Matthew 26:61 - Hawa Naga Bible 2001

⁶¹ “Vruex waz vraq, ‘Ngaz rueq Tishox Shomc Yuimx kuex httak gay ruiux raz tueq raungnuiyq thuimx nuex guirc lot shaungx,’ ngoz tueq vpiq rueq jungx tueq,” ngoz tueq.

ASII LAKDAP Bible (BSI)

⁶¹ Raüta tsangnai raq, “Arwe kaü ariiraq Shiikeawe Shomjam ka tiithen baiq raüta, ranaiqtsam jai maq hali mihailot nong ha nguta chongto,” nguta kha ka nyanto.

Muklom

⁶¹ Etho ning aa batta, “Iri miq rey batta, ‘Nga Shkewa rangnuk him sha thak eq saltom o wey hun eq náng.’”

Matthew 26:61 Referencias Cruzadas

RAPHA HIQWA LAK 19:9

Yuq muinz tsuinghez rueq, “Mnoz kuex wuinshaung waz rvyruiux nuiyshiq muex vkhoc ngoc muex yvmx lac, kvbanc kuiuz! Mnoz kvbanc muq ngoz ruiux kuex tsuingnueyc rvhumc tuex htauk nuex mnoz vjvnc rvhumc tuiux,” ngoz tueq ngoz wuez tueq. Tsuinghez rueq Lot kuex yix kox nuex lak gay ruiux, yuimx kaluix kuex httak gay tvkoc duiz wvnc wuez tueq.

1 HOKHVMX 22:27

Ngaz vhvlx maq yek waung taungx nuex httuiuc laz piq kuex khoktep nuex shauk ruiux, wanx nuiyc yuix kuex kuy phuiuz svy tvkoc tsuinghez muex jungx shuiuz,” ngoz tueq nvr tueq.

2 HOKHVMX 9:11

Jehu kuex piq miq vyungx vlaungx bix kox nuex yek kaz koq tueq, “Phvnx ruip saz kuex vhvlx haz? Miqyaq waz rueq mnoz muex yvmx tvshuimc roc lac?” ngoz tueq wiz tueq. Jehu rueq, “Piq muex yvmx lac rax yaq nguinx kuex nuimhez rueq tuiuz yaq,” ngoz tueq tvralc tueq.

ISAIA 49:7

Israel muex vsawc Tishox nuiyc palc daungc jix waz rueq lotlaz rueq wvlc guez tvyaungc yaq waz, Miq phvnx htenc rueq shuiuc pac yaq waz nuiyc guimz lawc jix hez nvrc waz muex yaungx yaq waz kox nuex vkhoc jungx yaq: “Hokhvmx bix rueq mnoz kuex tvdung gay rvhumc tuiux, tsuingshiq rueq tvtsanc nganc yaq kuex tvkhic tvkoc kvtenc wvnc tuiux; hokhvmx sahez rueq muinz kvruex khiz wuez shuex, tsuingshiq rueq mnoz kuex tvtsanc nganc tvkoc bumx vtueq nawk wuez shuex.” Yehowa vpiq nvrc waz kuex thvlc tvy ningkhvnc nuex vruex lvmz yaungx wvnc tuex; Israel muex vsawc Tishox rueq vpiq bomkhvmc htenc kuex tvmvrc shuex.

ISAIA 53:3

Naungshiq rueq piq muex suirsac vtueq tvdux gay tiq; piq kuex kuilc daz vtueq thuiuz sac tueq. Piq kuex kvroz vtueq lawc jix vshiz muinz vguez, naungshiq rueq piq kuex htawz guez miq ikhoc wvlc guez muex tvyaungc tiq.

Matthew 12:24

Pharise nuk rueq kvruex tay wuez vtueq, “Vruex waz kuex htaungc htenc guimz lawc jix waz Belzebul luimc vkawc maq rvmuq ngoz ruiux, htaungc htenc kuex yurc gay lot shuex rvmuq,” ngoz tueq.

