Matthew 5:14 - Hawa Naga Bible 2001

¹⁴ “Nuimshiq kuex mungkawx lotlaz tvkoc raungwuic rvtuit. Kuz yungx luimx nuex vtec taq ghaqyungx kuex tuing lot shuex muq.

ASII LAKDAP Bible (BSI)

¹⁴ “Namshiq ka mangjong maiqse kun li ma rawü li sitlan. Chela ashi hiqlam thaq na ate wan kriika tiipaüki lot mak.

Muklom

¹⁴ “Nim iri mingkang wallit mal. Kang na samhaq ajong sha jin thathuk moq.

Matthew 5:14 Referencias Cruzadas

TAKSU LAK 4:18

Tsuingrux jix khuemc juing lvmx kuex shalx dung wvnc yaq ikhoc yaungx yaq, kvruex kuex raungnuiyq raungwuix wvnc yaq nuex httuiuc laz, pinhtumc wuix wvnc yaq.

EJEKIEL 5:5

Johvlc Yehowa rueq, “Yerusalem kuex lawc shuiuz. Ngaz rueq kvruex ghaq kuex mungkawx vmungx baung nuex taq vtueq vganc mungtan htenc lotlaz maq tvkomc taq tauk.

John 12:36

Kvkhoc rvtueq raungwuic vhttax baunglaung raungwuic kvmac kvmx wuez kuinz, kvkhoc ngoz ruiux yuq jix nuimshiq kuex raungwuic suiuz vsaz hez muex yaungx wuez tuinx,” ngoz tueq. Kvkhoc Yesu rueq jungc lot yix, vpiq kuex dung kaz wvnc vtueq vpiq shauk pumz kuex tsuingshiq kox kvwawc kvpuiuc kaz tueq.

John 5:35

Yohan kuex wvrluic tuz lez yaq wvrkok ikhoc yaungx kv-phuinx tueq nuimshiq kuex piq phelez yaq kvyuq rvmak laz kokez roc vshuinx.

John 8:12

Yesu rueq Pharise nuk muex jungx yek tueq kuex, “Ngaz kuex mungkawx raungwuic rvtauk. Ngvy yix phvnc jix waz kuex rullungx raungwuic lvp wvnc vtueq mkaq muinz raungnyauk nuex khuemx tuex rvmuq,” ngoz tueq.

John 9:5

Ngaz kuex mungkawx nuex httax taungx baunglaung mungkawx raungwuic kuex ngaz rvtauk,” ngoz tueq tvralc tueq.

2 Corinthians 6:14

Kvmluimx muq jix rulc vdvmz nuex kvruiuz vtueq yauk nauk shuimx kaz, vroc nuex shuimc kay tvkoc aungx muq. Vyaq nuiyc vlvmx kuex yvmx khoc lac roc nuex kvruiuz lot tvnx? Raungwuic nuiyc raungx nyauk kuex vroc nuex yvmx khoc lac kvruiuz lot tvnx?

Philippians 2:15

Kvkhoc ngoz ruiux jix nuimshiq kuex mvrax lvp jix htenc httaz juing vruex mungkawx vyuq mvrax kop muq thuinz vsawc Tishox sahez shauk htenc ikhoc yaungx wvnc tuit. Kvkhoc nuimshiq rueq rullungx tvraungx kuq yaq bomjungc kuex jungphvnx kuq vtueq, raungx lotlaz nuex tvwuic kuq yaq ruiysuiyq htenc ikhoc nuimshiq hvlwvl nuex phelez wvnc tuex,

1 Thessalonians 5:5

Nuimshiq lotlaz kuex raungwuic suiuz vsaz htenc rvtuit, raungnuiyq suiuz vsaz htenc muinz rvtuit. Naungshiq kuex raungnyauk rvmuq ngoz ruiux raungwvrx suiuz vsaz htenc rvmiq.

Revelation 1:20

Ngvy yauk yaukkeq kox nuex mnoz rueq khiz vshuiux ruiysuiyq poz mvshix nuiyc kuimshawx wvrkok mvshix vhttuiyq vpuiuc vruex shec vlvmx kuex vkhoc rvtueq: ruiysuiyq mvshix kuex phungc mvshix bvmc jix raungkamx waz mvshix ngoc rvtueq, wvrkok mvshix kuex phungc mvshix ngoc rvtueq.

Revelation 2:5

Kvkhoc rvtueq mnoz mtanc khvnc lac dvy wvnc vtuiux kuex rvwvl shuiuz! Mmvrax htenc kvwawc kvwek wvnc yek vtueq vphaungc nuex shuimx toq kvkhoc shuimx yek shuiuz. Kvkhoc mmvrax htenc wawc kvwek wvnc muq ngoz ruiux kuex, ngaz mnoz kox nuex httuiuc kaz vtueq m-wvrkok kuex kvruex baung kvwawc ngaz rueq tvhttot lvmz gay shaungx.