Matthew 24:3 - Hawa Naga Bible 2001

³ Yesu kuex Olip Kanx htauk nuex ngaungc yaq kvyuq sangac bix kuex vpiq kox nuex waung vtueq, “Kvruex kuex mtanc jauz lac yaungx wvnc tvnx? Mnoz svt kaz tuiux nuiyc mungkawx ghaq bac wvnc tuex vkhing nuex yvmx phvnx romzyac lac dung wvnc tvnx nuiyshiq muex jungx kuq koq,” ngoz tueq.

ASII LAKDAP Bible (BSI)

³ Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Muklom

³ Jesu Olive haqkang na tong chey atho, ujiphantey tang shu shu eq piq relnáng ka eq batta, “Í ma bat phu, iri tang ri baluk o angna? Ba kat etho mingkang thun rima chamlang wit aa.”

Matthew 24:3 Referencias Cruzadas

Matthew 13:36

Kvruex yimaq Yesu kuex nuk miqsaz phungc kvwawc rv-phvlc wvnc vtueq yuimx nuex nyuip wvnc tueq nuex, vpiq sangac hez kuex vpiq kox nuex kaz vtueq, “Httuingkemc maq bomc tv-ngvlc kuex nuiyshiq muex jungx kuq koq,” ngoz tueq.

Matthew 13:49

Mungkawx htumx raungnuiyq muinz kvrulc rv-ngvlc yaungx wvnc tuex. Raungkamx bix httuiuc kaz vtueq tsuingrux jix phungc wawc honc vbac miqsaz htenc kuex thvl gay ruiux,

Matthew 15:12

Kvkaq vpiq sangac hez kuex vpiq kox nuex kvnvp kaz vtueq, “Mnoz rueq jungx vshuiux kvjaz kvruex Pharise nuk rueq tay vtueq tsuingshiq thuinkhaq wuez yaq kuex tuiuz vshuiux haz?” ngoz tueq jungx tueq.

Matthew 16:27

Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Matthew 16:28

Ngaz rueq nuimshiq muex vsuing jungx kuq ix, vruex yuq jvp yaq jix wvyvmc kuex Miq Saz vruex Hokhvmx ikhoc httuiuc kaz yaq kuex khiz muq wawwawx thueyc kaz muq,” ngoz tueq.

Matthew 17:19

Kvruex yimaq sangac bix dvyx Yesu kox nuex kvnvp kaz vtueq, “Nuiyshiq rueq yvmx rvtueq lac htaungc kvruex yurc gay lot miq ix?” ngoz tueq wiz tueq.

Matthew 21:1

Yesu nuiyc vpiq sangac hez kuex Yerusalem nuex httuiuc wvnc nanac Olip Kanx hep wawc Betphage ghaq nuex httuiuc waung tueq. Yesu rueq sangac wanueyc nvr tvkaz tueq,

Matthew 24:27

Yvmx khoc lac ngoz ruiux lec raunglep koq yuq shaldungc maq shalx nyuip nuex httuiuc laz phez yaq ikhoc Miq Saz kuex httuiuc kaz tuex.

Matthew 24:30

Kvruex kaq Miq Saz vruex vromz yac htenc kuex raungx nuex dung kvkhic tuex, kvkaq dvyx ghaq htauk wawc miqsaz lotlaz rueq Miq Saz kuex luimc vkawc ngauz vngax yunghvlc rulc vdvmz raungwawc phuemx htauk nuex ngaungc vtueq httuiuc kaz yaq kuex khiz ruiux yuq vkhoarc vsez rvwuez tuex.

Matthew 24:37

Miq Saz httuiuc kaz yaq kuex Noa pat nuex yaungx wvnc tueq rulc rv-ngvlc yaungx tuex.

Matthew 24:39

tsuingshiq kuex yuix puingx wvnc vtueq lotlaz thuq wvnc tueq nuex httuiuc laz shilauk shilix httax wuez tueq. Kvrulc rv-ngvlc Miq Saz vruex httuiuc kay jauz muinz kvkhoc yaungx tuex.

Matthew 24:43

Mkhoc shoc maq yuimx taungjix waz rueq vguiuq waz kaz tuex vkhing kuex tuiuz ruiux yuq, piq kuex honc lvmz hvt maq httax vtueq piq yuimx nuex vguiuq tv-nyuip shuex rvmuq lvmx kuex rvwvl wuez shuinz.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Luke 21:7

Tsuingshiq rueq, “Tvluingc waz lex, kvruex kuex mtanc jauz yaungc wvnc juing lac? Kvruex yaungx wvnc vkhing nuex vtuiuz wvnc juing kuex yvmx lac yaungx wvnc tvnx?” ngoz tueq wiz tueq.

Acts 1:7

Yesu rueq tsuinghez muex, “Iwaz rueq vpiq vrangx vpangx maq vhtvp htaz taq shec vkhing kuex nuimshiq rueq tuiuz juing rvmuq.

Hebrews 9:26

kvkhoc shomc kuq tueq ngoz ruiux kuex, mungkawx tvdung phaungc tueq maq paunghvlc lauk thueyc khvmc juing rvkhvmz tueq. Kvkhoc tvraung, majuiuc kuex mungkawx htumx wvnc khvmkhvmz nuex laukshiz dvyx httuiuc kaz vtueq, vpiq thuiuzthuic kuex shomc kuq gay ruiux mvrax kuex tvsawc nawc hoal gay tueq.