvnc tvnx kuex, nac vhttax waz rueq mtay wvnc shueq! “Vtaungx wvnc jix waz kuex lauknueyc thueyc juing wawc luenx wvnc tuex.

Revelation 2:17

“Siyac rueq phungc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix muex vhttuiyq vruez shec manna wanx wvyvmc kuex ngaz rueq kuq shaungx. Tsuingshiq miq tek vtueq lungluiz kuex ngaz rueq kuq shaungx, kvruex lungpoz nuex wuiyq shec tueq muingc vnyalx kuex lungpoz lvp wvnc jix waz maq lvy vtueq vganc uraq muinz tuiuz muq.

Revelation 21:7

Taungx wvnc lvp jix waz rueq vruex bomkhvmc rulc rv-ngvlc lvp wvnc vtueq, ngaz kuex piq Tishox muex yaungx taungx, nuiyc piq kuex Isaz muex yaungx tuex.

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.

Revelation 22:17

Siyac nuiyc Nyuiuz nyalx nyuiuz rueq muinz, “Kaz loq!” ngoz phuex. Kvkhoc jungx yaq kuex tay jix htenc rueq muinz, “Kaz loq!” ngoz tueq ngoz wuez yaq. Khvmsvy jix waz ukhaq yuq muinz mkaz rueq; rullungx yuix roc jix waz uraq muinz vhtawz vrawz kuy guez maq yauk noalc ikhoc mlvmz shueq.

Revelation 22:2

Kvruex yuix ruilx ral kox nueyc nuex vthuey phvnx rokshiz rac phvnnueyc thuey yaq rullungx tvraungx juing pulx kemz yaq, yapix lexshiz nuex laukshiz, wawc shiz nuex lauk rokshiz rac lauknueyc thuey yaq. Kvruex pulx yauk htenc kuex miqphvnx ruip rawx thuiuz vsac htenc tvhvlc kuy juing rvtueq.