Revelation 2:5 - Hawa Naga Bible 2001

⁵ Kvkhoc rvtueq mnoz mtanc khvnc lac dvy wvnc vtuiux kuex rvwvl shuiuz! Mmvrax htenc kvwawc kvwek wvnc yek vtueq vphaungc nuex shuimx toq kvkhoc shuimx yek shuiuz. Kvkhoc mmvrax htenc wawc kvwek wvnc muq ngoz ruiux kuex, ngaz mnoz kox nuex httuiuc kaz vtueq m-wvrkok kuex kvruex baung kvwawc ngaz rueq tvhttot lvmz gay shaungx.

ASII LAKDAP Bible (BSI)

⁵ Tiima rong laq. Namshiq ka ümtinkhan tsaü diikiq niishe wa dea wan lan! Arkha maq, ümchaü min, namshiq ngarai lam wa ngi phana jang wan tlo ronglaq. Lanta, man na aphaji na ngi ka jamkho lungwii lan, ikha hali lungwii lanta sironglaq. Namshiq ngarai lam phan wa jang wan man la jiila, ngi kilata namshiq lem ka ato chang ba wa ado mirki ha.

Muklom

⁵ Eshirangma nang bari wang qhat tu shi tasik eq u! Tin kaley u etho phang wang shimal jaksom somlo u; etho nang aa tin kaley mu ang ujo, nga ba relnáng ka eq ba nalpang shingching sha ushingching wang thit chak náng.

Revelation 2:5 Referencias Cruzadas

ISAIA 1:26

Ngaz rueq nuimshiq kuex mvnnuex nuimshiq nuex httax wvnc tueq ikhoc guimz lawc jix bix nuiyc tharc rvjungc walaungx bix kuex kuq phaungx. Kvruex yimaq Yerusalem kuex tsuingrux, tvmtuing vhttax ghaqyungx ngoz tueq ngoz shuex.”

ISAIA 14:12

Raungnvp ruiywuic poz, Babelon hokhvmx waz lex, mnoz kuex raungx maq dvy wvnc vtuiux nyix! Kungkhux nuex mnoz rueq miqphvnx ruip rawx khvt taungx wvnc toq, yuq muinz majuiuc kuex ghaq nuex tuip gay shex rvhumc toq.

EJEKIEL 20:43

Kvruex yimaq nuimshiq rueq shuimx wvnc tuit miqyvlc vsac phvnx lotlaz nuiyc nuimshiq shauk vgvnz htenc mkhoc lac tvshuy shac wvnc tuit kuex nuimshiq rueq rvwvl wvnc yek shuinx. Nuimshiq rueq shuimx wvnc tuit layx bac phvnx lotlaz kvraq nuimshiq shauk gvnz kuex tvshuy shac gay shuinx.

EJEKIEL 36:31

Nuimshiq kuex nuimshiq layx bac honc vyaungc nuiyc nuimshiq yaq wvnc tuit htenc kuex rvwvl vtueq, nuimshiq mvrax htenc nuiyc nuimshiq vshuy vshac yauk shuimc htenc ningkhvnc nuex, nuimshiq miqmac pumz kvdoc muinz vsuirc sac rvshuinx.

Hosea 14:1

Israel miqsaz lex, Yehowa nuimshiq Tishox kox nuex yek waung kuinz. Nuimshiq kuex nuimshiq mvrax rueq tvhtuip tvrul wvnc kv-phuinx.

Hosea 9:10

Yehowa rueq, “Israel kuex vphaungc ngaz rueq humc tauk nuex, kumtsvy tvnx nuex kemz yaq svpiq thuey humc tauk ikhoc rvtueq. Nuimshiq jix vwaz tamx kuex vphaungc shauk ngaz rueq humc tauk nuex, vphaungc thuey vtueq kungkhux muinx yaq phuiuq muiuq thuey htenc khiz tauk ikhoc rvtueq. Yuq muinz tsuingshiq Peor Kanx nuex kaz wvnc tueq kvkaq Bala kuex nawk palx phaungc wvnc vtueq, mtanc httax muq nuex tsuingshiq rueq lungwawc yaq tishox htenc ikhoc miqsuirc vsac yaungx wvnc tueq.

MALAKI 3:4

Kvruex yimaq Yuda miqsaz nuiyc Yerusalem ghaq wuinz htenc rueq Yehowa kox nuex lvmz laq yaq shomc kuy juing htenc kuex lvy wvnc tueq jauz wawc ikhoc vpiq rueq raungc raq juing muex yaungx tuex.

MALAKI 4:6

Piq rueq vwaz tamx nuiyc vsaz hez kuex vdvmz nuex tvtuimx yek shuex; kvkhoc rvmuq ngoz ruiux ngaz httuiuc kaz vtueq nuimshiq mungtan kuex tvbac gay shaungx,” ngoz tueq jungx tueq.

Matthew 5:14

“Nuimshiq kuex mungkawx lotlaz tvkoc raungwuic rvtuit. Kuz yungx luimx nuex vtec taq ghaqyungx kuex tuing lot shuex muq.

Matthew 5:15

Kvmaq wvrkok tvluic vtueq tvmtuiuc maq puingc tvy jix kuex ukhaq muinz vguez, wvrkok tochuing nuex tux vtueq yuimx nuex httaz yaq miq lotlaz tvkoc tvlez kuq yaq.

Mark 12:9

“Kvkaq sunc taungjix waz rueq yvmx khoc lac ruez gay shvnx? Piq kaz vtueq sunc shap shuimc jix hez kuex thvt gay ruiux, sunc kuex vganc jix muex tvshap kuq gay shuex.

