Biblia Todo Logo
La Biblia Online
- Anuncios -




NAHUM 1:2 - Hawa Naga Bible 2001

2 Yehowa Tishox rueq rvlongx palx yauk shuimc kuex nanx yaq rvmuq; vpiq kuex vpiq tvgap gawx jix htenc muex murx tvgurc yaq. Thuinz tvkhaq vtueq tsuingshiq muex murx tvyez kuq yaq.

Ver Capítulo Copiar

ASII LAKDAP Bible (BSI)

2 Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

Ver Capítulo Copiar




NAHUM 1:2
42 Referencias Cruzadas  

Tsuingshiq rueq roc yaq phvnx lotlaz mphauk saq shueq! Tishox kuex tsuingshiq muex thuinkhaq vtueq murx tvgurc shuex.


Yehowa lex, mnoz kuex murx tvgurc kuy jix Tishox rvtoq; mthuinz khvy kuex tvkhic kuq shuiuz!


Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.


“Ngaz, Yehowa rulc rvlongx palx kuex nanx shaungx rvmuq ningkhvnc nuex vganc tishox kuex nauk nawk palx kaz.


Ngaz kuex miqphvnx vhingc vmunc paung yaq htenc muex ngvy bomkhvmc kuex tv-phaungx kuq vtueq, ngarvyx nuiyc mvrax kuex dawc kuq shaungx; yuq muinz vnyuiuz vwaz mvrax kuex saz pat suiuz pat, pat thuimx, pat bvlic nuex httuiuc laz tvgurc shaungx,” ngoz tueq jungx tueq.


Yehowa kuex shvrvyx waz ikhoc ralx khvt tvkoc dung kaz yaq; vpiq kuex ralx khvt tvkoc tvyoalc hvt maq thuinz tv-phez yaq. Vpiq rueq ralx khvt muex guyc vtueq; vpiq ralx hez tvgap gawx tvkoc vpiq luimc vkawc kuex tvkhic tueq.


Yerusalem lex kvsvmc kuiuz! Mshauk pumz kuex tvsvmc vtueq kvtenc kuiuz! Yehowa thuinkhaq vtueq mnoz muex kuq kv-phux kok wawc murx tvgurc juing kok kuex mnoz rueq nuingx gay toq; mnoz rueq kvruex nuingc gay ningkhvnc nuex rul ngak vtuiux.


Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.


Yehowa kuex wvr rulc vdvmz kaz tuex. Vpiq thuinkhaq yaq jix hez muex murx tvgurc tvkoc raungguil renc htauk nuex ngaungc vtueq kaz tuex.


Yehowa Israel Tishox rueq ngaz muex jungx phuex, “Svpiq kawk vyuq ngvy thuinkhvy kuex tvmvrc taq shuiuz. Ngaz rueq mnoz muex tvlaq phaungx miqphvnx htenc lotlaz kox nuex lvmz laq vtueq, kvruex kawk kvwawc tsuingshiq muex tvnuingc shuiux.


Mnoz nuiyc ngvy vkhing max shauk, mvnnuex wawc shvmmax bix rueq miqphvnx paunghvlc muex nuiyc luimc vkawc yunghvlc mungtan htenc, ralx rvlungc, khvmx vrvmc nuiyc vmac vtsac thuimkux dung tuex lvmz jungx wvnc tueq.


Mnoz kuex mkaq muinz khaq hvt khaq muq; ngaz muex pattup mthuinz tvkhaq shuiux rvmuq,’ ngoz shuiux. Israel lex, mnoz rueq kvkhoc jungx toq, yuq muinz mnoz rueq vbac phvnx lotlaz shuimx wvnc toq,” ngoz tueq jungx tueq.


Yehowa rueq vruex miq htenc vmac kvhiz juing thuinkhvy nuiyc thuinkhvy phuk vtueq tvhiz sungx ningkhvnc nuex, tsuingshiq kuex layx vbac wawc kvroz wvnc vtueq Yehowa kox wawc vjux wuez thoz wuez shvnx,” ngoz tauk.


