NEHEMIA 12:1 - Hawa Naga Bible 2001

¹ Shealtiel saz Zerubabel nuiyc Shomc Wayungx Yoshua rulc vdvmz mungtan maq vyurc gay wawc yek waungc jix shomc waz bix nuiyc Lewi miqsaz muingc wvlc kuex vkhoc rvtueq: Seraia, Yeremia, Ezra, Amaria, Malluk, Hattusha, Shekania, Rehum, Meremot, Eddo, Ginnethoi, Abija, Mijamin, Maadia, Bilga, Shemaia, Joiarib, Jedaia, Sallu, Amok, Hilkia nuiyc Jedaia. Kvruex hez kuex Yoshua pat nuex tsuinghez yix phvnc jix shomc waz bix muex walaungx bix rvtueq. Vruex hez kuex kejux tvtsvmc shic htenc shic ngoyc tuex nuex shunshvlc jix hez rvtueq: Jeshua, Binnui, Kadmiel, Sherebia, Yuda nuiyc Mattania.

ASII LAKDAP Bible (BSI)

¹ Riita, ramwebi nai Lewinok munglu wansha asiwa wa Jerusalem na, Shealtiel se Jerubabel nai Ramwe Ajong Pinthumwe Joshua rai ajanghotibi mangwea raüpot ka ara:

NEHEMIA 12:1 Referencias Cruzadas

EJRA 3:2

Jehozadak saz Yoshua, piq kungjix shomc waz bix, Shealtiel saz Zerubabel rulc vdvmz piq taungnyuing sanox htenc rueq Israel Tishox shomrawx kuex tvhungx yek vtueq, Tishox miq waz Moshe Tvrac luik nuex wuiyq shec tueq rulc rv-ngvlc, shomc nawk kuy juing htenc kuex jauk shomc kuy tvkoc shomrawx kuex tvhungx tueq.

EJRA 3:8

Kvkhoc rvtueq Yerusalem wawc Shomc Yuimx baung nuex tsuingshiq yek waung tueq wawcnueyc rac yapix lexnueyc nuex tsuingshiq rueq yauk shuimc phaungc wvnc wuez tueq. Zerubabel, Yoshua nuiyc kvjungx yaq tsuingshiq taungnyuing sanox htenc, shomc waz bix nuiyc Lewi miqsaz htenc, Yerusalem nuex yek waung wuez yaq vthuq vruez laq miqsaz lotlaz rueq romc shuimx kuq naungx tueq. Rullungx wawc 20 maq htauk kox Lewi miqsaz lotlaz kuex Shomc Yuimx guirc nuex shunshvlc lawc tvkoc yauk shuimc kuq tueq.

EJRA 4:2

Kvkhoc rvtueq tsuingshiq kuex Zerubabel nuiyc vtaungx waruiuz walaungx bix kox nuex rvhumc kaz vtueq, “Nuiyshiq kuex vruex Shomc Yuimx guirx yauk shuimc vyuq nuimshiq rulc vdvmz nuex tvshuimc naungx kuit. Nuiyshiq rueq muinz nuimshiq rueq nawk palx vshuinx Tishox kuex nawk palx vshix, nuiyshiq kuex vruex hong vyuq httax tvkoc tvkaz phuex Asiria honoc Esarhaddon pat maq phuex nuiyshiq rueq shomc nawk kuy juing kuex shomc kuq wvnc tiq,” ngoz tueq jungx tueq.

EJRA 5:2

Kvkaq Shealtiel saz Zerubabel nuiyc Jehozadak saz Yoshua rueq tsuingnueyc bomjungc kuex tay vtueq, Yerusalem wawc Shomc Yuimx kuex guirx phaungc wvnc yek koq tueq, shomc waz nueyc rueq muinz tsuingnueyc muex romc kuq naungx tueq.

NEHEMIA 11:36

Yuda hong nuex httaz jix Lewi miqsaz wvyvmc kuex Benjamin miqsaz rulc vdvmz nuex httax wuez tueq.

NEHEMIA 12:10

Yoshua kuex Joiakim waz rvtueq; Joiakim kuex Eliashib waz rvtueq; Eliashib kuex Joiada waz rvtueq;

NEHEMIA 7:7

Tsuingshiq muex walaungx bix kuex Zerubabel, Yoshua, Nehemia, Azaria, Ramia, Nahamani, Mordekai, Bilshan, Misperet, Bigwai, Nehum nuiyc Baana rvtueq.

HAGAI 1:1

Persia honoc Dariu yaungx tueq wawc nuiyc rac yapix lex tvruk vphaungc raungnuiyq Yehowa rueq shvmmax Hagai maq raz tueq kvjaz jungx tueq. Bomjungc kuex Shealtiel saz Yuda mungx walaungx Zerubabel nuiyc Jehozadak saz Shomc Wayungx Yoshua tvkoc rvtueq.

HAGAI 1:12

Kvruex yimaq Zerubabel, Yoshua nuiyc Babelon mungx nuex vthuq laq wawc vyek waung miq htenc lotlaz rueq Yehowa tsuingshiq Tishox rueq tsuingshiq muex vshuimc vkay juing nvr tueq kuex shuimx kaz wuez tueq. Tsuingshiq kuex hiyaz vtueq Yehowa kamx waz shvmmax Hagai kvjaz kuex phvnx wuez tueq.

HAGAI 1:14

Yehowa rueq miq pumz tek vtueq Shomc Yuimx yauk shuimc tvkoc Yuda mungx walaungx Zerubabel; Shomc Wayungx Yoshua nuiyc vthuq vruez laq wawc vyek waung miq lotlaz muex tvsvmz wuez tueq. Tsuingshiq rueq Tvphaungc Tvsuip Yehowa tsuingshiq Tishox Shomc Yuimx kuex,

HAGAI 2:2

Vpiq rueq Yuda mungx walaungx Zerubabel muex muinz, Shomc Wayungx Yoshua muex muinz, miq htenc muex muinz jungc kuy tvkoc Hagai muex nvr tueq.

JEKERIA 6:11

Tsuinghez rueq vkuq kuimphox nuiyc kuimshawx kuex lvmz vtueq khushec tvhungx shuiuz, kvruex yimaq Jehozadak saz Shomc Wayungx Yoshua khux nuex tvbuz shuiuz.