Matthew 8:8 - Hawa Naga Bible 2001

⁸ Kvkaq nolaungx yungx waz rueq, “Taungjix lex, ngvy yuimx nuex mnoz nyuip kay kuex ngaz hunghtaungx mauk miq ningkhvnc nuex aungx muq, mnoz rueq bomc poshiz dvyx jungx shuiuz, ngoz ruiux ngvy nvrc waz kuex hvlx kaz tuex.

ASII LAKDAP Bible (BSI)

⁸ Kiijiishe siihiip we raq treto, “O shiilang we, ümniika i jam na wali ka thek mak. Ngi ka ümniima aran. Ümniiraq üm nü maq amingli tat laq. Kra riihaü jiili i lukhapse tsi ka mihiaki.

Muklom

⁸ Rome ajongwa thawel batta, “Teyhungwa, nang i him náng jin tathokrol tho ang mong. Ba nung eq raaq ujo, i sanga sha uqhal angna.

Matthew 8:8 Referencias Cruzadas

RAPHA HIQWA LAK 32:10

Mnvrc waz, ngaz muex tvkhic kuq phux menjenc kejux nuiyc tvmtuing lvmx lotlaz kuex aungx muq shauk doc. Ngaz rueq Yodan ruilx rvp wvnc tauk nuex ngaz rulc ngvlhtulc vshiz dvyx lomx wvnc tauk vganc yvmx muinz vguez, yuq muinz majuiuc kuex vruex phungc nueyc rulc ngaz yek waung vtaungx.

Tvtsvmc 10:17

O Yehowa lex, mnoz rueq thuinz tvyomx jix vjux thoz bomc kuex tay kuq vtueq; mnoz rueq tsuingshiq muex khvmc thuinz kuex kuq shuiux.

Tvtsvmc 107:20

Vpiq rueq vpiq nvrc bomc maq tsuingshiq tvhvlc kuq tueq nuiyc luip ruiuz khux wawc tsuingshiq kuex palc wvnc tueq.

Tvtsvmc 33:9

Piq rueq jungx koq tueq mung-kawx yaungx wvnc tueq; vpiq rueq nvrc bomc tvdvy koq tueq phvnx ruip saz kuex dung wvnc wuez tueq.

WEAWEA 20:8

“Bomkhvrc Jep khaungkac nuex httax yaq ngvlhtulc kuex lvmz shuiuz, raz tueq Arun nuimnueyc rueq Israel miqsaz htenc kuex rvtuimx tvkoc jungx shuiuz. Tsuingshiq khaungkac nuex httax yaq lung rauk kvwawc yuix dungc tvkoc nvr shuiuz. Tsuingshiq nuiyc tsuingshiq nyvmx saz htenc rueq nuingc juing yuix kuex lung rauk kvwawc dung tuex,” ngoz tueq jungx tueq.

Matthew 3:11

Nuimshiq thuinz layc wvnc tuit lvmz kuex tvkhic tvkoc ngaz rueq nuimshiq muex yuix maq yuix luip kuq vphaungx, yuq muinz ngvy yix nuex kaz yaq waz rueq kuex Vsawc Siyac nuiyc wvr maq yuix luip kuq kv-phuinx. Vpiq kuex ngvy htauk nuex vyungx vluz rvtueq vpiq yapaungc shuimc kuy doc muinz hungx mauk rvtauk.

Matthew 3:14

Yuq muinz Yohan kuex Yesu rueq kvmungx yaq lvmz layc gay tvkoc, “Ngaz rueq waz mnoz kox wawc yuix lvp lvmc juing, mnoz waz kvjix ngvy kox nuex httuiuc kaz ruiux ix?” ngoz tueq vpiq muex tvwanc yaq lvmx maq jungx tueq.

Matthew 8:3

Yesu rueq yauk tenz vtueq piq kuex tuingc kuq ruiux, “Ngaz rueq shuimx kuq roc vphaungx sawc wvnc kuiuz!” ngoz tueq jungx kuq tueq. Kvkaq dvyx piq vshungx mac kuex sawc wvnc tueq.

Matthew 8:7

Yesu rueq, “Ngaz kaz vtueq piq vthuiuz vsac kuex tvhvlc kuq kaz taungx,” ngoz tueq.

Matthew 8:9

Ngaz muinz vyungx bix vrangx vpangx khung nuex httaz jix washiz rvtauk, ngvy yauk khung nuex muinz nolaungx sahez httax yaq. Ngaz rueq washiz muex, ‘Kaz kuiuz!’ ngoz ruiux yuq piq kaz tuex, washiz muex, ‘Waung loq!’ ngoz ruiux piq woz yaq; ngvy dax waz muex muinz, ‘Vruex shuimx shuiuz!’ ngoz ruiux piq rueq shuimx yaq,” ngoz tueq jungx tueq.

Luke 15:19

Majuiuc vmaq kuex msaz ngoz tueq ngoc muinz aungx muq shex, m-yauk shuimc svy jix miq washiz ikhoc ngaz kuex taq koq, ngoz tueq ngoz shaungx,’ ngoz tueq.

Luke 15:21

Vsaz rueq vwaz muex, ‘Iwaz lex, Tishox muex muinz mhtumc nuex muinz ngaz yaq tauk, majuiuc vmaq kuex msaz ngoz tueq kv-ngoc muinz ngaz hungx mauk shex rvtauk,’ ngoz tueq.

Luke 5:8

Kvruex Simon Peter rueq khiz vtueq Yesu yaz phaungx nuex bumx ruiux, “Taungjix lex, ngvy kox wawc kvyenc wvnc kuiuz!” Ngaz kuex mvrax vhttax miqsaz rvtauk! ngoz tueq.

John 1:27

Kvruex waz kuex ngvy yix nuex httuiuc kaz ruiux yuq, ngaz rueq vpiq yapaungc ruiuz dawc kuy doc muinz hungx mauk,” ngoz tueq tvralc tueq.