Revelation 2:18 - Hawa Naga Bible 2001

¹⁸ “Thiatira phungc wawc kamx waz muex vkhoc wuiyq shuiuz: “Vruex kuex wvrluic tuz ikhoc luic yaq muik nuiyc tvsvp httut vruez nvyrvyx phez ikhoc vyaz httax yaq Tishox Saz kox wawc bomjungc rvtueq.

ASII LAKDAP Bible (BSI)

¹⁸ “Thajatira na phungtu sitlaq kra liiti rase ma ara waiq laq: “Ara tsütsa arka Shiikeawe Se, amak chhai walü wa ikha litlaq, kiimaq ahokphi ka nairai ngam apan rea jai chhai rai tlaq ikhiiwe raq atiiwan.

Muklom

¹⁸ “Thyatira mondoli rangkamwa ma iri wit u. “Iri raaq raa Shkewa miqwasa ching kowang bari miik raa wal mal etho ujaa alip chíng mal.

Revelation 2:18 Referencias Cruzadas

Tvtsvmc 2:7

Hokhvmx waz rueq, “Yehowa rueq jungx yaq kvjaz kuex ngaz rueq tvtay jungx shaungx, vpiq rueq ngaz muex, ‘Mnoz kuex Isaz rvtoq; majuiuc raungnuiyq dvyx ngaz kuex m-waz muex yaungx vtaungx.

DANIEL 10:6

Piq shauk pumz kuex lungsex ikhoc phelez yaq. Piq htvlx muinz raunglep yaq ikhoc lep vtueq vmuik kuex wvr ikhoc luic yaq. Piq yauk phumz nuiyc vyaz htenc kuex phelep yaq nvyrvyx ikhoc phez ruiux piq thuirc kuex miq vkung vdaungx guyc tvruingc ikhoc rvtueq.

Matthew 17:5

Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.

Matthew 27:54

Kvkaq nolaungx yungx washiz nuiyc piq rulc vdvmz Yesu bvmc jix nolaungx bix kuex gaqyung mux wvnc tueq nuiyc vganc phvnx yaungx wvnc tueq htenc kuex khiz vtueq, tsuinghez hiyaz kawc yawc wuez tueq, “Vsuing vruex waz kuex Tishox Saz doc rvtueq!” ngoz tueq.

Matthew 3:17

Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Luke 1:35

Raungkamx waz rueq tvralc tueq, “Vsawc Siyac kuex mhtauk nuex httuiuc kaz vtueq Tishox luimc vkawc rueq mnoz kuex puingc wuingc kv-phux, kvkhoc rvtueq vsawc nox kuex Tishox Saz ngoz tueq gvlc rvhumc tuex.

John 1:14

Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.

John 1:49

Kvkaq Nathanael rueq, “Tvluingc waz lex, mnoz kuex Tishox Saz rvtoq! Mnoz kuex Israel phvnx Hokhvmx waz rvtoq!” ngoz tueq tvralc tueq.

John 10:36

Ngaz kuex Iwaz rueq thvl vtueq mungkawx vyuq tvkaz phuex. Kvkhoc rvtueq ngaz kuex Tishox Saz rvtauk ngoz tueq kvjungc phaungx tueq, ngaz rueq Tishox muex yomnamc kvjaz kvjak yaq ngoz tueq yvmx khoc lac nuimshiq rueq ngoz lot vshuinx?

John 3:16

Yvmx khoc lac ngoz ruiux lec Tishox rueq vpiq Saz muex kvmluimx jix htenc kuex batac momaq kay rvhumc muq maq pattup rullungx mlvp wvnc shueq ngoz tueq, vpiq Saz vshiz lauk lauk kuex kuy gay nuex httuiuc laz mungkawx kuex pinhtumc lungwawx tueq.

John 3:18

Vsaz muex kvmluimx jix waz kuex vphoc rvhumc muq, kvmluimx muq jix waz kuex Tishox Saz pumshiz waz muex kvmluimx muq ningkhvnc nuex majuiuc doc muinz vphoc rvhumc yaq.

John 5:25

Ngaz rueq nuimshiq muex jungx kuq ix, vthueyc kay wuez jix htenc rueq Tishox Saz thuic bomc kuex tay wvnc lvp vkhing httuiuc wvnc tuex, kvruex vkhing kuex majuiuc doc muinz httuiuc wvnc vtuex shex. Kvruex tay wvnc jix hez kuex rullungx tvraungx httax tuex.

Acts 16:14

Kvkaq Tishox muex hiyaz nawk palx tvtsvmc kvmc jix Thiatira ghaq wawc khvyshawx mvnz shaungc jix vmuingc Lidia ngoz yaq yalxjuik nyuiuz shiz lomx tueq, piq kuex Tishox muex nawk palx jix miq rvtueq, Polu rueq tvluing yaq kvjaz kuex vhvlx waq tay tvtsuingc tvkoc Taungjix rueq piq thuinz daz kuq tueq.

Acts 8:36

Tsuingnueyc lvmx khuemc lvmx maq yuix ruilx vshiz nuex httuiuc wvnc tueq. Kvkaq vyungx vlaungx waz rueq, “Vruex baung vyuq yuix vhttax, ngaz rueq yuix luip lvmz ruiux yuq vtuing shaung juing lvmx vhttax haz?” ngoz tueq.

Romans 1:4

Tishox kuiux waungc maq kuex Tishox Saz rvtueq lvmx tvkhic kuy tvkoc Tishox luimc vkawc yunghvlc maq vpiq kuex vthueyc wawc tvyuing tvtenc wvnc tueq.

Romans 8:32

Vsuing Tishox nuex kvkhoc kuex rvmuq, vpiq Saz doc muinz khvnnyvnx muq maq naungshiq lotlaz tvkoc shomc kuy jix Tishox rueq httax yaq lotlaz kuex naungshiq muex kuq muq maq dvyx httax tuex haz?

Revelation 1:11

Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Revelation 2:1

“Ephesu phungc wawc raungkamx waz kox nuex vkhoc wuiyq shuiuz: “Vruex kuex yaukkeq kox yauk nuex ruiysuiyq poz mvshix shuimx vtueq, kuimshawx wvrkok mvshix hvlwvl nuex khuemx shamx yaq waz kox wawc bomjungc rvtueq.

Revelation 2:24

“Yuq muinz Thiatira ghaq nuex kvjungx yaq phungc miqsaz hez wvyvmc kuex honc vbac tvluing yaq lvmx nuex phvnx muq kvdvyx muinz rvmuq, miq rueq jungphvnx yaq Satan mungyumx thuinz thuiuz sungx hvlc ngoz yaq kvmuinz tvluing phvnx wvnc muq rvtueq, ngaz rueq nuimshiq muex jungc roc kuex, nuimshiq nuex ngaz rueq vganc gurc liq tvrvp kuq phaungx rvmauk.