NEHEMIA 6:2 - Hawa Naga Bible 2001

² Kvkhoc rvtueq Sanbalat nuiyc Geshem rueq Ono Tvnx wawc miqghaq vshiz nuex tsuinghez rulc rvhumc kay tvkoc ngaz muex bomjungc tvjungc phuex. Vruex kuex ngaz muex vgvrx tvhumc muex laulawc rvtueq.

ASII LAKDAP Bible (BSI)

² Krai mren, Sanballat nai Geshem raq ngi ma tsütsa ashi tiiso hoto. Tsangnai raq ngi ka tsangnai rai Ono Hiqthung Tan na maiqhiq shong thun wa hiqshi na walaita tsangnai rai mirhum walaq nguta tsütsa tiichong hoto. Arka tsangnai raq ngi tiidea baiq miitu honjato.

NEHEMIA 6:2 Referencias Cruzadas

2 SAMUEL 20:9

Joab rueq Amasa muex ngoc, “Kungjix waz lex, vhvlx haz?” ngoz tueq rvbomc yaq lvmx maq htvlx nuex shup ikhoc kvyaungx shaungx vtueq, vkeq kox yauk maq Amasa kaqbanx maq het shuimx tueq.

2 SAMUEL 3:27

Abner kuex Hebron ghaq nuex httuiuc kaz koq tueq, Joab rueq palx kaluix hep nuex shvlx laq vtueq, jausuc maq rvbomc nyamc muex ikhoc raz tueq vwuk nuex yaung maq shuiuq gay tueq. Kvruex kuex Abner rueq Joab nox Asahel thvy gay ningkhvnc nuex rvtueq.

1 KAÜWA WERAÜ 8:12

Elpaal sahez waz thuimx httax yaq: Eber, Misham nuiyc Shemed rvtueq. Shemed kuex Ono nuiyc Lod ghaqyungx htenc nuiyc tvroz wawc miqghaq htenc tec jix waz rvtueq.

NEHEMIA 11:35

Lot, Ono nuiyc thamx waz bix Warc tvnx nuex muinz httax wuez tueq.

NEHEMIA 3:22

Shomc waz bix palx ruk nuex romc kuy jix hez kuex: Yerusalem ghaq tvroz wawc shomc waz bix rueq tvhttoarc baungshiz ruk tueq;

NEHEMIA 6:3

Ngaz rueq tsuinghez kox nuex bomc tvjungc kaz tauk kuex, “Ngvy yauk shuimc vkhek shuimx lvmz vshaungx ningkhvnc nuex kvruex yuq kaz lvp mauk. Ngvy yauk shuimc httvr gay shec ruiux nuimhez rulc rvhumc kay ngaz kaz lvp mauk,” ngoz tueq ngoz kuq tauk.

Tvtsvmc 12:2

Tsuingshiq lotlaz rueq vdvmz dvmz vrot vkaq kvjaz maq tvyoq yvmx jungx vtueq laulawc wuez yaq.

Tvtsvmc 37:12

Layx bac jix waz rueq vhvlx miqsaz kuex vbac kvmungx vtueq vshuiuc vpac thuinz maq lawc tvtsuingc yaq.

Tvtsvmc 37:32

Layx bac jix rueq vhvlx jix kuex mkaq muinz khoyx vtueq piq kuex thvy gay muex hung yaq.

THARC TVLUINGC 4:4

Miqsaz kuex lotlaungc wvnc tvkoc yauk shuimc pinhtumc hunglaungc shuimc juing kvmuinz ngaz rueq tvluing wvnc tauk: kvruex kuex yvmx khoc lac ngoz ruiux lec tsuingshiq yuimx phic wuinz rulc rvlongx roc ningkhvnc nuex rvtueq lvmz ngaz rueq khiz vshaungx. Yuq muinz kvruex kuex khuec guez. Kvruex kuex raungguil yurc shix ikhoc dvyx rvtueq.

JEREMIA 41:2

Eshmael nuiyc miq waz rokshiz kvraq tsuinghez yaung htenc kuex jvt vtueq Gedalia kuex thvt gay tueq.

EJEKIEL 33:31

Kvkhoc rvtueq ngvy miqsaz htenc kuex mnoz rueq jungx shuiux kuex tay tvkoc rvtuimx kaz wuez yaq, yuq muinz mnoz rueq jungx shuiux kvkhoc tsuingshiq rueq shuimx kaz muq. Tsuingshiq nuix bar nuex lungwawc bomc poz htenc jungphvnx ruiux muinz, kvkax wax lvmx nuex phvnx ruq dvyx rvtueq.