Matthew 24:9 - Hawa Naga Bible 2001

⁹ “Kvruex yimaq miq htenc rueq nuimshiq kuex lvp vtueq murx tvgurc tvkoc nuiyc vthvy gay tvkoc vkhangx vhttax jix yauk nuex lekuq gay kv-phuinx. Ngvy muingc ningkhvnc nuex miqphvnx lotlaz rueq nuimshiq kuex shuiuc kv-phuinx.

ASII LAKDAP Bible (BSI)

⁹ “Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Muklom

⁹ “Ethi jio nim sha lo pha nin etho thahikham pha nin etho tikwat chak pha nin. Etho nim ijiphantey tang ang tungkang o miq thaji eq nim raa miiksuk pha nin.

Matthew 24:9 Referencias Cruzadas

TAKSU LAK 29:27

Tsuingrux jix rueq layx bac jix kuex shuiuc yaq, layx bac jix rueq muinz tsuingrux jix kuex shuiuc yaq.

DANIEL 11:33

Miq htenc wawc taksux tharc vhttax walaungx bix rueq vganc miq paunghvlc muex shunshvlx shuex. Yuq muinz rvkvmx httax ruiux tsuinghez wawc wvyvmc kuex ralx khvt nuex thueyc tuex, rvmuq ngoz ruiux wvr maq jauk thvt gay shuex, wvyvmc kuex vpuinc vnyvlc nuiyc khoktep miqsaz muex tvyaungc wvnc shuex.

Matthew 22:6

Wvyvmc rueq piq nvrc waz hez kuex lvp vtueq wungthvt vtueq thvt gay wuez tueq.

Matthew 23:34

Kvkhoc rvtueq nuimshiq muex ngaz rueq jungx kuq ix, shvmmax bix, wvtharc jix, tvluingc waz hez kuex nuimshiq kox nuex ngaz rueq tvkaz phaungx rvtueq, tsuinghez wawc wvyvmc kuex thvt gay shuinx, wvyvmc kuex yauk juinc bulx nuex but gay ruiux, wvyvmc kuex vjux thoz juing baung maq wungthvt vtueq, ghaqshiz maq ghaqshiz nuex guirguenz wvnc shuinx.

Luke 11:49

Kvkhoc rvtueq Tishox Taksux Tharc jungx tueq kuex, ‘Shvmmax bix nuiyc kamx waz hez kuex ngaz rueq tsuingshiq kox nuex nvr tvkaz shaungx, wvyvmc kuex vguirc vguenc rvshuex.’

Luke 21:12

Kvruex lvmz htenc max yaungx wvnc nuex, miq rueq nuimshiq kuex lvp vtueq tvkuilc daz kv-phuinx; vjux thoz yuimx htenc maq phox vtueq khoktep nuex tvshauk gay kv-phuinx; ngvy ningkhvnc nuex hokhvmx bix nuiyc vyungx vlaungx bix khaungkac nuex httuiuc tuinx.

John 15:18

“Mungkawx miqsaz rueq nuimshiq muex max shuiuc pac nuex dvyx ngaz muex kungkhux shuiuc pac phuex lvmz kuex rvwvl taq shuinz.

John 15:21

Yuq muinz tsuingshiq rueq ngvy tvkay jix waz kuex tuiuz muq rvtueq ngvy muingc ningkhvnc nuex vguirc vguenc lvmz lotlaz nuimshiq muex ruez kv-phuinx.

John 16:2

Nuimshiq kuex vjux thoz yuimx htenc wawc yurc gay rvhumc tuinx, nuimshiq thvy gay kv-ngoc Tishox yauk shuimc rvtueq ngoz tueq tsuingshiq rueq tvmaung wvnc shuex vkhing kuex vsuing httuiuc wvnc tuex.

Acts 28:22

Yuq muinz mnoz rueq mkhoc lac tvmaung vshuiux mkvjaz kuex nuiyshiq rueq tay roc vshix, yvmx khoc lac ngoz ruiux lec mnoz lomx vtuiux phungc kuex baung ruip saz wawc miq htenc rueq vbac yomnamc kvjaz jungx yaq kuex tay lvp vshix,” ngoz tueq.

Acts 7:59

Kvkhoc tsuingshiq rueq lung maq tuip yaq nuex Stephen rueq, “Taungjix Yesu lex, ngvy siyac kuex lvp wvnc koq!” ngoz tueq vjux thoz tueq.

1 Peter 4:16

Yuq muinz Christan miqsaz yaungc ningkhvnc nuex kuilc daz rvhumc ruiux yuq kuex yvlc svy juing lvmx vguez, kvruex laung nuex Christu muingc jungc lvp wvnc toq ningkhvnc nuex Tishox muex kejux vyungx ngoz shuiuz.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Revelation 2:13

Mnoz httaz vtuiux baung kuex ngaz rueq tuiuz yaq, mnoz kuex Satan hoc daungraungc httax yaq kvyuq httax vtuiux. Ngaz nuex tvmtuing maq hakhix khvmc kuy jix waz Antipa kuex Satan httaz juing baung nuimshiq hvlwvl nuex thvt gay tueq kvkaq doc muinz, mnoz kuex ngaz nuex tvmtuing httax vtueq ngaz muex kvmluimx lvmx kuex tvlvlc gay muq.

Revelation 7:14

Ngaz rueq, “Jiyungx lex, ngaz rueq tuiuz mauk, mnoz rueq tuiuz vshuiux,” ngoz tueq tvralc tauk. Piq rueq, “Tsuingshiq kuex vkuilc vdaz mungx wawc vluenx wvnc miqsaz htenc rvtueq. Tsuingshiq rueq miqmac khoz vkhvy htenc kuex Khelbuenx Saz tvguiy maq tvsawc hoal wuez tueq.