Mikha 7:16 - Hawa Naga Bible 2001

¹⁶ Mungtan ruip rawx kuex hungc vlaungc yungx ruiux muinz, kvruex lvmz htenc kuex khiz vtueq hiyaz kawc yawc wuez ruiux, tsuingshiq nuix nuiyc nac htenc kuex httuiuq gay wuez shuex.

ASII LAKDAP Bible (BSI)

¹⁶ Pongmungti thun raq ara michhi. Raüta tsangshiq ka tsangshiq ningkun, hengrai raü min jam min riilot mak miraq. Raüta tsang jeasitsi ma tsang nü suk raq, tsangni jaq maq pangraq lishe.

Mikha 7:16 Referencias Cruzadas

YOBA 21:5

Ngaz vruex lawc kuit. Nuimhez kuex suinglix lix maq wangc tvkawc yawc kvdoc muinz hungx tuex shex rvmuq haz?

Tvtsvmc 126:2

Naungshiq kuex yvmx khoc lac nuey tiq, yvmx khoc lac kokez shix ngoyx tiq! Kvruex kaq vganc jix miqphvnx htenc rueq, “Yehowa rueq tsuingshiq tvkoc yauk shuimc yunghvlc shuimx kuq tueq,” ngoz tueq naungshiq lvmz kuex jungx tueq.

TAKSU LAK 30:32

Tuluimc thuinz httax vtueq miqyaq yaungx ruiux honc vbac yauk shuimc kuex mnoz rueq kvmungx ruiux yuq, kvruex htenc kuex tvthauk gay ruiux, tvmaung shuiuz!

ISAIA 26:11

Mnoz rueq mralx hez muex murx tvgurc shuiux lvmz kuex tsuingshiq rueq tuiuz wuez muq. Yehowa lex, tsuingshiq kuex tvyvlc sac vtueq kuilc daz tvrvhumc shuiuz; mnoz rueq tvhungx toq murx kuex tsuingshiq muex tvgurc shuiuz. Mmiqsaz muex mnoz rueq mtanc lac lungwawx vshuiux lvmz kuex tsuingshiq muex tvkhic shuiuz.

ISAIA 52:15

Yuq muinz majuiuc kuex miqphvnx paunghvlc piq muex lawc wangc wuez tuex, hokhvmx bix muinz vkawc yawc dvyx shex rvwvnc tuex. Tsuingshiq kuex mkaq muinz max khiz max tuiuz shauk phvnx kuex tuiuz tay wvnc shuex,” ngoz tueq.

ISAIA 66:18

Tsuingshiq honc vyaungc nuiyc tsuingshiq kvmungx htenc kuex ngaz rueq tuiuz yaq. Mungx ruip rawx wawc miq htenc tvtuimx tvkoc ngaz kaz yaq. Kvkaq tsuingshiq kuex vdvmz nuex kvtuimx vtueq ngvy luimc vkawc maq mtanc lac shuimx lot yaq nguinx kuex tsuingshiq rueq khiz shuex nuiyc

EJEKIEL 38:23

Ekvkhoc maq ngaz yungx luz vtaungx nuiyc vsawc yaungx vtaungx kuex miqphvnx lotlaz muex tvkhic shaungx. Kvkaq ngaz Yehowa rvtauk kuex tsuingshiq rueq tuiuz wvnc wuez shuex.”

Mikha 3:7

Max kox tvkoc nuex rawshvmx shvmx jix hez kuex tsuingshiq rueq vjungc tvyaq ningkhvnc nuex yvlc svy rvhumc tuex. Tishox rueq tsuingshiq kvjaz tvralc muq ningkhvnc nuex tsuingshiq lotlaz shummarc rvhumc tuex.

Mikha 5:8

Kvjungx yaq hez kuex miqphvnx htenc hvlwvl luingx vlak nuex, rvmuq ngoz ruiux ngac remc juing nuex phuiuz vsvy thuiyc khuyx yaq hangsic ikhoc yaungx tuex. Piq kuex khelbuenx phungc nuex nyuip vtueq puinthuing puinthaung juir gay shuex; kvruex baung wawc palc wvnc tvkoc thuinz tvluimc juing httax tuex rvmuq.

HAGAI 2:22

mungkawx mungtan htenc kuex rop gay ruiux tsuingshiq luimc vkawc kuex tvbac gay shaungx. Ngaz rueq tsuingshiq nolaungx renc htenc nuiyc vruip jix htenc kuex tvbac gay shaungx, mvre htenc thueyc mvy wvnc tuex. Mvre nuex ngaungc jix hez kuex vdvmz dvmz rvyap wuez tuex.

JEKERIA 12:9

Kvkaq Yerusalem kuex khvt tvkoc hungc jix miqphvnx ruip rawx kuex ngaz rueq tvbac gay shaungx.

Romans 3:19

Tvrac nuex httax yaq vnvrc lvmx phvnx ruip saz kuex Tvrac rueq khung nuex httaz jix htenc tvkoc rvtueq kuex, majuiuc naungshiq rueq tuiuz vshix, kvkhoc yaungx wvnc tueq lvmz kuex miq nuix lotlaz tvthauk tvkoc nuiyc miq lotlaz kuex Tishox rueq phox shuex kvyuq tvrvhumc tvkoc rvtueq.

Revelation 11:18

Mthuinz khvy kvdaungc yaq vkhing muinz, vthueyc wvnc jix htenc muex phoc kuy vkhing muinz, majuiuc httuiuc wvnc vtuex shex ningkhvnc nuex miq phvnx lotlaz kuex thuinkhaq wuez yaq. Mnvrc waz shvmmax bix htenc, mmiqsaz htenc, mnoz muex hiyaz tvtsanc nganc jix vyungx vruinx htenc, muex yauk mauk kuy vkhing kuex httuiuc wvnc yaq shex. Ghaq vruex tvbac gay jix htenc kuex tvbac gay vkhing httuiuc wvnc yaq shex!” ngoz tueq jungx tueq.