Mikha 5:10 - Hawa Naga Bible 2001

¹⁰ Yehowa rueq, “Kvtanc jauz ngaz rueq mmvre htenc kuex lvmz gay ruiux, mnoz nolaungx renc htenc kuex tvbac gay shaungx.

ASII LAKDAP Bible (BSI)

¹⁰ Tatiwe raq ngutlo, “Kra akhing na namshiq kumrangkong wiita minyea wan ha. Lata kumrang leng thun wiita mishthen baiqha.

Mikha 5:10 Referencias Cruzadas

ISAIA 2:7

Tsuingshiq ghaq vraungx nuex kuimphox nuiyc kuimshawx htenc mvrc vtueq, tsuingshiq tsak vnyvmx kuex vhtumx ngoz tueq vguez. Tsuingshiq ghaq vraungx nuex mvre htenc mvrc yaq, tsuingshiq mvre renc htenc muinz vwvlc lot juing rvmuq.

JEREMIA 3:23

Kankhux poz htenc nuex nuiyshiq yac yuimx nawk palx wvnc tiq, kvruex nuiyshiq muex romc kuq muq. Israel tvkoc romc kuy kuex nuiyshiq Tishox Yehowa kox wawc dvyx lvp lot shix.

Hosea 1:7

Yuq muinz Yuda miqsaz muex kuex lungwawc thuinz tvkhic shaungx. Ngaz, Yehowa tsuingshiq Tishox rueq tsuingshiq kuex palc wvnc shaungx, yuq muinz ngaz rueq ralx lungc nuex yaung, laq, laqsvnz, mvre nuiyc mvre nuex ngaungc jix miq htenc kuex shuimc vtueq tsuingshiq kuex palc wvnc shaungx rvmuq.”

Hosea 14:3

Asiria rueq nuiyshiq kuex mkaq muinz palc wvnc lot muq, ralx lungc mvre htenc rueq muinz nuiyshiq kuex tvwungx lot muq. Yac yuimx htenc kuex nuiyshiq Tishox ngoz tueq mkaq muinz jungx miq shex. O Yehowa lex, tvluimc juing miq vshiz muinz lvp muq jix htenc muex menjenc thuinz tvkhic kuq koq.”

HAGAI 2:22

mungkawx mungtan htenc kuex rop gay ruiux tsuingshiq luimc vkawc kuex tvbac gay shaungx. Ngaz rueq tsuingshiq nolaungx renc htenc nuiyc vruip jix htenc kuex tvbac gay shaungx, mvre htenc thueyc mvy wvnc tuex. Mvre nuex ngaungc jix hez kuex vdvmz dvmz rvyap wuez tuex.

JEKERIA 9:10

Yehowa rueq, “Ngaz rueq Israel wawc ralx lungc renc htenc kuex tvhttot lvmz gay ruiux Yerusalem wawc mvre htenc kuex lvmz gay shaungx; ralx khvt nuex shuimx yaq laq htenc kuex tvbac gay shaungx. Nuimshiq hokhvmx waz kuex miqphvnx htenc hvlwvl nuex nomic tvhttax vtueq; vpiq rueq svmuktvrax maq svmuktvrax nuex httuiuc laz, Euphrat Ruilx maq ghaq tvsuip nuex httuiuc laz guimz shuex,” ngoz tueq jungx tueq.

TRI CHONGKE 17:16

Hokhvmx waz rueq piq ralx daungx tvkoc mvre paunghvlc tvy mvy muq, Ejip mungx nuex mkaq muinz yek kay mvy muq, ngoz tueq Yehowa rueq vpiq miqsaz muex jungx tueq ningkhvnc nuex kvruex mungx wawc mvre rez kay tvkoc miq kuex tvkay mvy muq.