Matthew 24:42 - Hawa Naga Bible 2001

⁴² “Kvkhoc rvtueq honc lvmz hvt maq bvmc wuez shuinz, nuimshiq Taungjix waz kuex mruex kaq wuez httuiuc kaz yaq nguinx nuimshiq rueq tuiuz muit.

ASII LAKDAP Bible (BSI)

⁴² “Ara chongtiikang arkha maq, namshiq ka pinthum honkam shatmaq shongnga ronglaq. Ara jamkhano chongtiikang ngukla namshiq raq Tatiwe saükai ranaiq akhing ka sap man.

Muklom

⁴² Ethirangma ban kacha ang inn, chammatakoi ba Teyhungwa sha baluk o thu phana nim aa sam min.

Matthew 24:42 Referencias Cruzadas

Matthew 24:36

“Yuq muinz kvkhoc yaungx wvnc tuex vraungx nuiyq nuiyc vkhing kuex uraq muinz tuiuz muq; raungkamx bix nuiyc Vsaz rueq doc muinz kvruex tuiuz muq; Vwaz rueq dvyx kvruex tuiuz yaq.

Matthew 24:43

Mkhoc shoc maq yuimx taungjix waz rueq vguiuq waz kaz tuex vkhing kuex tuiuz ruiux yuq, piq kuex honc lvmz hvt maq httax vtueq piq yuimx nuex vguiuq tv-nyuip shuex rvmuq lvmx kuex rvwvl wuez shuinz.

Matthew 24:44

Kvkhoc rvtueq nuimshiq honc lvmz hvt maq httax wuez kuinz, yvmx khoc lac ngoz ruiux lec Miq Saz vruex kuex nuimshiq rueq tvmaung muit baunglaung httuiuc kaz tuex.

Matthew 25:10

Kvkhoc rvtueq miqyaq jix yalxtux nyuiuz tamx vpuiz tix rez kay vkaz wvnc baunglaung waz nyalx waz kuex httuiuc kaz tueq. Tvyoalc yoalx nyuiuz bv-ngac kuex piq rulc roc nuex miqlvmc moalx kvyuq nyuip waung ruiux kaluix kuex shauk gay shec tueq.

Matthew 25:13

Kvkhoc rvtueq Yesu rueq, “Vraungx nuiyq nuiyc vkhing kuex nuimshiq rueq tuiuz muit ningkhvnc nuex honc lvmz hvt maq httax kuinz, ngoz tueq tvsuip tueq.

Luke 21:34

“Nuimshiq kuex phuiuz bac, svytac, joal juk pawc vtueq rullungx tvraungx lvmx tvkoc rvwvlc tvmaung lvmx htenc rueq nuimshiq kuex puingc taungx wvnc muq mruez shueq, honc lvmz hvt rvshuinz, rvmuq ngoz ruiux khac phox shuex Raungnuiyq kuex bix juimz yaq ikhoc nuimshiq htauk nuex huingc rvhet laz httuiuc wvnc tuex.

Luke 21:36

Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Romans 13:11

Nuimshiq kuex kvtsoalx wawc kvsvmc wvnc vkhing httuiuc wvnc yaq shex lvmz kuex tuiuz yaq ningkhvnc nuex, lungwawc tvrac kuex phvnx wuez shuinz. Yvmx khoc lac ngoz ruiux lec naungshiq palc daungc wvnc rvhumc juing raungnuiyq kuex Taungjix Yesu naungshiq kvmluimx phaungc wvnc tiq maq hesap ruiux yuq vnyek wvnc yaq shex rvtueq.

1 Corinthians 16:13

Honc lvmz hvt rvshuinz, nuimshiq kvmluimx lvmx nuex phaungx duingduing jvp wuez kuinz, khvmc thuinz httax wuez kuinz, hungc vlaungc httax wuez kuinz.

1 Thessalonians 5:6

Kvkhoc rvtueq naungshiq kuex vganc jix htenc ikhoc kvtsoalx kaz miq maq, kvsvmc hvt raz tueq, honc lvmz hvt maq httaz juing rvtueq.

1 Peter 4:7

Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.

1 Peter 5:8

Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.

Revelation 16:15

“Tay shuinz! Ngaz kuex vguiuq ikhoc httuiuc kaz taungx! Kvkhoc rvtueq sawkumx maq khuemshamx vtueq, miq htumc nuex yvlc svy rvhumc muq mruez kueq, kvtsaq hvt maq miqmac khoz vkhvy bvmc jix waz kuex thuinhvlx yaq.”