Nuimshiq Yehowa ngoz vshuinx ngaz rulc nuimshiq rueq vtaq bomkhvrc kuex phvnx shuinz, Yuda miqsaz nuiyc Yerusalem jix lex, nuimshiq shauk pumz kuex ngaz muex lekuq kuit. Kvkhoc rvmuit ngoz ruiux kuex nuimshiq rueq vbac shuimx wvnc tuit ningkhvnc nuex ngvy thuinkhvy kuex wvr ikhoc luic tuex. Kvruex tvthuik gay jix vshiz muinz httax tuex rvmuq,” ngoz tueq.


Ghaqyungx tvroz lotlaz nuex ralx lungc muex ramc shuinz! Majuiuc Babelon mungx kuex maq tueq shex. Kvruex ghaq palx ruk htenc rul wvnc vtueq kvhttak bunx tueq. Ngaz rueq Babelon miqsaz kuex phuiuq lvmz vshaungx ningkhvnc nuex, nuimshiq rueq muinz phuiuq lvmz shuinz, tsuingshiq rueq vganc jix htenc muex ruez tueq kvkhoc tsuingshiq kvmuinz ruez shuinz.


Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.


“Kvkhoc rvtueq Israel mungtan nuex seng vtueq rawshvmx shvmx shuiuz; miqphvnx htenc rueq tsuingshiq kuex yomnamc vtueq yvlc svy tvrvhumc yaq ningkhvnc nuex, ngaz, Johvlc Yehowa rueq khunnyerc thuinkhvy maq jungx vshaungx kuex kanx htenc nuiyc ghaqluimx htenc, yuix ruilx htenc nuiyc warc tvnx htenc muex jungx shuiuz.


Johvlc Yehowa rueq, “Israel kuex Gog rueq nyuip vtueq khvt shuex raungnuiyq, ngvy thuinkhvy phuk tuex.


Ngvy thuinkhvy phuk tuex raungnuiyq Israel mungtan nuex pinhtumc gaqyung mux tuex, ngoz tueq ngaz rueq jungx vshaungx.


Johvlc Yehowa rueq, “Yuq muinz Yaku suiuz vsaz tamx rvtueq Israel miqsaz muex majuiuc ngaz rueq menjenc vtueq, tsuingshiq kuex laukshiz hulawx tvrungx wanx yek shaungx. Ngvy vsawc muingc kuex tvwungx tvguing shaungx.


“Mnoz kuex ngvy thuinz hvlc muq wawwawx ngvy thuinkhvy mvrc laz rvhumc tuiux. Vruex lotlaz yaungx wvnc tuex nuex, ngaz kuex mnoz tvmtuing vguez ningkhvnc nuex thuinkhaq vtueq ngaz, Yehowa rueq mnoz muex jungx phaungx kuex mnoz rueq tuiuz wvnc shuiux.


Lvmx luz nuex httaz jix hez muinz vthuiuz vsac raz tueq thueyc wvnc wuez tuex; vnyek wawc hez kuex ralx rvlungc nuex thvy gay rvhumc tuex; kvjungx yaq hez kuex rvmc rueq thueyc tuex. Tsuingshiq lotlaz rueq ngvy thuinkhvy kuex mvrc laz rvhumc wuez tuex.


Tsuingshiq rueq ngvy thuinkhvy phuk yaq lotlaz kuex rvhumc phauk tuex. Ngaz rueq tsuingshiq kuex tvraungx taq shaungx rvmuq, tsuingshiq muex menjenc shaungx rvmuq. Tsuingshiq rueq ngvy kox wawc tsuingshiq guyc lot tuex tanc khvnc maq ramc thoz shuex, yuq muinz tsuingshiq rueq thoz yaq kuex ngaz rueq tay kuq shaungx rvmuq,” ngoz tueq jungx tueq.


