Biblia Todo Logo
La Biblia Online
- Anuncios -




Matthew 26:38 - Hawa Naga Bible 2001

38 vpiq rueq tsuinghez muex ngoc, “Ngvy thuinz vmungx kuex thueyc khvmkhvmz yonzyec rvhumc vtaungx. Ngaz rulc roc nuex honc lvmz hvt maq vyuq bvmc laz shuinz,” ngoz tueq.

Ver Capítulo Copiar

ASII LAKDAP Bible (BSI)

38 Kiimaq apaiq raq tsangtsam ma, “I tsan na chapa tsi arka heng biti hengtlo. Ngi ara tsaija chhunja she pat wanto. Namtsam ka arjaq nga lanta ngi rai achu jaü lam maq kheshat ngali rong laq,” nguta chongkuqto.

Ver Capítulo Copiar

Muklom

38 Piq aa ning thima batta, “Utik mal, i tin rapney shit aa. Nim iro hun tong inn etho i jamoq rok thing phin.”

Ver Capítulo Copiar




Matthew 26:38
19 Referencias Cruzadas  

Vthueyc jak rueq ngaz kuex khup wvnc vtueq; vthueyc rueq ngaz kuex tvroz tuimz yaq; kvkhoc rvtueq ngaz kuex hisungx vtueq rvwvlc thuinz phez yaq.


Ngaz kuex yvmx rvtueq lac thuinbac vtaungx nyix? Ngaz kuex yvmx rvtueq lac kuilc daz rvhumc vtaungx nyix? Ngaz kuex Tishox muex tvluimc vtueq httax vtaungx, ngvy palc jix nuiyc ngvy Tishox muex laukshiz hulawx tvtsvmc yek shaungx.


Ngvy khoz vkhvy kuex vput gay wuez shex; yvmx ngoz tueq lac lauk shiz svmx yek shaungx? Ngvy yaz muinz vhoalc wuez shex; yvmx ngoz tueq lac lauk shiz nyet yek shaungx?


Yehowa rueq, “Vpiq rvhumc yaq kuilc daz kuex ngvy thuinroc lvmx rvtueq; vpiq thueyc tueq kuex mvrax dawc kuy laung nuex shomc kuy rvtueq. Kvkaq vpiq suiuz vsaz htenc kuex vpiq rueq khiz shuex; vpiq kuex rullungx luz tuex, Ngvy kvmungx lotlaungc wvnc tvkoc muinz htuiz daungx wvnc phuex.


Kvkhoc rvtueq ngaz rueq vpiq kuex tvyungx luz vtueq, luimc vkawc vyungx jix hvlwvl nuex, tvtsanc nganc juing baungshiz kuq shaungx. Vpiq rueq vrullungx kuex vkuy roc thuinz maq kuq ruiux, layx bac jix waz hez rvhumc juing kuex rvhumc tueq. Vpiq rueq miq paunghvlc mvrax laung nuex tsuingshiq rvhumc aungx yaq kuex vpiq rvhumc tueq,” ngoz tueq jungx tueq.


Naungshiq rueq piq muex suirsac vtueq tvdux gay tiq; piq kuex kuilc daz vtueq thuiuz sac tueq. Piq kuex kvroz vtueq lawc jix vshiz muinz vguez, naungshiq rueq piq kuex htawz guez miq ikhoc wvlc guez muex tvyaungc tiq.


Kvkhoc rvtueq Yesu rueq, “Vraungx nuiyq nuiyc vkhing kuex nuimshiq rueq tuiuz muit ningkhvnc nuex honc lvmz hvt maq httax kuinz, ngoz tueq tvsuip tueq.


vpiq rueq tsuinghez muex, “Ngvy thuinz vmungx nuex thueyc khvmkhvmz yonzyec yunghvlc httax vtueq, kvruex raq ngaz kuex rop shop taungx gay wvnc yaq. Vyuq lawx raz tueq honc lvmz hvt rvshuinz,” ngoz tueq jungx tueq.


“Majuiuc ngaz kuex thuinz vmungx nuex kuilc daz rvhumc vtaungx, ngaz rueq yvmx khoc jungx juing lac? ‘Iwaz lex, ngaz kuilc daz rvhumc vtaungx baunglaung vwawc tvdung wvnc koq,’ ngoz tueq ngoc juing haz? Yuq muinz ngaz kuex vkhoc kuilc daz rvhumc tvkoc httuiuc kaz tauk rvtueq.


Vsuing Tishox nuex kvkhoc kuex rvmuq, vpiq Saz doc muinz khvnnyvnx muq maq naungshiq lotlaz tvkoc shomc kuy jix Tishox rueq httax yaq lotlaz kuex naungshiq muex kuq muq maq dvyx httax tuex haz?


Christu kuex mvrax yvmx muinz vguez waz rvtueq, yuq muinz naungshiq kuex Christu rulc vshiz yaungx ruiux Tishox tsuingrux tvrac kvruex rv-phvlc wvnc jix muex yaungc tvkoc Tishox rueq Christu kuex naungshiq tvkoc nuex naungshiq vkhoc mvrax vhttax miq muex tvyaungc gay tueq.


“Pulx jungx nuex but gay rvhumc jix waz kuex Tishox rueq vtuemc kuq waz rvtueq,” ngoz tueq Rumvrc luik nuex jungx shec tueq ikhoc, Christu kuex naungshiq tvkoc vkvtuemc aungx yaq ikhoc rvhumc tueq yix maq, naungshiq kuex Tvrac rueq tuemc kuy rvhumc tiq wawc daungc wvnc phuex.


Naungshiq rueq mvrax kuex vjungx ruingx maq tvsawc baungc gay ruiux, tsuingrux lvmx nuex thuiuzthuic tvraungx wvnc lot tvkoc vpiq rueq naungshiq mvrax kuex vpiq shauk gvnz nuex tvdaungc gurx vtueq yauk juinc bulx nuex kuilc daz guirguenc rvhumc tueq. Vpiq mac vtsac htenc maq nuimshiq hvlx wvnc wuez tuit.


Yvmx khoc lac ngoz ruiux lec Christu kuex naungshiq mvrax laung nuex laukshiz lvmz maq dvyx lotlaz rawc nuex tvlot laz vthueyc khvmc tueq. Vpiq kuex miqhvlx waz rvtueq rvhvt maq mvrax lvp jix laung nuex thueyc khvmc tueq, kvkhoc ruez tueq lvmz kuex nuimshiq kuex Tishox kox nuex shvlc wvnc tvkoc rvtueq. Vpiq kuex gvnngvmx maq vthvy gay rvhumc ruiux muinz siyac nuex Tishox rueq tvraungx tvhttax tueq.


Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.


Síguenos en:

Anuncios


Anuncios


¡Síguenos en WhatsApp! Síguenos