Matthew 26:62

Shomc Wayungx waz kvtenc damz jvp vtueq Yesu muex, “Mnoz muex tsuinghez rueq mvrax nyvnc yaq lvmx nuex seng vtueq mnoz rueq tvralc juing yvmx muinz vguez haz?” ngoz tueq wiz tueq.

Matthew 26:71

Vganc nvrc nyuiuz vshiz rueq hulawx piq kuex khiz vtueq kvyuq httax yaq hez kvmac, “Vruex waz vmuinz Nazaret jix Yesu rulc httaz naungc jix waz rvtueq!” ngoz tueq.

Matthew 27:40

“Shomc Yuimx kuex httak gay vtueq raungnuiyq thuimx nuex dvyx guirx gay yek shaungx ngoc jix waz lex! Tishox Saz doc ngoz ruiux kuex mshauk gvnz kvpalc wvnc kuiuz! Yaukjuinc bulx kvwawc svt kaz kuiuz!” ngoz wuez tueq.

Matthew 27:5

Kvkaq Yuda rueq kuimphox rok thuimx kuex Shomc Yuimx nuex tvwoalc tuip gay shec ruiux kaz wvnc tueq. Piq kuex pungbaung nuex kaz wvnc vtueq ruiuz nuex kvshuirc thueyc tueq.

Mark 14:58

“Vruex waz vraq, ‘Miq yauk maq vguirx Shomc Yuimx kuex ngaz rueq httak tvbac gay ruiux, raungnuiyq thuimx nuex miq rueq shuimx muq maq vganc vshiz ngaz rueq guirx shaungx,’ ngoz tueq kvjaz kuex nuiyshiq rueq tay tiq,” ngoz tueq.

Mark 15:29

Lvmx maq lvy kaz lvy waung jix htenc rueq muinz tuk nguk vtueq, “Aha! Shomc Yuimx kuex httak gay ruiux raungnuiyq thuimx nuex guirx lot shaungx ngoc jix waz lex!

Luke 23:2

Tsuingshiq rueq, “Vruex waz kuex mungx miqsaz muex lvmx tvmawc kuy tvkoc Kesar honoc muex muinghic kuy lvmx rac muq ngoz tueq tuingshaung muinz, vpiq pumz ngoc Mesia hokhvmx rvtauk ngoz tueq kv-ngoc yaq kvjaz kuex nuiyshiq rueq khiz tay lvp tiq,” ngoz tueq mvrax tvgurc tueq.

John 9:29

Tishox rueq Moshe muex bomjungc kuq tueq kuex nuiyshiq rueq tuiuz vshix, vruex waz kuex m-wawc vkaz wuez tuiuz miq!” ngoz tueq.

Acts 17:18

Epikurean nuiyc Stoik ngoz yaq tvluingc waz hez wvyvmc kuex piq rulc rvjungc phvnc rvkhawc lvlc wuez tueq. Tsuingshiq wvyvmc rueq, “Vruex bomc tvpamz nyamz jix waz rueq yvmx lac ngoz yaq nguinx?” ngoz tueq. Wvyvmc rueq, “Piq rueq mungganc tishox htenc lvmz kuex jungphvnx yaq ngoc juing,” ngoz tueq wiz tueq. Tsuingshiq rueq kvkhoc jungx yaq kuex Polu rueq Yesu lvmz nuiyc vthueyc wawc yuing kvtenc wvnc tueq lvmz jungphvnc kuy ningkhvnc nuex rvtueq.

Acts 18:13

Tsuingshiq rueq, “Vruex waz vraq tvrac kuex phvnx muq maq, Tishox muex nawk palx kuy tvkoc miq htenc kuex shunshvlx tvshonx bawx yaq!” ngoz tueq.

Acts 22:22

Miq htenc rueq vshauk puq Polu rueq jungx yaq kuex tay wuez tueq, yuq muinz kvkhoc jungx tueq kuex tay vtueq, “Vruex waz kuex lvmz gay shuinz! Piq kuex thvt gay shuinz! Piq rullungx tvraungx httaz tvkoc aungx muq!” ngoz tueq yunghvlc maq guyc wuez tueq.