Matthew 24:7 - Hawa Naga Bible 2001

⁷ Miq phvnx shix maq phvnx shiz nuiyc mungx shiz maq mungx shiz ralx rvkhvt wvnc tuex. Baung ruip saz nuex thuimkux rvmc dung wvnc tuex, gaqyung mux wvnc tuex.

ASII LAKDAP Bible (BSI)

⁷ Maiq mung ashiti raq mungshiti kra mikhat. Kiimaq hokham weshi raq hokham weshi rai mirkhat. Mangjong hiq barap se na ram midong. Kiimaq hiqjong mimu.

Muklom

⁷ Phan ajat nia phan ajat sha takhat janna, mung ni mung sha takhat janna etho shong aa cham angna etho haqkung shin na.

Matthew 24:7 Referencias Cruzadas

2 KAÜWA WERAÜ 15:6

Tishox rueq vkuilc vdaz phvnx ruip saz kuex tsuingshiq muex tvdungc kuy ningkhvnc nuex, mungshiz rueq vganc mungshiz muex, ghaqshiz rueq vganc ghaqshiz muex tuinghtuing wuez tueq.

ISAIA 19:2

Yehowa rueq, “Ngaz rueq Ejip mungx nuex ralx tvdung vtueq saqphuz saqnox vdvmz dvmz, yuimx phic yuimx phaungx jix vdvmz dvmz kuex tvkhvt shaungx. Rvlongx yaq ghaqyungx htenc tsuingshiq vdvmz dvmz rvkhvt wvnc vtueq, rvlongx yaq hokhvmx bix muinz tsuingshiq luimc vkawc tvkoc hunglaungx wuez tuex.

ISAIA 29:6

Tvphaungc Tvsuip Yehowa rueq raungmuk raunghtiq hvlc nuiyc gaqyung mux rulc vdvmz maq nuimshiq kuex palc wvnc kv-phuinx. Vpiq rueq raunghtiq raungguil nuiyc wvrluic kuex tvkaz shuex;

EJEKIEL 14:21

Vruex kuex Johvlc Yehowa rueq jungx yaq: “Ngaz rueq Yerusalem ghaq htauk nuex bac hvlc murx bvlic rvtueq, ralx rvlungc, khvmx vrvmc, ngvmx saz svl vwvl nuiyc vmac vtsac thuiuz sac tvkaz shaungx, kvruex kuex miqsaz muinz nyvmx saz muinz tvmaq gay shuex.

EJEKIEL 21:27

Bac kaz, bac kaz! Rvtueq, ngaz rueq ghaqyungx kuex tvbac gay shaungx. Yuq muinz kvruex ghaqyungx kuex tvbac gay tvkoc ngaz rueq vthvl shec waz max httuiuc wawwawx kuex kvruex yaungx wvnc tuex rvmuq. Kvruex kuex piq muex ngaz rueq lekuq shec tauk.

JEKERIA 14:13

Kvkaq Yehowa rueq tsuingshiq kuex tvthuip khvt tvhiz sungx tvyaungc ruiux, miq tek vtueq miqmac phic vphaungx wawc waz kuex khvt thvt wuez shuex.

Luke 21:11

Kvhiz juing gaqyung mux wvnc tuex, thuimkux rvmc nuiyc baung ruip saz nuex vthuiuz vsac htenc yaungx wvnc tuex, raungwawc vhiz juing phvnx htenc nuiyc romzyac htenc muinz dung wvnc tuex.

Acts 11:28

Tsuingshiq phungc kvwawc vmuingc Agabu ngoz yaq waz kuex jvp vtueq ghaq lotlaz nuex thuimkux yunghvlc httuiuc tuex lvmz Siyac luimc vkawc maq tvluz nuex jungx tueq. (Kvruex kuex honoc Klaudiu pat nuex yaungx wvnc tueq.)

Acts 2:19

Ngaz rueq raungx nuex romzyac htenc nuiyc ghaq htauk vyuq vwangc juing htenc ngoz yaq, Tvguiy, wvr nuiyc wvr khuiuq htvy hvlc htenc kuex tvkhic kuq shaungx;

Hebrews 12:27

“Yimaq laukshiz” ngoz tueq kvjaz kuex tvdungc sungc vruez phvnx htenc kuex buil vtueq tvbac gay shuex ningkhvnc nuex, kvbuilc kvmoay muq phvnx dvyx shex kvjungx tuex ngoc bomc rvtueq.

Revelation 6:12

Khelbuenx Saz rueq tvsik tvruk jalc gay tueq kuex ngaz rueq khiz tauk. Kvkaq gaqyung mux pinhtumc mux wvnc vtueq, shalx kuex htoylac htungc nyauk ikhoc nyauk wvnc tueq, yapix muinz tvguiy ikhoc shawx wvnc tueq.

Revelation 6:5

Khelbuenx Saz rueq tvsik vthuimx ngoc yaungc kuex jalc koq tueq, ngvmx saz vthuimx ngoc yaungc rueq, “Kaz loq!” ngoz tueq ngoz yaq kuex ngaz rueq tay tauk. Ngaz rueq lawc koq tueq, mvre nyauk vshiz khiz tauk. Mvre htauk nuex ngaungc jix shvrvyx waz rueq tok vshiz shuimx yaq.

Revelation 6:6

Ngvmx saz bvlic hvlwvl wawc vdung ikhoc tvruingc vshiz ngaz rueq tay tauk, kvruex tvruingc kuex, “Nyensaz wungx liter shiz kuex raungnuiyq shiz yauk shuimc mauk muex kuy rax yaq, wanx tsvmz liter thuimx kuex raungnuiyq shiz yauk shuimc maq kuy rax yaq. Yuq muinz olip jungx htenc nuiyc svpiq sunc htenc kuex nauk tvbac kaz!” ngoz tueq jungx tueq.

Revelation 6:8

Ngaz rueq lawc koq tueq, vshvmx vmut mvre vshiz kuex khiz tauk. Mvre nuex ngaungc jix shvrvyx waz muingc kuex Vthueyc rvtueq, piq yix nuex wulumx mungx rueq phvnx yaq. Tsuingshiq rueq ghaq mvnz bvlic wawc mvnshiz nuex httax yaq miqsaz htenc kuex yaung vpaq ralx, thuimkux rvmc, htaungc dungc nuiyc svl vwvl ngvmx saz phvnx htenc muex tvthvy gay vrangx vpangx kuq tueq.