Luke 1:17

Piq kuex Taungjix max nuex kay jix waz ningkhvnc nuex shvmmax Elia ikhoc hungc vlaungc httax vtueq yungx luz yaq. Piq rueq vwaz tamx nuiyc vsaz tamx kuex vdvmz nuex tvrungx raz kuq shuex, kvjaz tay phvnx muq jix kuex tsuingrux jix lvmx nuex shvlx tvyez wvnc shuex, Taungjix tvkoc tvyoalc yoalx yaungc muex vpiq miqsaz htenc kuex tvyoalc laz shuex,” ngoz tueq Zecharia muex jungx tueq.

Luke 20:16

“Piq kaz vtueq sunc shuimc jix htenc kuex thvt gay ruiux, svpiq sunc kuex miq vbez muex tvshap kuq gay shuex,” ngoz tueq. Kvruex kvjaz tay jix miq htenc rueq, “Kvkhoc kuex yaungx muq mrvkueq!” ngoz tueq.

Galatians 5:4

Tishox rueq tvtsuing tvrux kuy lvmx kuex Tvrac phvnx vtueq thuiyx ruiux yuq, nuimshiq kuex Christu rulc rv-phvlc wvnc ruiux Tishox kejux wawc dung wvnc wuez vtuinx.

Philippians 2:15

Kvkhoc ngoz ruiux jix nuimshiq kuex mvrax lvp jix htenc httaz juing vruex mungkawx vyuq mvrax kop muq thuinz vsawc Tishox sahez shauk htenc ikhoc yaungx wvnc tuit. Kvkhoc nuimshiq rueq rullungx tvraungx kuq yaq bomjungc kuex jungphvnx kuq vtueq, raungx lotlaz nuex tvwuic kuq yaq ruiysuiyq htenc ikhoc nuimshiq hvlwvl nuex phelez wvnc tuex,

Hebrews 10:32

Lvy wvnc tueq raungnuiyq htenc nuex nuimshiq kuex yvmx khoc jix hez lac rvtuinx kuex rvwvl wuez yek shuinz. Kvtanc jauz nuimshiq rueq Tishox raungwuic kuex lvp wvnc tuit yix maq vkuilc vdaz paunghvlc rvhumc wvnc tuit, yuq muinz nuimshiq hunglaungx wuez tuit ningkhvnc nuex kvruex raq nuimshiq kuex taungx lot muq.

2 Peter 3:17

Yuq muinz kungjix bix lex, nuimshiq rueq vruex lvmx htenc kuex vtuiuz wuez shex rvtuit. Kvkhoc rvtueq nuimshiq kuex tvrac vguez jix htenc yaq tueq lvmx kvyuq phvnx wvnc muit tvkoc nuiyc miqmac phaungx duingduing hvlc jvp vtuinx kvwawc kvhttot kvyenc wvnc muit tvkoc honc lvmz wuez shuinz.

Jude 1:24

Nuimshiq kuex kvrunx kvhttak wvnc muit laz juing tvkhup wungx kuq ruiux, vpiq ngauz vngax khaungkac nuex vyaq mvrax kop muq maq kokez juing kuq lot yaq,

Revelation 1:20

Ngvy yauk yaukkeq kox nuex mnoz rueq khiz vshuiux ruiysuiyq poz mvshix nuiyc kuimshawx wvrkok mvshix vhttuiyq vpuiuc vruex shec vlvmx kuex vkhoc rvtueq: ruiysuiyq mvshix kuex phungc mvshix bvmc jix raungkamx waz mvshix ngoc rvtueq, wvrkok mvshix kuex phungc mvshix ngoc rvtueq.

Revelation 16:9

Miq htenc kuex kalc hvlc kawc yaq kvraq khamc gay rvhumc vtueq, thuimkux guimz lawc jix waz Tishox muingc kuex httonx tvmx ngoz ngax wuez yaq. Yuq muinz tsuingshiq kuex thuinz kvlayc wuez muq, vpiq yungx luz yaq kvruex muinz tvtsvmc muq.

Revelation 2:16

Kvkhoc rvtueq majuiuc dvyx nuimshiq mvrax htenc kvwawc kvwek waung wuez luit! Kvkhoc rvmuq ngoz ruiux ngaz lvwvnz maq mnoz kox nuex kaz vtueq, ngvy nuix maq dung yaq samx wvguip httehvlc yaung maq miq htenc kuex khvt gay shaungx.

Revelation 2:19

Mnoz rueq yvmx lac shuimx vshuiux ngaz rueq tuiuz yaq. Mlungwawc thuinz nuiyc tvmtuing httax vtuiux lvmz kvmuinz, yauk shuimc kay waungc nuiyc thuinz vyungx vluz maq nanx vshuiux lvmz kvmuinz ngaz rueq tuiuz yaq. Kvdvyx rvmuq, vtvsuip kox nuex mnoz rueq shuimx wvnc toq yauk shuimc htenc kuex, vphaungc kox wawc htauk nuex muinz pinhtumc vhvlx kvmuinz ngaz rueq tuiuz yaq.

Revelation 2:2

Mnoz rueq shuimx vshuiux yauk shuimc kuex ngaz rueq tuiuz yaq; mnoz rueq mtanc khvnc gvrc tsvrc maq shuimx kaz toq lvmz, mnoz rueq mtanc lac nanx vshuiux htenc kuex ngaz rueq tuiuz yaq. Mnoz rueq honc vbac miqsaz htenc muex nanx kuq lot muq lvmx muinz, kamx waz rvmuq rvhvt maq kamx waz ngoz tueq kv-ngoc yaq jix htenc kuex mnoz rueq wisoz koq tueq vrot vkaq hez rvtueq kuex tuiuz vshuiux ngaz rueq tuiuz yaq.

Revelation 3:19

Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.