Matthew 8:11 - Hawa Naga Bible 2001

¹¹ Kvmaq ngaz rueq nuimshiq muex jungx ix, shalx dungc kox wawc nuiyc shalx nyuip kox wawc miq paunghvlc httuiuc kaz vtueq, raungx Mungtan nuex Abraham, Esak, Yaku hez rulc phuiuz svy moalx nuex vdvmz ngaungc tuex.

ASII LAKDAP Bible (BSI)

¹¹ Ngi chongpha. Maiq pahea shedong mung wa nai shenyap mung wa waraüta Abraham, Isak, kiimaq Jakob rai Phangthum Poi Ranaiq Ramungtan na minga wan dam.

Muklom

¹¹ Nga asing batphang, saalkhong nia saalnop wang daqhan miq thu eq Rangmungtan phaksat rangma Abraham, Isaac, Jacob jamoq tong na.

Matthew 8:11 Referencias Cruzadas

RAPHA HIQWA LAK 12:3

Mnoz muex ruimruimc kuy jix waz muex ngaz rueq ruimruimx kuq shaungx, yuq muinz mnoz muex mvnhttonc jix waz muex ngaz rueq mvnhttonx kuq shaungx. Mnoz luz maq miqphvnx lotlaz muex ruimruimx kuq shaungx,” ngoz tueq jungx tueq.

RAPHA HIQWA LAK 22:18

Mnoz rueq ngvy kvjaz kuex phvnc ningkhvnc nuex msuiuz msaz htenc rueq ruimrix lvp shuex kvkhoc, miqphvnx ruip rawx rueq tsuingshiq muex ruimrix kuy tvkoc ngaz muex wiz wuez phuex,” ngoz tueq jungx tueq.

RAPHA HIQWA LAK 28:14

Msuiuz msaz htenc kuex ghaqwanx ikhoc paung tuex, tsuingshiq ghaq vraungx kuex tvroz tumz nuex yungx tuex. Ngaz rueq mnoz nuiyc msuiuz msaz htenc maq raz tueq ghaq htauk wawc miqphvnx htenc muex ruimruimx kuq shaungx.

RAPHA HIQWA LAK 49:10

Yuda rueq hokhvmx jowvyx kuex shuimx shuex, Piq suiuz vsaz phvnx rueq rullungx wvlex guimz lawc shuex. Miq phvnx ruip rawx rueq piq kox nuex yauk noalc htenc lvmz wvnc vtueq, piq khaungkac nuex nawk vtueq piq yix phvnx wuez shuex.

Tvtsvmc 22:27

Miq phvnx lotlaz rueq Yehowa kuex rvwvl wuez shuex. Mungkawx baung ruip saz wawc miq htenc kuex vpiq kox nuex kvroz wvnc yek tuex, lotlaz rueq vpiq muex nawk palx wvnc wuez shuex.

Tvtsvmc 98:3

Vpiq rueq Israel miqsaz htenc tsuingshiq tvkoc vpiq phaungx ngaungx yaq lungwawc nuiyc tvmtuing maq vpiq bomkhvmc kuex tvtsuir taq tueq. Baung ruip saz wawc miq lotlaz kuex naungshiq Tishox rueq taungx wvnc tueq lvmx kuex khiz wvnc wuez tueq.

ISAIA 11:10

Dawid phvnx wawc vdung hokhvmx vnyalx kuex miqphvnx htenc tvkoc tvkhic tvtsuingc juing muex yaungc wvnc vkhing httuiuc wvnc yaq. Tsuingshiq kuex piq hokhvmx ghaqyungx nuex rvtuimx kaz vtueq piq muex tvtsanc nganc kuq shuex.

ISAIA 49:12

Ngvy miqsaz htenc kuex lvmx luz mungx wawc muinz, yuix khux kox nuiyc shalx nyuip kox wawc muinz, yuix yaz kox nuiyc Aswan wawc muinz kaz wuez ruex,” ngoz tueq.

ISAIA 49:6

Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.

ISAIA 52:10

Yehowa rueq vpiq vsawc vpiq luimc vkawc maq; vpiq miqsaz htenc kuex palc wvnc shuex, mungkawx lotlaz rueq kvruex khiz wuez shuex.

ISAIA 59:19

Shaldungc kox maq shalx nyuip kox nuex httuiuc laz wawc miq kuex vpiq luimc kawc yungc kvmac hiyaz wuez tuex. Vpiq kuex kuk laungx kaz yaq yuix ruilx ikhoc muinz, hungc hvlc guil yaq raungguil ikhoc muinz vpiq kaz tuex.

JEREMIA 16:19

Yehowa lex, mnoz kuex ngvy tvkhup wungx vtueq hungc vlaungc kuy jix rvtoq; kuilc daz rvhumc vkhing nuex mnoz rueq ngaz muex romc kuq phux. Ghaq tvsuip wawc miqphvnx htenc kuex mnoz kox nuex kaz vtueq, “Nuiyshiq jix vwaz tamx kuex phara yac yuimx htenc maq lvy vtueq vganc yvmx muinz vguez, kvruex htenc kuex vjux vguez nuiyc khuec guez dvyx rvtueq.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

MALAKI 1:11

Mungkawx tvsuip baungshiz maq vganc baungshiz nuex httuiuc laz httax yaq miq htenc rueq ngaz muex tvtsanc nganc wuez yaq. Tsuingshiq rueq ngaz muex vhomc vtumc phvnx kuex baung ruip saz nuex jauk ruiux vraungc raq juing shomc nawk juing htenc shomc kuq yaq. Tsuingshiq lotlaz rueq ngaz muex tvtsanc nganc wuez yaq!

