Revelation 2:12 - Hawa Naga Bible 2001

¹² “Pergamum phungc wawc kamx waz muex vkhoc wuiyq shuiuz: “Vruex kuex samx wvguip httehvlc yaung shuimc jix waz kox wawc bomjungc rvtueq.

ASII LAKDAP Bible (BSI)

¹² “Pargamum na phungtuti sitlaq kra liiti rase ma ara waiq laq: “Ara tsütsa arka jasai wanghap ri na aniq sihea rümti we raq atiiwan.

Muklom

¹² “Pergamum mondoli rangkamwa ma iri wit u. “Iri raaq raa bari jakna thani kot na athi jantong, piq ching kowang.

Revelation 2:12 Referencias Cruzadas

ISAIA 11:4

piq rueq htemc saz jix muex tvrac vlvmz maq phox kuq ruiux thuinz tvyomx jix muex tvkhup wungx kuq shuex. Piq rueq nvr yaq kvjaz kvmaq miq htenc rueq murx gurx shuex, layx bac jix miq kuex vthueyc rvhumc tuex.

ISAIA 49:2

Vpiq rueq ngvy nuix kuex yaung httez ikhoc tvyaungc phuex. Vpiq yauk maq ngaz kuex tvkhup wungx kuq phuex. Vpiq rueq ngaz kuex laqsvnz ikhoc tvhungx vtueq, httuiyq rek tvyoalc taq phuex.

Hebrews 4:12

Tishox kvjaz kuex vtvraungx nuiyc hot-hamz yaq khuec nuex samx wvguip httehvlc yaung htauk nuex muinz httehvlc rvtueq. Kvruex kuex siyac nuiyc thuinz vmungx kvmuinz, ruk vrawz lauk nuiyc laungx thuiyx rvhumc nuex httuiuc laz tv-phvlc tuiuz lot vtueq, miqsaz kvmungx maq dvndawc yaq lvmz htenc nuiyc tvmaung yaq lvmz htenc kuex phox tvrv-phvlc lot yaq.

Revelation 1:11

Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Revelation 1:16

vyauk yaukkeq kox nuex ruiysuiyq poz mvshix shuimx taq tueq, Vnuix maq samx wvguip httehvlc yaung dung yaq. Vpiq htvlx kuex shalhtungx baung wawc shalx ikhoc kawc yaq.

Revelation 19:15

Miq phvnx ruip rawx kuex taungx yurc gay tvkoc vpiq nuix wawc httehvlc yaung dung tueq. Vpiq rueq tsuingshiq kuex yanpaq maq guimz shuex, Tvphaungc Tvsuip Tishox thuinkhvy ngoz yaq svpiq thuey surc juing boarx wawc svpiq tix htenc kuex nuiuz gay shuex.

Revelation 19:21

Tsuingshiq nolaungx bix htenc kuex mvre htauk nuex ngaungc jix waz nuix wawc dung yaq yaung maq thvy gay rvhumc tueq; wushawx htenc rueq tsuingshiq ngvmx kuex phoay laz phauk saq wuez tueq.

Revelation 2:1

“Ephesu phungc wawc raungkamx waz kox nuex vkhoc wuiyq shuiuz: “Vruex kuex yaukkeq kox yauk nuex ruiysuiyq poz mvshix shuimx vtueq, kuimshawx wvrkok mvshix hvlwvl nuex khuemx shamx yaq waz kox wawc bomjungc rvtueq.

Revelation 2:16

Kvkhoc rvtueq majuiuc dvyx nuimshiq mvrax htenc kvwawc kvwek waung wuez luit! Kvkhoc rvmuq ngoz ruiux ngaz lvwvnz maq mnoz kox nuex kaz vtueq, ngvy nuix maq dung yaq samx wvguip httehvlc yaung maq miq htenc kuex khvt gay shaungx.

PHOWEBI 3:16

Ehud rueq piq tvkoc vloayc sentimeter 50 raz tueq samx wvguip httez yaq yaung tvhungx vtueq, yazkeq kox wex khvy khung nuex htawc taq tueq.