Matthew 5:44 - Hawa Naga Bible 2001

⁴⁴ Yuq muinz majuiuc ngaz rueq nuimshiq muex jungx kuq ix: nuimshiq ralx waz kuex lungwawx shuinz, nuimshiq muex taruiyx guirguenc jix muex vjux thoz kuq shuinz.

ASII LAKDAP Bible (BSI)

⁴⁴ Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Muklom

⁴⁴ Etha nga bat phang, nim ralwa ma tinmat inn etho nim tahikham tey tang rangma romtam chu inn.

Matthew 5:44 Referencias Cruzadas

2 HOKHVMX 6:22

Elisha rueq, “Rvmuq, nuimhez rueq rvkhvt rvlungc yaq wawc vlvp ralx hez kvdoc muinz thvy gay mvy muq. Tsuinghez muex phuiuz vsvy tv-phauk saq vtueq tsuingshiq hokhvmx waz kox nuex tvyek gay shuiuz,” ngoz tueq.

TAKSU LAK 19:11

Mnoz nuex vtuiuz vtay thuinz httax ruiux yuq mthuinz khvy kuex nanx lot shuiux, miq vshiz shiz mnoz muex yaq tuex nuex, kvruex mnoz rueq tvlvy gay ruiux yuq, kvruex kuex mmuingc yungc juing rvtueq.

Luke 23:34

Yesu rueq, “Iwaz lex, tsuingshiq mvrax kuex dawc kuq shuiuz! Tsuingshiq rueq shuimx yaq lvmx kuex tsuingshiq rueq tuiuz muq rvtueq,” ngoz tueq. Tsuingshiq rueq vpiq svmhung kuex hangchac maq toc vtueq rv-phvlc tueq.

John 13:34

‘Vdvmz dvmz rvlungwawc wuez kuinz,’ ngoz tueq tvrac vnyalx kuex ngaz rueq nuimshiq muex kuq vphaungx. Ngaz rueq nuimshiq lungwawx phaungx kvkhoc nuimshiq muinz vdvmz dvmz rvlungwawc wuez kuinz.

Acts 16:28

Yuq muinz Polu rueq, “Mshauk m-gvnz kuex mhosic nauk kvthvy kaz, nuiyhez lotlaz vruex yuq vhttax jvnc,” ngoz tueq kvjaz yunghvlc maq ramc jungx tueq.

Acts 7:60

Piq kuex kuix tsvrung nuex ngaungc vtueq, “Taungjix lex! Mvrax vruex tsuingshiq muex nauk tvgurc kaz!” ngoz tueq yunghvlc maq guyc ramc tueq, piq rueq kvkhoc jungc lot rac thueyc kaz tueq.

Romans 12:14

Nuimshiq guirguenc jix htenc muex ruimruimx kuq shuinz, mvnhttonc nauk httonx kuq kaz.

1 Thessalonians 5:15

Uraq yuq muinz vyaq kuex vyaq maq nauk tvyez kaz, nuimshiq vdvmz dvmz nuiyc miq lotlaz tvkoc vjux vhttax lvmx shuimc muex nuimshiq thuinz hunglaungx wuez kuinz.

1 Peter 2:23

Vpiq muex yomnamc ngoz ngax koq muinz bomc tvyez khawc ngoz tueq vguez, vpiq kuilc daz rvhumc tueq nuex tvhiz tvsungx ngoz tueq vguez maq, tsuingrux phoc waz Tishox yauk nuex vpiq rueq tvluimc yaq lvmx kuex tvshuk lekuq tueq.

1 Peter 3:9

Honc vbac kuex honc vbac maq, mvnhttonc mvntvmc kuex mvnhttonc mvntvmc maq nauk tvyez kuq kaz; kvkhoc ruec tvraung, ruimruimc kuy bomc tvyez kuq shuinz, yvmx khoc lac ngoz ruiux lec kvruex ruimruimc kuy bomc kuex vpiq rueq nuimshiq gvl wvnc tueq nuex nuimshiq muex kuy tvkoc Tishox rueq bomkhvmc kuq shec tueq.

1 SAMUEL 24:17

Kvruex yimaq piq rueq Dawid muex ngoc, “Mnoz rueq shuimx vshuiux kuex vlvmz rvtueq, ngaz waz yaq tauk. Ngaz rueq mnoz muex kvkhoc vyaq ruez wvnc tauk, mnoz rueq kuex ngaz muex vhvlx pinhtumc ruez kuq vphux.