Matthew 21:41

Tsuingshiq rueq, “Honc bac miq htenc kuex piq rueq vsuing thvt gay shuex, svpiq thuey muinx jauz piq muex khauk khauk kuy jix miq vganc muex tvshap kuq gay shuex,” ngoz tueq tvralc wuez tueq.

Matthew 24:31

Kvruex yimaq Miq Saz vruex raq bolic yunghvlc kuex tvtuimz vtueq, vpiq raungkamx bix kuex ghaq shuk bvlic nuex tvkaz ruiux, mungkawx vphaungc maq vtvsuip nuex httuiuc laz vpiq rueq vthvl taq miqsaz htenc kuex tvtuimx wvnc shuex.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 8:10

Kvruex kvjaz kuex Yesu rueq tay vtueq vpiq kuex kawc yawc vtueq vpiq yix phvnc naungc jix hez muex, “Nuimshiq muex ngaz rueq vsuing jungx kuq ix, Israel phvnx nuex doc muinz vtanc khvnc kvmluimx jix miq washiz muinz khiz mauk.

Luke 12:37

Jiyungx waz httuiuc waung ruiux yuq honc lvmz hvt maq httax yaq kuex jiyungx waz rueq khiz waung tuex nvrc waz kuex thuinhvlx httax yaq. Ngaz rueq nuimshiq muex jungx kuq ix, jiyungx waz kuex keshuit shuit ruiux raz tueq piq nvrc waz hez kuex wuinz waz ikhoc tv-ngaungc ruiux tv-phauk saq shuex.

Luke 16:22

“Kvruex yimaq kuilc daz hvlc waz kuex thueyc kaz koq tueq raungkamx bix rueq piq kuex Abraham yaz pemc nuex tvwoalc waung tueq, luiz waungx waz muinz thueyc kaz tueq nuex vmaungx kuex vluip rvgay tueq.

Acts 10:45

Pungnuk miqsaz htenc rueq muinz Vsawc Siyac kejux yauk noalc kuex lvp wvnc ningkhvnc nuex Peter rulc vdvmz kay naungc jix Joppa ghaq wawc kvmluimx jix Yuda miqsaz muinz vwangc rvwuez tueq.

Acts 11:18

Kvruex kvjaz kuex tay vtueq tsuingshiq rueq mvrax tvgurc kvjaz kuex jungphvnx muq shex, “Tishox rueq Pungnuk miqsaz muex muinz thuinz kvlayc vtueq, rullungx tvraungx lvp wvnc juing vkhangx kuq tueq nyix!” ngoz tueq jungx ruiux Tishox muex tvtsvmc kvmc tueq.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Acts 14:27

Tsuingnueyc kuex Antiok nuex httuiuc waung vtueq phungc miqsaz htenc kuex tvtuimx ruiux, tsuingnueyc muex Tishox rueq shuimx kuq wvnc tueq phvnx ruip saz htenc muinz, Pungnuk miqsaz kvmluimx wvnc tvkoc Taungjix rueq lvmx daz kuq tueq lvmz htenc muinz tvtay jungx kuq tueq.

1 Corinthians 15:20

Yuq muinz vsuing yaungx wvnc tueq lvmx kuex, Christu kuex thueyc vtueq yuing kvtenc wvnc ruiux, kvtsoalx thueyc wvnc jix htenc yuing kvtenc wvnc yek tuex lvmx vkhvmc kuq kuex lvp wvnc tiq.

1 Corinthians 6:9

Layx bac jix htenc kuex Tishox Mungtan guimz lvp wvnc shuex rvmuq, nuimshiq rueq tuiuz vshuinx. Miqmac shauk vgvnz kuex nauk tvrot kaq kaz, sahtok sapawx yaungc jix, yac yuimx nawk jix, miqjuik senc jix, miqwaz vdvmz dvmz, rvmuq ngoz ruiux yalxjuik vdvmz dvmz rvhtok pawx jix htenc,

Ephesians 3:6

Kvruex thuiuz sungx hvlc lvmz kuex shuenruenc bomjungc maq Pungnuk miqsaz htenc rueq Yuda miqsaz htenc rulc vdvmz nuex Tishox ruimrix kejux lvp wvnc vkhangx lvp tueq lvmz rvtueq; tsuingshiq kuex shauk pumz vshiz wawc gvnngvmx htenc rvtueq Christu Yesu maq Tishox rueq vkuq bomkhvmc kuex lvp luz wvnc vkhangx lvp wvnc wuez tueq.

Colossians 3:11

Kvkhoc rvtueq Heleni miqsaz nuiyc Yuda miqsaz, vhttoar gvnz tueq waz nuiyc gvnz muq waz ngoz tueq muinz, miq httuingx miqsaz, vtsvy miqsaz, dax nuiyc dungc wvnc miqsaz ngoz tueq thvl httauk juing lvmx vguez. Christu kuex lotlaz nuex httax vtueq, lotlaz tvyaungc lot yaq.

2 Thessalonians 1:5

Tishox rueq khac phox yaq kvruex kuex tvrac vlvmz httax yaq lvmx kvkhic yaq, kvkhoc rvtueq nuimshiq kuex vpiq Mungtan nuex hunghtaungx yaq hez muex yaungx wuez tuinx, kvruex laung nuex juex nuimshiq vkuilc vdaz rvhumc wuez vtuinx.