RAPHA HIQWA LAK 9:4 - Hawa Naga Bible 2001

⁴ Nuimshiq rueq phuiuz svy mvy muq phvnx phvnshiz httax yaq, kvruex kuex tvguiy rvshot yaq ngvmx rvtueq; yvmx khoc lac ngoz ruiux lec tvguiy nuex thuiuzthuic httax yaq ningkhvnc nuex rvtueq.

ASII LAKDAP Bible (BSI)

⁴ Shatmaq ümniiraq ngam ka wiitiijai tam maq phaq maimak. Ngi raq ara tiiwin tiikang arka tsitsü ka tiijai na sitlo kriikha maq tiiwin tiikang.

RAPHA HIQWA LAK 9:4 Referencias Cruzadas

EJEKIEL 33:25

“Ngaz, Johvlc Yehowa rueq jungx vshaungx kvjaz kuex tsuingshiq muex jungx shuiuz: nuimshiq rueq tvguiy rulc vdvmz vngvmx kuex phauk vshuinx. Nuimshiq rueq yac yuimx htenc nawk palx vshuinx. Nuimshiq rueq miq thvt vshuinx. Nuimshiq rueq kvruex mungtan kuex guimz shuinx ngoz tueq haz tvmaung vshuinx?

LEWI 19:26

“Tvguiy lomx yaq jac kuex nauk phauk kaz. Luingx vwaq lawc yauk shuimc nauk shuimx kaz.

LEWI 3:17

Israel miqsaz rueq vpuiz, rvmuq ngoz ruiux tvguiy kuex phuiuz svy mvy muq; tvrac vruex kuex Israel miqsaz tsuingshiq m-yuq dvyx httax httax lotlaz rueq mkaq muinz phvnc juing rvtueq.

LEWI 7:26

Israel miqsaz htenc m-yuq dvyx httax httax phuiuz vsvy tvkoc wushawx tvguiy nuiyc ngvmx saz tvguiy kuex mkaq muinz phuiuz svy mvy muq.

Acts 15:20

Yac yuimx muex vnawk kuq vshuy vshac phuiuz vsvy kuex phuiuz svy lvmx, sahtok sapawx yaungc lvmx, buq maq vnyet ngvmx nuiyc tvguiy phuiuz svy lvmx kuex koayc tvkoc luik wuiyq vtueq tvtay aungx yaq ngoz tueq ngaz rueq tvmaung vshaungx.

Acts 15:25

Kvkhoc rvtueq nuiyshiq lotlaz rungx raz lot yix maq miq vbez thvl vtueq, nuimshiq kox nuex tvwaungc tvkoc thuinz raz tiq, tsuingshiq kuex nuiyshiq rueq lungwawx vshix Barnaba nuiyc Polu rulc vdvmz kaz naungx tuex.

Acts 15:29

kvruex tvrac htenc kuex yac yuimx muex vnawk phuiuz vsvy nauk phauk saq kaz, tvguiy nauk saq kaz, buq maq vshuit ngvmx muinz nauk phauk kaz, sahtok sapawx nauk yaungx kaz. Vhtenc vruex nuimshiq rueq koayc ruiux kuex nuimshiq tvkoc hungx yaq, gvnhttuingc httax wuez kuinz,” ngoz tueq.

TRI CHONGKE 12:16

Yuq muinz nuimshiq rueq tvguiy kuex svy mvy muq; yuix ruiuc gay shuinx ikhoc ghaq nuex ruiuc gay rax.

TRI CHONGKE 12:23

Yuq muinz tvguiy kuex thuiuzthuic rvtueq kvkhoc rvtueq tvguiy lomx yaq jac kuex phuiuz mvy muq.

TRI CHONGKE 14:21

“Piq thueyc thueyc vthueyc kaz ngvmx kuex phuiuz mvy muq. Nuimshiq rulc ghaqshiz nuex httaz jix pungnuk miqsaz rueq kvruex ngvmx kuex phauk lvp shuex, rvmuq ngoz ruiux vngvmx kuex pungnuk miqsaz muex shaungc kuy mvy yaq. Nuimshiq kvruex kuex Yehowa nuimshiq Tishox rueq guimz yaq; nuimshiq kuex vpiq miqsaz rvtuit. “Khelbuenx saz rvmuq ngoz ruiux khelkhix saz kuex vkuiux puix tix maq shunglumc mvy muq.

TRI CHONGKE 15:23

Yuq muinz vtvguiy kuex svy mvy muq; yuix ruiuc gay shuinx ikhoc ghaq nuex ruiuc gay rax.

1 Timothy 4:4

Tishox rueq vtvdung sung taq shec lotlaz kuex phuiuz svy mvy yaq jvnc ningkhvnc nuex, yvmx phvnx phuiuz vsvy ngoz ruiux muinz koayc rax muq, phuiuz vsvy lotlaz kuex kejux tvtsvmc ruiux phuiuz svy mvy yaq.

1 SAMUEL 14:32

ralx kox wawc tsuingshiq rueq vlvp taq khelbuenx nuiyc manx sahez htenc kuex kvruex baung kvyuq thvt gay shec ruiux, vngvmx nuiyc tvguiy kuex vhttuingx maq phauk saq gay tueq.