Matthew 8:25 - Hawa Naga Bible 2001

²⁵ Kvkhoc rvtueq sangac hez kuex vpiq kox nuex kaz vtueq tvsvmc ruiux, “Taungjix lex, palc wvnc loq, naunghez kuex thueyc wvnc vtix shex!” ngoz tueq jungx tueq.

ASII LAKDAP Bible (BSI)

²⁵ Kriikha maq, ajaqshisetiim raq apaiq ka, “Tatiwe, nashiq jü na thap wan kai, tiichhii kuq tlo laq!” nguta tiisamto.

Muklom

²⁵ Ujiphantey tang ka eq piq tha tashat ta etho ning aa batta, “Teyhungwa, thalun phu, hiqtang thaji utik angma ta i!”

Matthew 8:25 Referencias Cruzadas

2 KAÜWA WERAÜ 14:11

Asa rueq Yehowa piq Tishox muex ngoc, “O Yehowa lex, mnoz rueq hungc vguez nolaungx bix muex luimc vkawc hungc hvlc httax wvnc laz romc kuq lot shuiux. Majuiuc dvyx nuiyshiq muex romc kuq koq, O Yehowa nuiyshiq Tishox lex, yvmx khoc lac ngoz ruiux lec nuiyshiq kuex mnoz muex tvluimc vtueq mmuingc maq ralx phungc yunghvlc kuex khvt tvkoc nuiyshiq kaz tiq. Yehowa lex, mnoz kuex nuiyshiq Tishox rvtoq; uraq muinz mnoz kuex taungx lot tvkoc thuinz tvluimc lvp yaq rvmuq,” ngoz tueq thoz tueq.

2 KAÜWA WERAÜ 20:12

Mnoz kuex nuiyshiq Tishox rvtoq! Tsuingshiq muex murx tvgurc shuiuz, nuiyshiq khvt jix ralx daungx yungx khaungkac nuex nuiyshiq kuex kvwungx juing vguez muex yaungx vtix. Nuiyshiq rueq yvmx khoc ruec juing wuez tuiuz miq, yuq muinz nuiyshiq muex romc kuy tvkoc mnoz dvyx lawc vphix,” ngoz tueq vyungx maq guyc vtueq thoz tueq.

Tvtsvmc 10:1

O Yehowa lex, yvmx ngoz tueq lac mnoz kuex yalc hvlc nuex httax vtuiux? nuiyshiq kuilc daz rvhumc vtix nuex yvmx ngoz tueq lac kv-httuiyq wvnc vtuiux?

Jona 1:6

Lix walaungx waz rueq humc kaz vtueq piq muex, “Mnoz yvmx ngoz tueq lac woalc kaz tuiux? Kvtenc vtueq mtishox rueq romc kuy tvkoc vjux thoz shuiuz. Vpiq rueq waz wuez naunghez kuex menjenc vtueq naunghez thuiuzthuic htenc tvluenx wvnc phuex wuez,” ngoz tueq jungx tueq.

Matthew 8:2

Kvruex kaq vshungx miq washiz kuex kaz vtueq vpiq khaungkac nuex kuix tsvrung maq bumx ruiux, “Taungjix lex, mnoz thuinroc httax ruiux kuex ngaz vruex tvhvlc kuq lot phux,” ngoz tueq thoz tueq.

Matthew 8:24

Kvkaq jumx kvyuq huingc rvhek laz maq raunghtiq raungguil wvnc vtueq yuix daungx htenc rueq lix kuex buk wvnc koq tueq htuip wvnc khvmkhvmz rvtueq. Yuq muinz Yesu kuex kvtsoalx rvlauk kaz tueq.

Matthew 9:18

Yesu rueq kvkhoc jungphvnx yaq baunglaung Yuda rungx wawc washiz vpiq kox nuex kaz vtueq, vpiq khaungkac nuex bumx ruiux raz tueq, “Isaz yalxjuik saz huiuz kaz shex; yuq muinz mnoz kaz vtueq piq htauk nuex yauk tvdaungc kuq ruiux kuex yuing wvnc tuex,” ngoz tueq jungx tueq.

Luke 8:24

Sangac bix kuex Yesu kox nuex kaz vtueq, “Taungjix lex, Taungjix lex! Naunghez kuex htuip wvnc vtix shex!” ngoz tueq tvsvmc tueq. Yesu kuex kvtsoalx wawc kvsvmc vtueq raungguil nuiyc yuix daungx kuex httonx koq tueq suingx wvnc vtueq, kvyuq kuiyqshuik shex rvtueq.