Revelation 18:22 - Hawa Naga Bible 2001

²² Sengrengc thuic, wvnuemc nuiyc shic jix, poayman thuic nuiyc bolic thuic htenc kuex majuiuc vmaq mnoz rueq tay lvp shuiux rvmuq! Kvmaq tharc vhttax yauk shuimc jix miq mhtauk wawc dung tuex rvmuq shex; htuimz lv-nyet tvruingc muinz majuiuc vmaq mnoz rueq tay lvp shuiux rvmuq!

ASII LAKDAP Bible (BSI)

²² Üm chela mong na paimin toro tsüwa la, boli tsüwa trangla, lüta waja, ashi ange peosea wala ümtinkhan wa siwan laü kriika kaiqshak she miraq! Tsiimwe khiiq we, tiiqwe, jaqsham siimati jumin ahü she miraq. Longtham na longpen tham nyea maq tsamthaü trang ka ahü she miraq!

Muklom

²² Tung akhak tomtey etho sungseytey tang etho photkalang tung tomtey tang etho lirong tomtey tang tharaaq sha thanga wang baluk o tho tatat moq sey angna etho phanrip jaksom wang utang tho thanga wang baluk otho ba jamoq tachong moq sey angna etho thom ajong long tharaaq sha thanga wang baluk otho tatat moq sey angna.

Revelation 18:22 Referencias Cruzadas

YOBA 3:7

Kvruex kuex kuiyqshuik kuiyq shix muex tvyaungc gay ruiux, kokez tvruingc vguez mruez kueq.

THARC TVLUINGC 12:4

Mnoz rueq lvmx laungx thuirx tvruingx yaq kuex tay shuiux rvmuq, mnac htenc bawx wvnc tuex. Tsvmz htuy tvruingc nuiyc vshic vngoyc tuimc tvlc tvruingc kuex laungc maq tay ruiux muinz, wushawx thuic rueq mnoz tvsvmc tvtenc kv-phux.

ISAIA 23:12

Sidon ghaqyungx lex, mnoz kuex lauk shiz kokez yek tuiux rvmuq, mmiq htenc vguirc vguenc rvhumc yaq. Mkhoc shoc maq tsuingshiq kuex Kupru nuex yuz wvnc ruiux doc muinz tsuingshiq vhvlx kvwungx httax tuex rvmuq. (

JEREMIA 16:9

Ngaz, Tvphaungc Tvsuip Yehowa Israel Tishox rueq yvmx lac jungx vphaungx kuex tay shuiuz. Ngaz rueq vkokez tvruingc, vnuey piauc tvruingc nuiyc miqlvmc moalx phuiuz vsvy muex kokez tvruingc htenc kuex tvthauk gay shaungx. Kvruex wawc miq htenc rueq vkhoc yaungx wvnc tuex lvmz kuex khiz wuez shuex.

JEREMIA 25:10

Ngaz rueq tsuingshiq kokez guyc sez tvruingc, vnuey tvruingc, vkoz vkez maq miqlvmc moalx phuiuz svy tvruingc htenc kuex tvthauk gay shaungx. Tsuingshiq wvrkok htenc tvkoc vpuiz tix lvp shuex rvmuq, kvmaq phuiuz vsvy muinz httax tuex rvmuq.

JEREMIA 33:11

mnoz rueq vkoz vkez guyc sez tvruingc, vnuey tvruingc vkoz vkez maq miqlvmc moalx phuiuz vsvy tvruingc htenc kuex lauk shiz hulawx tay yek shuiux. Tsuingshiq rueq ngvy Shomc Yuimx nuex kejux tvtsvmc shomc kuy juing htenc lvmz laq vtueq miq htenc shix yaq kuex mnoz rueq tay shuiux; tsuingshiq rueq, ‘Vpiq kuex vhvlx nuiyc vpiq lungwawc pattup phaungx ngaungx yaq ningkhvnc nuex, Tvphaungc Tvsuip Yehowa muex kejux tvyez shuinz,’ ngoz tueq ngoz shuex. Ngaz rueq vruex mungtan kuex kungkhux wawc ikhoc tvrungx wanx yek shaungx. Ngaz, Yehowa rueq jungx vshaungx,” ngoz tueq.

JEREMIA 7:34

Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

EJEKIEL 26:13

Ngaz rueq mnoz shic vngoyc htenc lotlaz tvsuip gay ruiux mtorox thuic htenc kuex tvthauk gay shaungx.

Matthew 9:23

Yesu kuex rungx walaungx waz yuimx kvyuq httuiuc kaz koq tueq, vtuimc vtvlc jix htenc nuiyc miq vkung vdaungx thuirburx yaq kuex khiz vtueq,