Revelation 2:16 - Hawa Naga Bible 2001

¹⁶ Kvkhoc rvtueq majuiuc dvyx nuimshiq mvrax htenc kvwawc kvwek waung wuez luit! Kvkhoc rvmuq ngoz ruiux ngaz lvwvnz maq mnoz kox nuex kaz vtueq, ngvy nuix maq dung yaq samx wvguip httehvlc yaung maq miq htenc kuex khvt gay shaungx.

ASII LAKDAP Bible (BSI)

¹⁶ Ümchaü min, namshiq ngarai lam wa jang wan tlo ronglaq! Jang wan man jiila, ngi ka namshiq phana jaqlo miili mikiha. Lata, jurwa i kiq khii tlaq kra, i nübok maq adong nepjasai maq milong kiha.

Muklom

¹⁶ Eshirangma tin kaley inn, etha ang moq ang jo, nga nim relnáng kalo thu eq, i nung wang jantong rey irimal miqtang jamoq thamol náng.

Revelation 2:16 Referencias Cruzadas

ISAIA 11:4

piq rueq htemc saz jix muex tvrac vlvmz maq phox kuq ruiux thuinz tvyomx jix muex tvkhup wungx kuq shuex. Piq rueq nvr yaq kvjaz kvmaq miq htenc rueq murx gurx shuex, layx bac jix miq kuex vthueyc rvhumc tuex.

ISAIA 49:2

Vpiq rueq ngvy nuix kuex yaung httez ikhoc tvyaungc phuex. Vpiq yauk maq ngaz kuex tvkhup wungx kuq phuex. Vpiq rueq ngaz kuex laqsvnz ikhoc tvhungx vtueq, httuiyq rek tvyoalc taq phuex.

Ephesians 6:17

Palc daungc wvnc juing ngoz yaq yanx khux phuk kvruex muinz, Siyac rueq vkuq Tishox bomjungc ngoz yaq yaung kvruex muinz shuimx wuez shuinz.

2 Thessalonians 2:8

Kvruex yimaq Layx Bac Waz kuex dung tuex, yuq muinz Taungjix Yesu httuiuc kaz ruiux yuq, layx bac waz kuex vpiq nuix wawc dung yaq thuiuzthuic maq thvt gay ruiux, vpiq phelez yaq ngauz vngax maq tvbac gay shuex.

Revelation 1:16

vyauk yaukkeq kox nuex ruiysuiyq poz mvshix shuimx taq tueq, Vnuix maq samx wvguip httehvlc yaung dung yaq. Vpiq htvlx kuex shalhtungx baung wawc shalx ikhoc kawc yaq.

Revelation 16:9

Miq htenc kuex kalc hvlc kawc yaq kvraq khamc gay rvhumc vtueq, thuimkux guimz lawc jix waz Tishox muingc kuex httonx tvmx ngoz ngax wuez yaq. Yuq muinz tsuingshiq kuex thuinz kvlayc wuez muq, vpiq yungx luz yaq kvruex muinz tvtsvmc muq.

Revelation 19:15

Miq phvnx ruip rawx kuex taungx yurc gay tvkoc vpiq nuix wawc httehvlc yaung dung tueq. Vpiq rueq tsuingshiq kuex yanpaq maq guimz shuex, Tvphaungc Tvsuip Tishox thuinkhvy ngoz yaq svpiq thuey surc juing boarx wawc svpiq tix htenc kuex nuiuz gay shuex.

Revelation 19:21

Tsuingshiq nolaungx bix htenc kuex mvre htauk nuex ngaungc jix waz nuix wawc dung yaq yaung maq thvy gay rvhumc tueq; wushawx htenc rueq tsuingshiq ngvmx kuex phoay laz phauk saq wuez tueq.

Revelation 2:12

“Pergamum phungc wawc kamx waz muex vkhoc wuiyq shuiuz: “Vruex kuex samx wvguip httehvlc yaung shuimc jix waz kox wawc bomjungc rvtueq.

Revelation 2:5

Kvkhoc rvtueq mnoz mtanc khvnc lac dvy wvnc vtuiux kuex rvwvl shuiuz! Mmvrax htenc kvwawc kvwek wvnc yek vtueq vphaungc nuex shuimx toq kvkhoc shuimx yek shuiuz. Kvkhoc mmvrax htenc wawc kvwek wvnc muq ngoz ruiux kuex, ngaz mnoz kox nuex httuiuc kaz vtueq m-wvrkok kuex kvruex baung kvwawc ngaz rueq tvhttot lvmz gay shaungx.

Revelation 22:20

Vruex lvmz htenc hakhix khvmc jix waz rueq, “Vsuing doc rvtueq! Ngaz yauk lox httuiuc kaz raungx!” ngoz tueq. Vkhoc m-yaungx wvnc kueq. Taungjix Yesu lex, httuiuc kaz loq!

Revelation 22:7

Yesu rueq, “Tay shuinz! Ngaz yauk lox httuiuc kaz raungx! Vruex luik dvp nuex httax yaq shvmmax kvjaz htenc tay phvnc jix waz kuex thuinhvlx yaq!” ngoz tueq jungx phuex.

Revelation 3:19

Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.