Kvruex yimaq Yehowa rueq vpiq mungtan tvkoc rvwvl tvmaung yaq kuex tvkhic tueq; vpiq rueq vpiq miqsaz htenc muex menjenc yaq.


ngaz kuex thuinz tvkhaq vtueq nuimshiq kox wawc kvwek wvnc ruiux kungkhux wawc htauk nuex muinz jvnc vtueq htvp mvshix murx tvgurc yek phaungx.


Ngvy thuinkhaq hvlc ningkhvnc nuex ngvy kvjaz tay muq phvnx muq miqphvnx htenc lotlaz htauk nuex ngaz rueq murx tvyez shaungx,” ngoz tueq jungx tueq.


O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.


raungkamx waz rueq muinz, Tvphaungc Tvsuip Yehowa rueq vkhoc jungx tueq kvjaz kuex jungc tvkoc ngaz muex jungx phuex: “Ngaz rueq ngvy vsawc ghaqyungx Yerusalem kuex ngaz rueq pinhtumc lungwawx vtueq rvwvl vshaungx.


“Ngvy miqsaz htenc muex pinhtumc lungwawx vtueq ngaz kuex piq ralx htenc rulc thuinz rvkhaq laz juing lungwawx ningkhvnc nuex, ngaz rueq Yerusalem muex romc kuy tvkoc tvlungwawx vshaungx.


“Phineha rueq shuimx tvlot gay tueq ningkhvnc nuex Israel miqsaz muex ngvy thuinkhvy shiz tueq shex. Ngaz maq lvy vtueq vganc tishox muex nawk palx yaq kuex piq rueq tvdux gay tueq, kvkhoc rvtueq ngvy thuinz tvkhaq vtueq tsuingshiq kuex tvbac gay mauk shex.


Kungjix bix lex, mkaq muinz murx nauk tvyez kaz; Tishox rueq jix murx mtvyez kuq shueq. Yvmx khoc lac ngoz ruiux lec Rumvrc luik nuex, “Taungjix rueq ngaz rueq murx tvyez kuq shaungx, mvrax kuex tv-phvnc tvyez kuq shaungx,” ngoz tueq wuiyq shec tueq.


yvmx khoc lac ngoz ruiux lec piq kuex mnoz muex vjux httaz laung nuex Tishox nvrc waz rvtueq. Yuq muinz mnoz rueq honc vbac yauk shuimc shuimx ruiux yuq kuex piq muex kvhiz kuiuz, piq kuex murx tvgurc kuq lot yaq luimc vkawc vsuing lvp tvy jix waz rvtueq. Piq kuex Tishox nvrc waz ningkhvnc nuex honc vbac yauk shuimc jix waz muex Tishox rueq phoc kuy murx gurx shuex rvtueq.


Yvmx khoc lac ngoz ruiux lec Yehowa nuimshiq Tishox kuex luic thuiyc yaq wvr ikhoc rvtueq; vpiq rulc rvlongx palx jix kuex menjenc shuex rvmuq.


yuq muinz vpiq shuiuc pac jix muex kuex lvmx lvy murx tvgurc kuq yaq.


Yvmx khoc lac ngoz ruiux lec, “Ngaz rueq murx tvyez kuq shaungx, ngaz rueq htuimz kuq shaungx” ngoz tueq muinz, “Taungjix rueq vpiq miqsaz muex phox kuq shuex,” ngoz tueq muinz jungc jix waz kuex ukhaq lac rvtvnx nuiyshiq rueq tuiuz vshix.


Yoshua rueq miq htenc muex ngoc, “Yuq muinz nuimshiq rueq Yehowa muex nawk palx kuq lot shuinx rvmuq. Vpiq kuex vsawc Tishox rvtueq ningkhvnc nuex nuimshiq mvrax kuex dawc kuq kv-phuinx rvmuq. Vpiq rulc rvlongx palx jix muex nanx kuq shuex rvmuq,


Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.


Síguenos en:

Anuncios


Anuncios


¡Síguenos en WhatsApp! Síguenos