PHOWEBI 6:12 - Hawa Naga Bible 2001

¹² Yehowa raungkamx waz kuex piq khaungkac nuex dung kaz vtueq piq muex ngoc, “Hungc vlaungc httaz hvlc shvrvyx waz lex, Yehowa kuex mnoz rulc vdvmz httax yaq!” ngoz tueq jungx tueq.

ASII LAKDAP Bible (BSI)

¹² Tatiwe rase ka kiijaq apaiq khaki na dongkito. Raüta akha nguto, “Tatiwe ka ümniirai, srea nola jongwe lei!”

PHOWEBI 6:12 Referencias Cruzadas

DUNGWVNC 3:12

Tishox rueq, “Ngaz kuex mnoz rulc vdvmz httax taungx, mnoz rueq miq htenc kuex Ejip mungx wawc tvdung shvlx wvnc vtueq, vruex kanx vmaq ngaz muex nawk palx kuq phuinx. Vruex kuex ngaz rueq mnoz tvkaz phaungx lvmz hakhix rvtuex,” ngoz tueq jungx tueq.

Matthew 1:23

Piq rueq, “Lawc shuiuz, kvruex yalxtux shauk nyuiuz kuex wvgvnz yaungx vtueq vsaz miqwaz saz jawx shuex, vpiq muingc kuex Immanuel ngoz tueq muingc shuex,” ngoz tueq. Kvruex vlvmz kuex, “Tishox kuex naungshiq rulc vdvmz httax yaq!” ngoc rvtueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Luke 1:11

Kvkaq Taungjix raungkamx washiz kuex Zecharia khaungkac nuex kvkhic kaz vtueq vhomc phvnx juiuz juing shomrawx vkeq kox nuex jvp kaz tueq.

Luke 1:28

Raungkamx waz kuex Mary kox nuex httuiuc kaz vtueq, “Kejux ruimrix mhttax kueq, mnoz thuinhvlx yaq! Taungjix kuex mnoz rulc vroc nuex httax yaq ningkhvnc nuex kejux yunghvlc mnoz muex kuq tueq!” ngoz tueq jungx tueq.

TRI CHONGKE 20:1

“Nuimshiq rueq ralx kuex lung ruiux yuq, nuimshiq htauk nuex muinz paunghvlc renc maq, mvre maq, yaz sawx maq khvt jix ralx daungx rulc rvhumc tuinx nuex nauk hiz wuez kaz. Nuimshiq kuex Ejip mungx wawc palc wvnc jix Yehowa nuimshiq Tishox kuex nuimshiq rulc vdvmz nuex httax tuex.

JOSHUA 1:5

Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

PHOWEBI 11:1

Gilead mungx wawc Jeptha ngoz yaq shvrvyx washiz kuex mephex nyuiuz saz rvtueq.

PHOWEBI 13:3

Yehowa raungkamx waz kuex yalxjuik nyuiuz kvruex khaungkac nuex httuiuc kaz vtueq, “Mnoz rueq mkaq muinz msaz lvp lot muq rvtoq, yuq muinz mtanc httax muq nuex wvgvnz yaungx vtueq msaz miqwaz saz kuex jawx shuiux.

PHOWEBI 2:18

Yehowa rueq Israel miqsaz shunshvlc jix vyungx vlaungx washiz kuq shuex ruip rawx, Yehowa kuex kvruex waz rullungx wvlex piq muex romc kuq vtueq, ralx htenc yauk wawc miq htenc kuex palc wvnc ruiux shuex. Tsuingshiq rvhumc yaq kuilc daz jamjaux nuiyc tuinghtuing rvhumc vtueq kvbot nyvnx wuez yaq ningkhvnc nuex Yehowa rueq tsuingshiq muex menjenc kuq tueq.

PHOWEBI 6:11

Kvruex yimaq Yehowa raungkamx waz kuex Ophra ghaq nuex kaz vtueq, Abiezer taungx wawc Joash ngoz yaq waz rueq guimz yaq khauk rauk jungx yaz nuex ngaungc tueq. Piq saz Gideon kuex Median miqsaz rueq khiz muq laz juing svpiq thuey surc juing khurx nuex wanx tsvmz nuiuz thvt yaq.

PHOWEBI 6:13

Gideon rueq piq muex ngoc, “Jiyungx waz lex, Yehowa kuex nuiyshiq rulc vdvmz ngoz ruiux kuex, yvmx ngoz tueq lac vruex phvnx lotlaz kuex nuiyshiq nuex yaungx kaz tvnx? Yehowa rueq nuiyshiq kuex Ejip mungx wawc yvmx khoc lac shvlx wvnc tvnx lvmz nuiyshiq jix vwaz tamx rueq nuiyshiq muex jungphvnx phuex vwangc juing lotlaz kuex yvmx khoc lac yaungx kaz vtvnx? Yehowa rueq nuiyshiq kuex tuip gay ruiux Median miqsaz yauk nuex kuq gay phuex, ngoz tueq ngaz rueq wiz mvy yaq,” ngoz tueq jungx tueq.

RUTHA 2:4

Vhuq httvmx vtueq Boa kuex Betlehem maq httuiuc kaz vtueq, vyauk shuimc jix hez muex ngoc, “Yehowa kuex nuimhez rulc vroc mhttax kueq!” ngoz tueq rvbomc tueq. Tsuinghez rueq muinz, “Yehowa rueq mnoz muex ruimrix mkuq kv-phux!” ngoz tueq tvralc tueq.

1 SAMUEL 10:7

Ekvkhoc yaungx wvnc ruiux yuq, Tishox rueq mnoz muex tvshuimc yaq phvnx yvmx yuq muinz shuimx kaz shuiuz.